2 Samuẹl 20:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ihwo re vẹ Joab gba herọ ejobi da rhe kua Ebẹl ri Betmaacah, ayen da vwẹ eragha gba ogba riariẹ orere na, o de rhirẹ mu igbẹhẹ rẹ orere na kokoroko jẹ orho na ji mudia; ihwo ejobi ri nene Joab ki kporo igbẹhẹ rẹ orere na rere o she.

2 Samuẹl 20:15 ပူးပေါင်းရင်းမြစ်များ

2 Samuẹl 20:14

Sheba wanvrẹn orua rẹ Izrẹl na ejobi o de rhi te Ebẹl, Betmaacah; ihwo ri Bichri ejobi de rhi koko nene ruọ.

1 Ivie 15:20

Bẹnhadad da rhọvwe kẹ Asa, o de ji inotu rẹ ofovwoi rọye re phi irere rẹ Izrẹl o de phi Ijọn, Dan, Abel-bet-maakah, kugbe Gbinnerọt ejobi kua, kugbe etọ ri Naftali ejobi.

Ivie rẹ Ivẹ 15:29

Vwẹ ọke ri Peka ovie rẹ Izrẹl vwo suẹn, ọye Tigiatpileza ovie rẹ Asiria rhe vwọ kua Ijọn, vẹ Abel-bet-maka, vi Janoa, vi Kedẹsh, vi Hazo, vi Giliad, kugbe Galili vẹ otọ ri Naftali ejobi; o de mu ihwo na ighuvwu kpo Asiria.

Ivie rẹ Ivẹ 19:32

Enẹ Ọrovwohwo ta kpahe ovie rẹ Asiria. Ọ cha rhe orere nana-a, Ọ cha sa odada phihọ etiyi-in, eyẹ ọ cha rhe vẹ ekpọfia eyẹ o che bro dje-e.

Aghwoghwo 9:14

Omorere ọvo herọ rẹ ihwo tutuno dia; etiyin ovie rode ọvo da rhe, rhe vwọ suọ, ọ da gba ohẹrhẹ rhuarho riariẹ.

Aizaya 37:33

Vwẹ ọtiọye na enẹ Ọrovwohwo na ta kpahe ovie rẹ Asiria, Ọ cha sa rhe orere nana-a, eyẹ ọ cha sa sa odada phihọ-ọ, eyẹ ọ cha vwẹ ubiri rhe-e, yẹ o cha sa ma ibi igbenu riariẹ igbẹhẹ rẹ orere na-a.

Jerimaya 32:24

Nighe otuofovwi rhe riariẹ orere na phihọ rere ayen vwọ reyọ. Fiki rẹ ọlọkọ, owẹvwe vẹ ọtiekọ ọye e vwo siobọ nẹ orere na kẹ ihwo ri Kaldia ri phio na. Obo re wọ tare na ọ phiare, gbe nighe, wọ mrẹrẹ re.

Jerimaya 33:4

Kidie enẹ Ọrovwohwo na, Ọghẹnẹ rẹ Izrẹl tare kpahe iwevwi rẹ orho nana vẹ iwevwi rẹ lvie ri Juda re kporo she ra vwo gba ogba hẹrhẹ imu vẹ ọlọkọ.

Jerimaya 6:6

E nẹ Ọrovwohwo rẹ otuofovwi na tare. She irhe rọye ghwiotọ wa gba ohẹrhẹ kpahe Jerusalẹm. Ọnana orere ro fo ehwe gangan; emuọvo hẹ evun rọye-e jọkpa rẹ oshenyẹ.

Izikiẹl 4:2

re wọ gba ogba phihọ, re wọ gba ohẹrhẹ kpahọ, re wọ ma ẹrhẹnre rẹ ekpẹn riariẹ, vwẹ erhọn viọ rhe, re wọ vwẹ ikurusu vio riariẹ phihọ.

Iyẹnrẹ Esiri ri Luk 19:43

Kidie ẹdẹ cha kẹ wẹ, ọke rẹ ivwighrẹ wẹn cha vwọ hwa hẹrhẹ owẹ re da gba riariẹ owẹ, rẹ ayen de ke we họ vwi kabọ kabọ,