2 Samuẹl 2:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Abner de se Joab, ọ da ta, kẹ ọlọkọ a vwọ ghwọrọ bẹdẹ? Wọ rha riẹn nẹ oba rọye muenu? Mavọ okrite wọ vwọ ta kẹ ihwo wẹn nẹ irhivwi, re ayen vwo jẹn imoni rayen ẹvwọ tua?

2 Samuẹl 2:26 ပူးပေါင်းရင်းမြစ်များ

2 Samuẹl 11:25

Devid da ta kẹ ikọn na, Enẹ wọ ta kẹ Joab, Wo jẹn ota nana kpokpo uwe-e, kidie ọtiọye oda hwe ọvo nonẹ odẹ o mi rhe hwe ọfa; jẹn obọ rẹ ihwo wẹn tua gan kpahe orere na, ri we phio kua. Ọ da ta udu phihọ awọ.

2 Samuẹl 2:14

Abner da ta kẹ Joab, Jẹn imighele na vrẹn rere ayen heha kẹ avwanre. Joab da ta, E jẹn ayen vrẹn.

2 Samuẹl 2:16

Ayen da gbanọ ohwohwo uyovwi, ayen de duvwu ohwohwo ibiedada, ayen de she teye otọ. kọye e de se etiyin Helkat-hazzurim kọye Gibeọn.

2 Samuẹl 2:25

Emọ ri Bẹnjamin da ghwẹ oma koko vwọ cha Abner, ayen de mudia enu rẹ ugbenu.

2 Samuẹl 2:27

Joab da ta, Tiobo rẹ Ọghẹnẹ herọ, ọ dianẹ wọ ta ota-a, uyota manẹ ihwo na jẹn imoni rayen vwọ ẹvwọ tua rhawe irhiọke rhe.

ỌBE RẸ JOB 18:2

Mavọ wọ bẹrẹ ibefi rẹ eta krite? Gbe roro, rere avwanre ke ma ta ota.

ỌBE RẸ JOB 19:2

Mavọ ovwan kpokpo uvwe krite, ru wa vwẹ eta ghwọrọ ovwẹ oma te?

Une rẹ Ejiro 4:2

E ihwo, mavọ ọ krite rẹ ọghọ mẹ vwọ re oja rẹ omaẹvuọ? Mavọ wọ guọnọ eta ifefe krite ru wo de nenesi rẹ efian?

Isẹ 17:14

Ẹtuọhọ rẹ ofovwi ọ họhọ ẹsiẹ re bru udio rẹ ame, vwẹ ọtiọye na gba kẹnẹ oma bẹsiẹ rẹ ẹghwọ vwọ phia.

Aizaya 1:20

Ẹkẹvuọvo wọ da sen wọ de mu kpahọ oda kọye a vwọ ghwọro owẹ, fikiridie unu rẹ Ọrovwohwo re tarọ.

Jerimaya 12:12

Vwẹ enu rẹ igbenu phrephrephre na ejobi etiyin ọghwọrọ na nẹ cha; kidie ọlọkọ rẹ Ọrovwohwo guọghọ nẹ oba rẹ akpọ ọvo re te oba rivẹ, ohwo ọvuọvo ro vwo ufuoma hẹrọ-ọ.

Jerimaya 2:30

Mi hwe emọ rẹ ovwan dede na, yẹn ayen vwiro ku obọ rhẹriẹ-ẹ, Ọlọkọ rẹ obọ wẹn hwe emraro wẹn kerẹ okpohrokpo rọ chẹghẹ emu.

Jerimaya 4:21

Mavọ me mrẹ aphiana na krite mavọ mi nyo edo rẹ ọgban na krite?

Jerimaya 46:10

Ẹdẹ yena ẹdẹ rẹ Ọrovwohwo Ọghẹnẹ rẹ otuofovwi, ẹdẹ rẹ ihriẹriọ rọ vwọ reihri rẹ ivwighrẹ rọye. Ọlọkọ cha ghwọrọ rọ da bẹn tunu, rọ da da ọbara rayen vọn evun. Kidie Ọrovwohwo Ọghẹnẹ rẹ otuofovwi ze izobo vwẹ orere rẹ obọrhe ọnre rọ kẹrẹ urhie ri Yufretis.

Jerimaya 46:14

Ta phia vwẹ Ijipt, ji ghwoghwọ vwi Migdọl, ghwoghwo vwẹ Mẹmfis vẹ Tapanhes; Ta, Mudia muegbe wọ chọma, kidie ọlọkọ cha ghwọrọ yariẹ owẹ phihọ.

Hosia 11:6

Ọlọkọ kọ cha hra irere rayen, kọ guọghọ itehru rẹ inurhoro rayen, ko ghwọrọ ayen vwẹ evun rẹ ogba ọgangan rayen.

Iruo rẹ Iyinkọn na 7:26

Ẹdẹ rivẹ ọ da rhoma vwẹ oma phia kẹ ayen vwẹ ọke rẹ ayen vwọ kunu rere ọ vwọ rhuẹrẹ ayen kugbe, tanẹ, Eshare, ovwan imoni, die we vwo gbe ohwohwo kuẹ?