2 Samuẹl 20:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Etiyin aye ọvo ro vwo ẹghwanre de kperi nẹ evun rẹ orere na rhe, nyo! nyo! Ta kẹ Joab, Rhe etinẹ, me ta ota kẹ wẹ.

2 Samuẹl 20:16 ပူးပေါင်းရင်းမြစ်များ

2 Samuẹl 14:2

Joab de ji ohwo kpo Tekoa ra guọnọ aye ọvo ro vwo ẹghwanre nẹ oboyi rhe, ọ da ta kẹ, Ru kerẹ ohwo ro vwerẹ uvweri, wo ku ewun rẹ uvweri phihọ, wọ vwẹ evwri ghworo oma wẹ-ẹn, ru kerẹ aye ro vwerẹ ohwo ro ghwu krire;

2 Samuẹl 20:17

Ọ de rhi si kẹrẹ, aye na da ta, Wẹ Joab? Ọ da kpahe, Mẹvwẹ ọye; Etiyin ọ da ta kẹ nyo ota rẹ ọmọtẹ wẹn, Joab da kpahe, Mi ro nyo.

2 Samuẹl 20:22

Etiyin aye na da vwẹ ẹghwanre bru ihwo rọye ejobi. Ayen de bru yovwi ri Sheba, rẹ ọmọ ri Bichri e de phio wan igbẹhẹ vrẹn kẹ Joab. Etiyin Joab de hworo owanre ayen da hrabọ nẹ orere na, dohwo duwevwi rọye da ra. Joab de rhivwi kpo Jerusalẹm bru ovie.

Daniẹl 2:14

Etiyin Daniẹl da vwẹ ẹghwanre vẹ iroro kpahe ota kẹ Ariọk, onotu rẹ idugbu rẹ ovie na, rọ yanran re hwe evwaghwanre ri Babilọn na.

1 Samuẹl 25:3

Asakiephana odẹ rẹ ọshare na kẹ Nabal, odẹ rẹ aye rọye kẹ Abigail. Aye na vwo erhuvwu kugbe erianriẹn, ẹkẹvuọvo ọshare na pha miomiovwi kugbe uruemu ọbrabra; ohwo ri Kaleh.