2 Samuẹl 2:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Ayen de mu Asahẹl ayen de sho phihọ ushi rẹ ọsẹ rọye, vwi Bẹtlẹhẹm. Joab vẹ ihwo rọye da yan ason yena ejobi, ayen de rhi te Hebrọn vwẹ irhiọke ride.

2 Samuẹl 2:32 ပူးပေါင်းရင်းမြစ်များ

Jẹnẹsis 47:29

Rẹ ọke rẹ ughwu rẹ Izrẹl vwọ kẹrẹ otọ re, o de se ọmọ rọye Josẹf ọ da ta kẹ, Ọ da dianẹ ivun mẹ ghene vwerhe owẹ, gbe phi obọ wẹn phihọ otọ rẹ ekpoghowọ mẹ, ru wo vẹ nẹ wo nene uvwe yeri eyere rẹ ọghọ vẹ uyota. Wo shi vwe phihọ Ijipt rẹ,

Jẹnẹsis 47:30

ẹkẹvuọvo shi vwe kẹrẹ esẹ mẹ, mu vwe nẹ Ijipt rere wo shi vwe phihọ ogbẹ rayen. O da kpahe nẹ, Mi ru kirobo wọ tare.

2 Samuẹl 2:31

Ihwo rẹ idibo ri Devid hwe mie Bẹnjamin kugbe ihwo rẹ Abner da dia uri kugbe ujọrenre.

2 Samuẹl 5:1

Etiyin orua rẹ Izrẹl ejobi de bru Devid rhe vwi Hebrọn, ayen da ta, Nighe, avwanre ubeku wẹn vẹ uvwo wẹn.

2 Ikun rẹ Ivie 16:14

Ayen de sho phihọ ushi rọ tọn kẹ oma rọye vwẹ evun rẹ orere ri Devid. Ayen de muo phihọ okọ ra ghwẹ egẹn ri gbo ọnrhe dohwo doka, e de koko ogiderhanre vwo mu ọghọ kẹ.

2 Ikun rẹ Ivie 21:1

Jehoshafat da vwerhẹ kugbe esẹ rọye, e de sho kugbe esẹ rọye vwẹ orere ri Devid; Jehoram ọmọ rọye da re vwẹ ẹdia rọye,

Isẹ 22:29

Wọ mrẹ ohwo rọ riẹn iruo rọye? o che mudia vwẹ obaro rẹ ivie; o che mudia vwẹ obaro rẹ erharhe rẹ ihwo-o.

Iguẹdjọ 8:32

Gidiọn ọmọ ri Joash na da nabọ ghwo gangan ro ki ghwu, e de sho phihọ ushi ri Joash rẹ ọsẹ rọye, vwi Ọfra rẹ ihwo ri Abiẹza.

1 Samuẹl 17:58

Sọl da ta kẹ, Wẹ ọmọ rẹ ono, emeghele na? Dẹvid da kpahe, Mẹvwẹ ọmọ rẹ odibo wẹn Jesse ohwo ri Bẹtlẹhẹm.