2 Samuẹl 2:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọna vwọ wan na, Devid da nọ mie Ọrovwohwo, Me yanran kpo orho ọvo vwi Juda? Etiyin Ọrovwohwo da ta kẹ, Yanran. Devid da ta, Kọvọ me ra? Ọ da ta, Kpo Hebrọn.

2 Samuẹl 2:1 ပူးပေါင်းရင်းမြစ်များ

Jẹnẹsis 13:18

Ebram da ghwiẹ utughẹ rọye, ọ da rhe dia kẹrẹ ọhahe ri Mamre, rọ kẹrẹ Hebrọn, kẹ Etiyin ọ da so agbada kẹ Ọrovwohwo.

Jẹnẹsis 32:2

ri Jekọp vwọ mrẹ ayen ọ da ta, Ọnana unuofovwi rẹ Ọghẹnẹ; Kọye o de se asan na Mahanaim.

2 Samuẹl 15:7

Ikpe ẹne vwọ wan nu, Absalọm da ta kẹ ovie, biko ju vwe yanran ra hwa osa rẹ ri mi veri kẹ Ọrovwohwo vwi Hebrọn

2 Samuẹl 2:11

Ọke ri Devid vwọ hẹ ovie vwi Hebrọn vwọ kẹ uwevwi ri Juda da dia ikpe ighwrẹ kugbe emeranvwe esan.

2 Samuẹl 5:19

Devid da nọ vwẹ obọ rẹ Ọrovwohwo, Mi nene Filistia họnre? Wo phi ayen phihọ obọ mẹ? Ọrovwohwo da ta kẹ Devid, Ra họnre ayen, kidie mi ghine phi Filistia phihọ obọ wẹn nure.

2 Samuẹl 5:23

Ọke ri Devid vwọ nọ vwẹ obọ rẹ Ọrovwohwo, Mi nene ayen họnre, Ọ da ta nẹ, Wọ ra-a; yanran kpo obuko rayen rere wo re vwrẹ ayen aro phihọ vwẹ obaro rẹ urhe ri Balsam na.

1 Ivie 2:11

Ọke ri Devid vwọ re ovie vwẹ Izrẹl da dia ẹgbukpe ujuvẹ; orere ikpe ighwrẹn vwi Hebrọn, ikpe ọgban gbe erha vwi Jerusalẹm.

1 Ikun rẹ Ivie 29:7

Ayen da kẹ ọke ne vwo ru iruo rẹ uwevwi rẹ Ọghẹnẹ na talent uriori iyori kugbe talẹnt uriori ihwe ri darik rẹ oro, talẹnt uriori ihwe rẹ idọnọ, talẹnt uriori ihwe gbẹ ẹrenre rẹ ẹrovwo kugbe talẹnt uriori iyori rẹ utehru.

2 Ikun rẹ Ivie 11:10

Zorah, Aijalọn, kugbe Hibrọn, irere ra gba ogba phihọ ri Juda kugbe Bẹnjamin.

Une rẹ Ejiro 143:8

Jẹn uvwe nyo ẹguọnọ wẹn ro jẹ rhẹriẹ na vwẹ irhiọke, kidie wẹ me vwẹ ẹro so. Yono uvwe idjerhe re me ra, kidie wẹ me kpare ẹnwẹ mẹ ni.

Une rẹ Ejiro 27:4

Emu ọvo me nọ vwẹ obọ rẹ Ọrovwohwo, re me guọnọ; re me sa vwọ dia uwevwi rẹ Ọrovwohwo, vwẹ ẹdẹ rẹ akpọ mẹ ejobi, re mi e ni erhuvwu rẹ Ọrovwohwo na, rere me agọlọ vwẹ uwevwi rọye.

Izikiẹl 36:37

“E nẹ Ọrovwohwo Ọghẹne tare: Ọnana me je cha uphẹ kẹ uwevwi rẹ Izrẹl nẹ ayen nọ vwẹ rere mi ru kẹ ayen, re mi ru ihwo rọye bu kerẹ igọde.

Ukeri 13:22

Etiyin ayen de kpo obi Nẹgẹb, ayen de ri te Hebrọn; Abiman, Sheshai kugbe Taimai, emọ ri Anak he asan na. (A bọn Hebrọn ẹgbukpe ighwrẹn tavwe a ke bọn? Zoan vwẹ Ijipt.)

Ukeri 27:21

Ko che mudia vwẹ obaro rẹ Ẹlẹazar rẹ orherẹn na, kọ cha vwẹ Utẹ vwọ guọnọ otọ rẹ ẹdjeguo kẹ vwẹ obaro rẹ Ọrovwohwo na; vwẹ oma rẹ ota rọye kẹ ayen ro otafe, vwẹ oma rẹ ota rọye kẹ ayen ro uwevwi, te ọye te ihwo rẹ Izrẹl ejobi re vọye gba berọ, ukoko na ejobi.

Joshua 15:13

Kirobo rẹ urhi rẹ Ọrovwohwo ji kẹ Joshua epha ọ da kẹ Kalẹb re ọmọ ri Jefunneh ẹkẹn vwẹ ohri rẹ ihwo ri Judah, Kiriatarba, koye, Hebrọn (Arba kọye ọsẹ rẹ Anak).

Iguẹdjọ 1:1

Ukuko rọye ri Joshua vwo ghwu nu, ihwo re Izrẹl na da ra nọ Ọrovwohwo na ne, kono ri ke bru ihwo ri Kenan na ra họnre ayen ke avwanre?

1 Samuẹl 10:22

Ayen da rhoma duotọ rọye vwẹ obọ rẹ Ọrovwohwo, Ohwo na rhe etinẹ na? Ọrovwohwo da ta, Nighe, o sioma nu vwẹ ohri rẹ aghwa na.

1 Samuẹl 23:2

Devid de re duotọ rọye vwẹ obọ rẹ Ọrovwohwo, Me ra mi re phi ihwo ri Filistia na? Ọrovwohwo da ta kẹ Devid, Yanran re phi ihwo ri Filistia na rere wo sivwi Keilah.

1 Samuẹl 23:4

Devid da rhoma duotọ rọye vwẹ obọ rẹ Ọrovwohwo. Ọrovwohwo da kpahe kẹ, Vrẹn, yanran kpo Keilah; kidie mi che phi ihwo ri Filistia na phihọ owẹ obọ.

1 Samuẹl 30:31

vwi Hehrọn, kugbe kasan kasan ejobi ri Devid vẹ ihwo rọye gboro te.