2 Samuẹl 2:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Asakiephana Ọrovwohwo vwẹ ivuẹvwerhọ ro jẹrhẹriẹ vẹ uyota vwọ kẹ ovwan ki mi ru emu esiri kẹ ovwan kidie we ru emu nana.

2 Samuẹl 2:6 ပူးပေါင်းရင်းမြစ်များ

2 Samuẹl 10:2

Etiyin Devid da ta, Mi ru uruemu rẹ ovie kẹ Hanun rẹ ọmọ ri Nahash, kirobo rẹ ọsẹ rọye nene uvwe ru. Etiyin idobo ri Devid de rhi te otọ rẹ ihwo rẹ Ammọn.

2 Samuẹl 15:20

Odẹ kpori wọ rhere, me ghwa vwi nonẹ ru vwo nene avwanre, avwanre re yancha yankpo na, ri vughe asan rẹ ra-a? Rhivwi reyọ ihwo wẹn rhe. Jẹn ehrọre vẹ ẹguọnọ ro jẹrhẹriẹ rẹ Ọrovwohwo nene uwe dia.

2 Samuẹl 2:7

Fiki rẹ ọtiọye gbe jẹn abọ rẹ ovwan gan, we yivwaro, kidie ọrovwovwan Sọl o ghwu nure, uwevwi ri Juda vwo vwẹ mu ovie kẹ ayen.

2 Samuẹl 9:3

Etiyin ovie da ta, a rha sa mrẹ ohwo ọvo vwẹ uwevwi ri Sọl re mi ru ẹse rẹ Ọghẹnẹ kẹ? Ziba da ta kẹ ovie, Jonatan vwo ọmọ ọvo, ukpono oruẹ.

2 Samuẹl 9:7

Devid da ta kẹ, Wọ djẹ oshọ-ọ; kidie mi dje aruẹdọn kẹ wẹ fiki ri Jonatan rẹ ọsẹ wẹn, ke me vwẹ etọ ri Sọl ọsẹ wẹn ejobi kẹ wẹ, ku wọ re emu vwẹ imẹjẹ mẹ kọke kọke.

Une rẹ Ejiro 57:3

O che ji ikọn nẹ obo odjuvwu rhe ri sivwe, ọ cha vwẹ oma vo ayen otu ri chiyi vwe muotọ Ọghẹnẹ che ji ẹguọnọ rọye ro jẹ rhẹriẹ rhe kugbe esegbuyota rọye!

Ẹyano 34:6

Ọrovwohwo da ka obaro rọye, o de ghwoghwo, Ọrovwohwo, Ọrovwohwo, Ọghẹnẹ rọ ria ehrọre vẹ arodọvwẹ, ọ fobọ muophu-u ọ vẹ ẹguọnọ vẹ uyota.

Isẹ 14:22

Ihwo re jẹ iroro umwemwu rhe ruẹ chọ? Ihwo re jẹ iroro esiri ke mrẹ oma evwokpotọ vẹ esegbuyota.

Matiu 10:16

Nighere mi ji ovwan kerẹ igegede re hẹ uherevie rẹ ikpohrokpo; wa gba ghwanre kerẹ ọrọdekọ, re we ru dẹndẹn kerẹ ilekuku.

Matiu 5:44

Ẹkẹvuọvo me ta kẹ wẹ nẹ, guọnọ ivwighrẹ wẹn, nẹ ẹrhovwo kẹ ihwo ri kpokpo uwe,

Matiu 5:7

Ebruba kẹ ihwo ri ni aruẹdọn; kidie ihwo efa ki ji ni aruẹdọn kẹ ayen.

Joshua 2:14

Eshare na da ta kẹ, Arho rẹ avwanre me vwo wene kẹ ovwan! Wo rha vwẹ umẹ nana gbẹ iku-un, avwanre ke nabọ sẹro wẹn dẹndẹn. Vwẹ ọke rẹ Ọrovwohwo da vwẹ otọ na kẹ avwanre.

Rutu 1:8

Ẹkẹvuọvo Naomi da ta kẹ eya rẹ emọ rọye ivẹ na, ovwan rhivwi kpo, dohwo duwevwi rẹ oni rọye ra. Ọrovwohwo ruẹse kẹ ovwan, kirobo we ru kẹ ọ ro ghwuru na vẹ ovwẹ.