2 Samuẹl 2:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Abner da ta kẹ Joab, Jẹn imighele na vrẹn rere ayen heha kẹ avwanre. Joab da ta, E jẹn ayen vrẹn.

2 Samuẹl 2:14 ပူးပေါင်းရင်းမြစ်များ

2 Samuẹl 2:15

Etiyin ayen de vrẹn ayen da wan usunsun, ihwivẹ ri Bẹnjamin vẹ Ishboshet ọmọ ri Sọl, kugbe ihwivẹ rẹ idibo ri Devid.

2 Samuẹl 2:16

Ayen da gbanọ ohwohwo uyovwi, ayen de duvwu ohwohwo ibiedada, ayen de she teye otọ. kọye e de se etiyin Helkat-hazzurim kọye Gibeọn.

2 Samuẹl 2:17

Ofovwi na ganre ẹdẹ yena gangan; idibo ri Devid de phi Abner vẹ ihwo rẹ Izrẹl kparobọ.

Ivie rẹ Ivẹ 14:8

Etiyin Amazaya de ji ikọn bru Jehoash ọmọ ri Jehoahaz, ọmọ ri Jehu, ovie rẹ Izrẹl, tanẹ, Mọ, rere ohwohwo ni ohwohwo opharo.

Isẹ 10:23

Ohwo oghenghẹn vwẹ umwemwu eruo roro e hẹ ha, ẹkẹvuọvo uruemu rẹ ẹghwanre ọye hẹ omavwerhovwẹ kẹ ohwo ro vwo erianriẹn.

Isẹ 17:14

Ẹtuọhọ rẹ ofovwi ọ họhọ ẹsiẹ re bru udio rẹ ame, vwẹ ọtiọye na gba kẹnẹ oma bẹsiẹ rẹ ẹghwọ vwọ phia.

Isẹ 20:18

Iroro e vwo ru obo re gbare; aghwanre kọye e vwo phiẹ ofovwi kparobọ.

Isẹ 25:8

Obo rẹ ẹro wẹn mrẹre wọ vwẹ okpakpa vwo kpo aguare-e; kọrhọ wo ru vwẹ obọ ọ da dianẹ ọrivẹ wẹn phọpho owẹ?