2 Samuẹl 20:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Asakiephana orharhe rẹ ohwo ọvo da herọ, re se Sheba, ọmọ Bichri ohwo ri Bẹnjamin; o de hworo owanre ọ da ta, Avwanre vwo ẹkẹ vwi Devidi-i, avwanre vwo uku vwẹ ọmọ ri Jesse-e; dohwo dutughẹ rọye ra, E Izrẹl.

2 Samuẹl 20:1 ပူးပေါင်းရင်းမြစ်များ

Jẹnẹsis 46:21

Emọ ri Bẹnjamin: Bẹla, Becher, Ashbel, Gera, Naaman, Ehi, Rosh, Muppim, Huppim, vẹ Ard

2 Samuẹl 15:10

Ẹkẹvuọvo Absalọm de orhẹn phihọ orua rẹ Izrẹl ejobi nẹ, Siẹvuọvo we de nyo umri rẹ owanre we mi kperi tanẹ, Absalọm ọye ovie vwi Hebrọn.

2 Samuẹl 16:11

Devid da ta kẹ Abishai kugbe idibo rọye ejobi, Ọmọ mẹ ro nẹ oma mẹ rhe, guọnọ erhi mẹ hwe, kemavọ ọmọ ri Bẹnjamin rhe ru te? Jovwo rọ harhe; kidie Ọrovwohwo re ta kẹ.

2 Samuẹl 16:7

Etiyin Shimei da ta jo duvwu iyori nẹ, Yanran, Yanran, wẹ ohwo rọ vọnre vẹ ọbara na, wẹ orharhe rẹ ohwo na.

2 Samuẹl 18:17

Ayen de mu Absalọm phihọ ọgọdọ rode vwẹ evun rẹ egbo, ayen da vwẹ eragha ma osusu rhurhu, Ihwo rẹ Izrẹl ejobi dohwo duwevwi rọye da djẹ ra.

2 Samuẹl 20:2

Ọye ihwo rẹ Izrẹl ejobi de sioma reyọ ni Devid, ayen de nene Sheba ọmọ ri Bichri; ẹkẹvuọvo ihwo ri Juda de nene ovie rayen nẹ Jọdan re te Jerusalẹm.

2 Samuẹl 20:22

Etiyin aye na da vwẹ ẹghwanre bru ihwo rọye ejobi. Ayen de bru yovwi ri Sheba, rẹ ọmọ ri Bichri e de phio wan igbẹhẹ vrẹn kẹ Joab. Etiyin Joab de hworo owanre ayen da hrabọ nẹ orere na, dohwo duwevwi rọye da ra. Joab de rhivwi kpo Jerusalẹm bru ovie.

2 Samuẹl 23:6

Ẹkẹvuọvo ihwo ri vwo Ọghẹnẹ-ẹ họhọ inwe ra kpare kufia; Kidie a sa vwe obo mu aye-en.

1 Ivie 12:16

Ọke rẹ Izrẹl ejobi vwọ mrẹ nẹ ovie na rha davwerhọ raye-en, ihwo na da kpahe kẹ ovie na, Didi ẹkẹn ri te avwanre vwẹ oma ri Devid? Avwanre vwo uku vwẹ oma rẹ ọmọ ri Jesse-e. ọ vuẹ uwevwi rọye ra, E Izrẹl, Gbe sun uwevwi wẹn ri Devid, na ọvo Ọtiọye na Izrẹl de kpo uwevwi rayen.

1 Ivie 21:10

wa vwẹ erharhe rẹ ihwo ivẹ hirhe aro kuo, re ayen vwẹ urhi muo, tanẹ, Wọ harhe Ọghẹnẹ kugbe ovie. Etiyin ku we sio rhe otafe, re phio hwe.

2 Ikun rẹ Ivie 10:16

Ọke rẹ Izrẹl ejobi vwọ mrẹ nẹ ovie na gbe rha kerhọn rẹ aye-en, ihwo na da kpahe kẹ ovie na, Didi ẹkẹn ri te avwanre vwẹ oma ri Devid? Didi uku ri te avwanre vwẹ oma rẹ ọmọ ri Jẹssi. Dohwo duwevwi rọye ra, E Izrẹl Gbe sun uwevwi re obọ wẹn, Devid. Etiyin Izrẹl ejobi da vẹn kpo uwevwi rayen

2 Ikun rẹ Ivie 10:6

Etiyin Rehoboam da vwẹ iroro nẹ ekpako na, ihwo ri mudia cha ọsẹ rọye vwẹ ọke rọ vwọ hẹ akpọ, tanẹ, Mavọ wọ tanẹ Me kpahe kẹ ihwo nana?

Une rẹ Ejiro 17:13

Vrẹn, E Ọrovwohwo, wọ ghara ayen, wo gere ayen she! Vwẹ oda wẹn vwo sivwi vwe nẹ obọ re ohwo umwemwu.

Une rẹ Ejiro 34:19

Ukpokpogho re ọvwata ọpha buebu, ẹkẹvuọvo Ọrovwohwo na sivwo nẹ ayen ejobi.

Isẹ 25:8

Obo rẹ ẹro wẹn mrẹre wọ vwẹ okpakpa vwo kpo aguare-e; kọrhọ wo ru vwẹ obọ ọ da dianẹ ọrivẹ wẹn phọpho owẹ?

Isẹ 26:21

Ọtiobo rẹ esia epha vwọ kẹ imwerhanre, rẹ irhe je epha kẹ erhanre ye, eriyin ohwo ro gbugbo rẹ ẹghwọ sua okpetu.

Iyẹnrẹ Esiri ri Mak 3:24

Ọ da dianẹ Uvie da ghare omaobọ rọye, uvie yena se mudia-a.

Iyẹnrẹ Esiri ri Luk 19:14

Ẹkẹvuọvo ivun rọye gbe vwerhe emotọ na-a ayen de ji ikọn nene, tanẹ, Avwanre gbe guọnọ nẹ ohwo nana re vwẹ enu rẹ avwanre-e.

Iyẹnrẹ Esiri ri Luk 19:27

Ẹkẹvuọvo vwọ kẹ ivwighrẹ mẹ nana, re guọnọre nẹ me ria vwẹ enu rẹ aye-en na, vwẹ ayen rhe etinẹ ra teyọ ayen hwe vwẹ irharo mẹ.

Iyẹnrẹ Esiri ri Jọn 13:8

Pita da ta kẹ, Wo sa hworhẹ awọ mẹ o ruẹ Jesu da kpahe kẹ, Me gbe hworhẹ owẹ-ẹ, yu wo gbi vwo ẹkẹn vwẹ oma mẹ-ẹ.

Urhi Rivẹ 13:13

Erharhe rẹ ihwo evo yan nẹ uherevie wẹn, rẹ ayen de si ihwo evo yan nẹ uherevie wẹn re ayen de si ihwo rẹ orere na nene oma, re da ta kẹ ayen, nẹ, Jẹn avwanre yanran ra ga ẹdjọ, e rẹ ovwan riẹnre-e;

Iguẹdjọ 19:22

Ọke rẹ ayen vwọ re emu vẹ oma vwerhe, nighe, eshare rẹ orere na, otu ri gbozighi da gba riariẹ uwevwi na phihọ, ayen da teye ẹchẹ na; ayen da ta kẹ ọmare rẹ ọshare na, ọ ro vwo uwevwi na nẹ, Reyọ ọshare rọ rhe uwevwi na, phihọ otafe rere avwanre vughe.

Iguẹdjọ 3:27

Ọke ro te uwevwi nu, ọ de hworo owanre vwẹ evun rẹ ugbenu rẹ orho rẹ Ifrem; ihwo rẹ Izrẹl de bro rhe orho rẹ ugbenu na ọ da ka obaro kẹ ayen.

Rutu 2:3

Etiyin ọ da yanran, ọ da ra tọrọ eka nene otu re kọrọ eka na vwẹ obo udju; ọ da rhe tọrọ ro ẹbẹrotọ ri Boaz, ohwo rẹ orua rẹ Elimẹlẹk.

1 Samuẹl 13:2

Sọl da sanọ ihwo rẹ Izrẹl uriori erha, uriori ivẹ vi Sọl herọ vwẹ obi Mikmash kugbe obo orho rẹ ugbenu ri Bẹtẹl, uriori ọvo vi Jonatan da hẹ Gibeah ri Bẹnjamin; o de siobọ nẹ ihwo ri chekọ kpo, dohwo duwevwi rọye da ra.

1 Samuẹl 2:12

Asakiephana emọ rẹ Eli kẹ erharhe rẹ ihwo; ayen se Ọrovwohwo gbe emu-u.

1 Samuẹl 30:22

Etiyin ihwo umwemwu re pha rharhaphiẹ vwẹ usun ri Devid da tanẹ, Fikirobo rẹ ayen nene avwanre ra-a na, avwanre gbe kẹ ayen emu re gborhori rẹ avwanre mie ayen na-a, jokpa nẹ ohwo ọvuọvo vẹ aye rọye kugbe emọ reyọ re ayen yanran kpo.