2 Samuẹl 20:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ọye ihwo rẹ Izrẹl ejobi de sioma reyọ ni Devid, ayen de nene Sheba ọmọ ri Bichri; ẹkẹvuọvo ihwo ri Juda de nene ovie rayen nẹ Jọdan re te Jerusalẹm.

2 Samuẹl 20:2 ပူးပေါင်းရင်းမြစ်များ

2 Samuẹl 19:15

ovie de rhivwi rhe Jọdan; Juda da rhe Gilgal rhe vwa ovie, ayen da reyọ ovie wanvrẹn Jọdan.

2 Samuẹl 20:1

Asakiephana orharhe rẹ ohwo ọvo da herọ, re se Sheba, ọmọ Bichri ohwo ri Bẹnjamin; o de hworo owanre ọ da ta, Avwanre vwo ẹkẹ vwi Devidi-i, avwanre vwo uku vwẹ ọmọ ri Jesse-e; dohwo dutughẹ rọye ra, E Izrẹl.

2 Samuẹl 20:21

Ọyena dia uyota-a. Ẹkẹvuọvo ọshare ọvo ro nẹ ugbenu rẹ Ifrem rhe, re se Sheba, ọmọ ri Bichri, ọye kpare obọ nẹ ọye hwe Devid rẹ ovie. Wa reyọ ọye ọvo rhe, ki mi si obọ nẹ orere na; Aye na da ta kẹ Joab, Nighere, e che phi uyovwi rọye wan enu rẹ igbẹhẹ na rhe we.

2 Samuẹl 20:3

Devid de rhi te uwevwi rọye vwi Jerusalẹm; ọye ovie da reyọ ẹsen ihwe na rọ yan jovwo ne vwẹ ẹro te uwevwi rọye; o de phi ayen phihọ uwevwi ọ da vwẹ ohwo rhẹrẹ ayen, jọ kẹ ayen emu ria, ẹkẹvuọvo o gbi bru ayen kpo ovwerhẹ-ẹ. Ọtiọye ọ kare ẹchẹ gbe ayen rhiri kerẹ eyauku re te ẹdẹ ughwu rayen.

1 Ivie 12:20

ọke rẹ Izrẹl ejobi vwo nyo nẹ Jeroboam rhivwi rhire, ayen de ji ohwo re se rhe ọghwẹgbe na ayen da vwọ ma ovie vwẹ enu rẹ Izrẹl ejobi. ọ gbi rhe vwo ọvuọvo ro nene uwevwi ri Devidi-i, jokpa rẹ uvwiẹ ri Juda na ọvo.

2 Ikun rẹ Ivie 10:17

Ẹkẹvuọvo Rehoboam da re vwẹ enu rẹ ihwo rẹ Izrẹl re dia irere ri Juda.

Une rẹ Ejiro 62:9

Ihwo ri kpotọ emu ghevweghe, ihwo ri kpenu ji ophiẹnvwe; a da vwavwọn ayen; ayen pharhe nọ emu diodi.

Isẹ 17:14

Ẹtuọhọ rẹ ofovwi ọ họhọ ẹsiẹ re bru udio rẹ ame, vwẹ ọtiọye na gba kẹnẹ oma bẹsiẹ rẹ ẹghwọ vwọ phia.

Iruo rẹ Iyinkọn na 11:23

Ọke rọ vwọ rhe rhe mrẹ ẹserọphẹ rẹ Ọghẹnẹ na, oma da vwerhọn; o de bru ayen uche rere ayen nabọ mudia gan vwi iruo rẹ Ọrovwohwo na;