2 Samuẹl 20:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ọke re vwo muo nẹ evun rẹ idjerhe nu, ihwo na ejobi de nene Joab vwọ tua Sheba rẹ ọmọ ri Bichri.

2 Samuẹl 20:13 ပူးပေါင်းရင်းမြစ်များ

2 Samuẹl 20:1

Asakiephana orharhe rẹ ohwo ọvo da herọ, re se Sheba, ọmọ Bichri ohwo ri Bẹnjamin; o de hworo owanre ọ da ta, Avwanre vwo ẹkẹ vwi Devidi-i, avwanre vwo uku vwẹ ọmọ ri Jesse-e; dohwo dutughẹ rọye ra, E Izrẹl.

2 Samuẹl 20:11

Ohwo ri Joab ọvo de mudia kẹrẹ, ohwo ro vwo ivuẹvwerhọ ki Joab vẹ ohwo rọ dia ọ ri Devid, ejo nene Joab.

2 Samuẹl 20:14

Sheba wanvrẹn orua rẹ Izrẹl na ejobi o de rhi te Ebẹl, Betmaacah; ihwo ri Bichri ejobi de rhi koko nene ruọ.

Ivie rẹ Ivẹ 18:17

Etiyin ovie rẹ Asiria de ji Tatan kugbe Rabsaris vi Rabshake nene ituofovwi buebu nẹ Lakish kpo Jerusalẹm ra vwa Hẹzikaya. Ayen de yeri kpenu re te Jerusalẹm. Ayen rhi vwo te oboyi, ayen de mudia kẹrẹ asan ogbogbo rẹ ame djẹ wan kpo ẹtẹrhe ro obenu, kọye ro kpo obo Anurhoro ra da fọnrhọn emwa.

Isẹ 16:17

Idjerhe rode rẹ ohwo esiri kẹnẹ oma kẹ umwemwu, ohwo rọ sẹro rẹ idjerhe rọye ọye ri sivwẹ arhọ rọye.

Aizaya 36:2

Ovie re Asiria de ji Rabshekeh nẹ Dashishi rhe bru Ovie Hẹzikaya vwi Jerusalẹm, vẹ unuofovwi rode O de rhi mudia vwẹ asan unuame rẹ ẹtẹrhe ro he obenu na vwẹ idjerhe rode ra wan kpo udju ro rhuo emwa.

Aizaya 62:10

Wan anurhoro na, wan inurhoro na, rhuẹrẹ idjerhe na phihọ kẹ ihwo na; gbẹn gbẹn idjerhe rode na phihọ, tọrọ ibieragha nọ, kpare oka ke ihwo na mrẹ.

Aizaya 7:3

Ọrovwohwo da ta kẹ Aizaya, Yanran ra vwa Ehaz, wẹn kugbe Shejashub rẹ ọmọ wẹn, vwẹ obo oba rẹ ugbogho rẹ ame rẹ ẹtẹrhe rẹ hẹ obenu rẹ idjerhe rode rọ wan kpe asan ra da fọrhọ emwa,

Jerimaya 31:21

Ka eka phihọ idjerhe kẹ oma wẹn, ru obo ri sun we kẹ oma wẹn; nabọ roro idjerhe rode na, idjerhe wọ wan yaran na. Rhivwi, E ọmọtobẹ rẹ Izrẹl, rhivwi rhe irere wẹn nana.

Ukeri 20:19

Ihwo rẹ Izrẹl da ta kẹ, Nighe idjerhe rode na avwanre cha wan; ọda dianẹ avwanre da ame rẹ ovwan, te omẹvwẹ vẹ uchuru mẹ, ke me hwa osa rọye, jẹn uvwe vwẹ owọ wan vrẹn ọvo, emuọfa rha herọ-ọ.

Iyẹnrẹ Esiri ri Mak 10:46

Ayen da rhe Jeriko; kirobo rọ vwọ yan nẹ Jeriko, ọ vẹ idibo rọye kugbe otu buebu, Batimiọs rẹ ọmọ ri Timiọs, orhuẹro rọ yare emu ria, o tidia orhoma rẹ idjerhe.

Iguẹdjọ 21:19

Eriyin na ayen da tanẹ, Nighe, orẹ rẹ ẹgbukpe rẹ Ọrovwohwo ọvo herọ vwẹ obi Shilo, rọ hẹ obọhwẹrọnre vwi Bẹtẹl, vwẹ obaro ọnre vwẹ ada rode na ro nene nẹ obi Bẹtẹl kpo obi Shikẹm, kugbe obọrhe ọnre vwi Lẹbonah.

1 Samuẹl 6:12

Irhuẹn na da ghwa yan phiọnphiọn kpo Bẹt-shẹmẹsh nene iro kprokpro ọvo na, ayen re kperẹ jẹ ayen yanran; ayen rhẹrioma kpo obọrhe eyẹ obọhwẹre-e, ehọnvwọre ri Filistia da vwo kpahe ayen rhiri re te ughwru ri Bẹt-shẹmẹsh.