2 Samuẹl 20:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ẹkẹvuọvo Amasa gbi rhe ni ọlọkọ rọ hẹ obọ ri Joab so-o; o de ghwe duvwo phihọ evun ọ gbe rha rhuẹrẹ duvwu re o ki ghwu-u. Etiyin Joab vẹ Abishai da vwọ tua Sheba ọmọ ri Bichri.

2 Samuẹl 20:10 ပူးပေါင်းရင်းမြစ်များ

Jẹnẹsis 4:8

Ken da ta kẹ Ebẹl rẹ oniọvo rọye nẹ, Gbe jẹ avwanre kpo obo aghwa. Rẹ ayen vwọ obo aghwa re, Ken da vwọ so oniọvo rọye Ebẹl o de hwe ghwu.

2 Samuẹl 2:23

Ẹkẹvuọvo ọ je rhọvwe phi oma phihọ akakọ-ọ, etiyin Abner da vwẹ oshuẹ rọye duvwo evun fi obuko, o de she phihọ otọ, o de ghwu phihọ etiyin. Ihwo ejobi re djẹ te asan rẹ Asahẹl ghwu phihọ de mudia kein.

2 Samuẹl 20:9

Joab da ta kẹ Amasa, oma wẹn ganre omoni mẹ? Joab da vwẹ obọrhe yọnrọn ẹtuegba rọye re ọ fiọnfiọn.

2 Samuẹl 3:27

Abner ri vwo hirhe te Hebrọn, Joab de se phihọ akakọ kpo ughere rere ọbẹbẹ nene ta omota, etiyin o de duvwo evun o de ghwu, fiki rẹ ọbara rẹ Asahẹl rẹ oniọvo rọye.

1 Ikun rẹ Ivie 12:2

Ayen esedada, ayen sa sa edada ayen je ghwa vwẹ obọrhe vẹ obọhwẹre vwẹ uruhrẹ phi ukpokpo; ayen ihwo ri Bẹnjamin, imoni ri Sọl.

Jerimaya 41:2

Ishmẹl ọmọ ri Netanaya vẹ ihwo ihwe na de vrẹn vwẹ ọlọkọ nyavwe Gedalaya ọmọ rẹ Ahikam, ọmọ ri Shafan, e de hwe ghwu, ohwo rẹ ovie ri Babilọn vwo mu osun rẹ otọ na.

Ukeri 35:20

Ọ da dianẹ eghrẹ o vwo duvwo hwe, eyẹ ọ họrhọ ruọ, ro de fiọnko hẹrhẹ, ro de hwe ghwu,

Iguẹdjọ 3:15

Ẹkẹvuọvo ọke rẹ ihwo rẹ Izrẹl na vwo kperi se Ọrovwohwo na, Ọrovwohwo da vwẹ osivwi ọvo, Ehud, ọmọ rẹ Gera, ohwo ri Bẹnjamin, ọhwẹrobọ rẹ ọshare vwo mu kẹ ayen. Ihwo rẹ Izrẹl de toro arhọghọ vwọ kẹ vwo rhe Ẹglọn ovie ri Moab na.

Iguẹdjọ 3:21

Ehud da riẹn obọhwẹre rọye, ọ da reyọ agbogu na nẹ ekpoghowọ rẹ obọrhe rọye rhe, ọ de vwo duvwo evun;

1 Samuẹl 26:8

Etiyin Abishai da ta kẹ Devid, Ọghẹnẹ phi ọvweghrẹ wẹn phihọ owẹ obọ nonẹ na; gbe ju vwẹ vwe ubiri mẹ na sa muorọ; me gbe rha vwariẹ ọfa-a.