2 Samuẹl 20:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Amasa ko gbunie vwẹ ọbara vwẹ evun rẹ idjerhe rode na. Kohwo kohwo rọ mrẹ rẹ vwẹ etiyin mi mudia, ọke rẹ ohwo na vwọ mrẹ nẹ ihwo na ejobi mudia, o de mu Amasa nẹ idjerhe rode na rọ evun rẹ aghwa, ọ da vwẹ amwa rhurhu.

2 Samuẹl 20:12 ပူးပေါင်းရင်းမြစ်များ

2 Samuẹl 17:25

Asakiephana Absalọm da vwẹ Amasa ru onotu rẹ ofovwi vwẹ ẹdia ri Joab. Amasa da dia ọmọ rẹ ọshare ọvo re se Itra ohwo ri Ishmael rọ rọvwọ Abigail rẹ ọmọtẹ ri Nahash, oniọvo rẹ ọmọtẹ ri Zeruiah, oni ri Joab.

2 Samuẹl 2:23

Ẹkẹvuọvo ọ je rhọvwe phi oma phihọ akakọ-ọ, etiyin Abner da vwẹ oshuẹ rọye duvwo evun fi obuko, o de she phihọ otọ, o de ghwu phihọ etiyin. Ihwo ejobi re djẹ te asan rẹ Asahẹl ghwu phihọ de mudia kein.

2 Samuẹl 20:11

Ohwo ri Joab ọvo de mudia kẹrẹ, ohwo ro vwo ivuẹvwerhọ ki Joab vẹ ohwo rọ dia ọ ri Devid, ejo nene Joab.

2 Samuẹl 20:13

Ọke re vwo muo nẹ evun rẹ idjerhe nu, ihwo na ejobi de nene Joab vwọ tua Sheba rẹ ọmọ ri Bichri.

Une rẹ Ejiro 55:23

Ẹkẹvuọvo wẹ, E Ọghẹnẹ, che phi ayen teye otọ vwo kpo evun re ọgọdọ ro kpotọ ejobi; ihwo re ọbara kugbe e re shẹ ihwo cha sa dia ubro re ẹdẹ raye-en. Ẹkẹvuọvo me vwe ẹro so we.

Une rẹ Ejiro 9:16

Ọrovwohwo na ru oma rọye ne a riẹn ọye, ọye ri brorhiẹ; orumiwemwu mu ufi re iruo re obọ rayen.