2 Samuẹl 20:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Mẹvwẹ, ọvo vwẹ usun rẹ ihwo ri furu ri fuevun vwẹ Izrẹl na; wọ guọnọ guọghọ orere rọ dia oni vwẹ Izrẹl; die wo vwo mu uku rẹ Ọrovwohwo rọ?

2 Samuẹl 20:19 ပူးပေါင်းရင်းမြစ်များ

Jẹnẹsis 18:23

Etiyin Ebraham de sikẹrẹ, ọ da ta, Ku wo ghine ghwọrọ evwata kugbe iruimwemwu?

2 Samuẹl 14:16

Kidie ovie se nyo, ro de si ọmọtẹ rọye nẹ obọ rẹ ohwo ro che hwe vwe vẹ ọmọ mẹ kugbe nẹ ukuẹriọ rẹ Ọghẹnẹ.

2 Samuẹl 17:16

Fiki rẹ etiọye, Asakiephana gbe ji ohwo phẹrẹphẹrẹ ra ta kẹ Devid nẹ, we wo phihọ uphephẹ rẹ asan ushuame na vwẹ ason na-a, ẹkẹvuọvo ayen wanvrẹn phẹre; a da rhe vwa ovie vẹ ihwo ri nenire, a da rọ ayen nu.

2 Samuẹl 20:18

Etiyin ọ da ta, Ayen je ta vwẹ akpọ rẹ avwanre, e ja ra nọ ekpẹn rẹ iroro vwẹ Ebẹl, kẹ ọtiọye ayen vwọ rhuẹrẹ ota.

2 Samuẹl 20:20

Joab da kpahe ọ da ta, Ọ dia omẹvwẹ-ẹ, ọ dia omẹvwẹ-ẹ, re me vwọ rọ yẹrẹ guọghọ?

2 Samuẹl 21:3

Devid da ta kẹ ihwo ri Gibiọn, Die mi kẹ ovwan? Mavọ mi ru re ohọre vwo she ovwan re wa nẹ ẹrhovwo kẹ ireuku rẹ Ọrovwohwo?

1 Ivie 8:53

Kidie wẹ re hẹriẹ ayen nẹ ohri rẹ ihwo rẹ akpọ na, ne dia iriuku wẹn, kirobo wọ wan oma ri Mosis, odibo wẹn ta, vwẹ ọke wọ vwọ reyọ esẹ rẹ avwanre nẹ otọ rẹ Ijipt rhe, E Ọrovwohwo Ọghẹnẹ.

Une rẹ Ejiro 106:5

rere me vwọ mrẹ erhuvwu re ihwo ru wọ jẹreyọ rere me ghọghọ vwe omavwerhe rẹ ẹgborho wẹn, rere me vẹ ireuku wẹn ghọghọ.

Une rẹ Ejiro 124:3

kẹ ayen a rọ vwẹ ọkpokpọ, ọke rẹ ophu rayen da tua kpahe avwanre;

Une rẹ Ejiro 33:12

Ebruba kẹ orere rẹ Ọghẹnẹ rọye dia Ọrovwohwo, ihwo rọ jẹreyọ nẹ e dia ireuku rọye!

Une rẹ Ejiro 78:71

rọ ghẹre igodẹ vẹ emọ boba ri vwiẹ kẹ rọ dia osuigegede ri Jekọp ihwo rọye, rẹ Izrẹl ireuku rọye.

Jerimaya 51:34

Nebukadreza ovie rẹ Babilọn ọ re vwẹ, ọ guọghọ ovwẹ o ru vwe phihọ oravwọ ofefe, ọ rọ vwẹ kerẹ eniame, ọ vwẹ asan avwerhe mẹ vọn evun rọye, o mi vwe kufia.

Jerimaya 51:44

Mi che hwe Bẹl vwi Babilọn, mi de si obo rọ rọre na nẹ unu rọye rhe. Ẹgborho na rha ghwiẹ bro ra ọfa-a, igbẹhẹ ri Babilọn she nure.

Uvwerhe 2:16

Ivwighrẹ wẹn ejobi herọ ghwọ ku we, ayen fiunu ayen ria akọ, ayen kperi avwanre guọgherọ Ẹhẹn ọnana ẹdẹ rẹ avwanre rhẹro rọye na, asakiephana o te avwanre obọ re avwanre mrẹrẹ re!

Uvwerhe 2:2

Ọrovwohwo rhe vwo arodọvwẹ vwẹ ọke rọ vwọ guọghọ ẹdia ri Jakọp ejobi-i; vwẹ ọphu rọye ọ da guọghọ te otọ ogba ọgangan rẹ ọmọtẹ ri Juda, o siro ghwiotọ vẹ ophọphọvwe uvie kugbe isun rọye.

Uvwerhe 2:5

Ọrovwohwo rhe rhoma họhọ ọvweghrẹ re, Ọ da rhe guọghọ Izrẹl; ọ rhe guọghọ ighẹn rọye ejobi, hirhe ogba ọgangan rọye phihọ erhurhu, O ki rhe ru omaemuohọ vẹ oviẹ buphihọ vwẹ evun rẹ ọmọtẹ ri Juda.

Ukeri 16:32

otọ na de rhie unu rọye phihọ ọ da rọ ayen nu, vẹ ekuakua rẹ eyere uwevwi rayen ejobi kugbe ihwo ri Korah vwori ejobi vẹ ekuakua rayen.

Ukeri 26:10

otọ de rhie unu rọye phihọ o de mu ayen rọ kugbe Korah, usun yena vwo ghwu, vwẹ ọke rẹ erhanre vwọ torhẹ ihwo uri gbe ujuvẹ gbe ihwe; ayen da rhe dia obo re djoshọ mu ohwo.

1 Kọrẹnt 15:54

Ọke rẹ oma ro ghwẹ na de ku oma ro jeghwo phihọ, yẹ ota ra tare re siri na gbare nẹ, A rọ ughwu vwẹ obọẹkparọ.

2 Kọrẹnt 5:4

Kidie rẹ avwanre je vwọ hẹ utughe nana, yẹ avwanre fiọn unu ro ẹnwan; ọ dianẹ kẹ avwanre ban phihọ-ọ, ẹkẹvuọvo ke rhuo avwanre phihọ, ọtiọye na arhọ ko mu obo re dia ọ rẹ ugboma ro ghwẹ rọ.

Urhi Rivẹ 20:10

Wo de sikẹrẹ orere wọ cha họnre na, guọnọ obo ru wọ vẹ ọye vwọ rhuẹrẹ kugbe.

Urhi Rivẹ 32:9

Kidie ẹkẹn rẹ Ọrovwohwo ọye ihwo rọye, Jekọp ọye ẹkẹn uku rọye.

1 Timoti 2:2

vwọ kẹ Ivie kugbe ihwo ride, rere avwanre vwo yere akpọ dẹndẹn vẹ ufuoma, yoyovwi vẹ ọghọ vwẹ idjerhe kidjerhe.

Iguẹdjọ 5:7

Eghwẹrẹ rẹ Izrẹl da daji, ayen da obọ ji bẹsiẹ wọwẹ, ri Dẹbora vwo Vrẹn, wo de Vrẹn kiri oni vwẹ Izrẹl

1 Samuẹl 10:1

Etiyin Samuẹl da reyẹ ukoko rẹ evwri o de kuo ku uyovwi rọye, ọ da fiọnfiọn unu ọ da ta, ọ dianẹ Ọrovwohwo re vwẹ evwri ghworo uwe nẹ wọ dia ovie vwẹ enu rẹ ihwo rọye Izrẹl? Ku wọ re vwẹ enu rẹ ihwo rẹ Ọrovwohwo na ku wo sivwi ayen nẹ obọ re ivwighrẹ re riariẹ ayen phihọ na. Ọnana kọ dia oka kẹ wẹ nẹ Ọrovwohwo ghine vwẹ evwri ghworo uwe nẹ wọ dia ovie vwẹ enu rẹ ughwẹ rọye.

1 Samuẹl 26:19

Asakiephana gbe jẹn ọrovwovwe ovie nyo eta rẹ odibo rọye. ọ da dianẹ Ọrovwohwo kọye kpare owẹ vwọ so vwẹ na, e jọ reyọ okẹ; ẹkẹvuọvo ọ da rha dia ihwo rẹ akpọ, e jẹn ekan dia kẹ ayen vwẹ obaro rẹ Ọrovwohwo, kidie nonẹ na ayen djẹ vwẹ ni mi rhe vwo ẹkẹ vwẹ ughwẹ rẹ Ọrovwohwo-o, tanẹ, Yanran ra gọ edjọ efa.