2 Samuẹl 19:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Etiyin Joab da ro uwevwi bru ovie ra ọ da ta, Wọ vwẹ omẹvuọ rhurhu epharo rẹ idibo wẹn vwẹ ẹdẹ ri nonẹ, re sivwi we, vẹ emọ wẹn rẹ eshare kugbe ere emetẹ, vẹ eya wẹn kugbe esen wẹn

2 Samuẹl 19:5 ပူးပေါင်းရင်းမြစ်များ

2 Samuẹl 15:30

Etiyin Devid de yeri ugbenu rẹ Ọliv, kọ viẹ ro vwo yere kpenu na, owọ ofefe vẹ uyovwi rọye ro rhurhuru; ihwo na ejobi ri nenire kpo enu rẹ ugbenu na dohwo duyovwi rọye de rhurhu, ayen yere enu jẹ ayen viẹ.

2 Samuẹl 18:17

Ayen de mu Absalọm phihọ ọgọdọ rode vwẹ evun rẹ egbo, ayen da vwẹ eragha ma osusu rhurhu, Ihwo rẹ Izrẹl ejobi dohwo duwevwi rọye da djẹ ra.

2 Samuẹl 19:13

Gbe je ta kẹ Amasa, Wọ dia ubeku mẹ, kugbe uvwo mẹ-ẹ? Jẹn Ọghẹnẹ ru etiọye vwẹ ọ ro je nọ ọtiọye re me gbe vwẹ owẹ ma ono vwẹ ẹdia ri Joab nẹ ọke na yanra-an.

2 Samuẹl 19:4

Ovie de rhurhu opharo rọye, ovie da viẹ vẹ urhuru rọ ganre, E ọmọ mẹ Absalọm, E Absalọm, ọmọ mẹ ọmọ mẹ.

2 Samuẹl 19:6

kidie wo vwo ivuavwerhe kẹ ivwighrẹ wẹn wo de rhe vwo ivuemiovwo kẹ igbeyan wẹn, kidie wọ je ghwa vwọ phia nonẹ nẹ inotu wẹn vẹ idibo wẹ fiemuọvo kẹ wẹ-ẹn; fikiridie me riẹnre nonẹ nẹ ọ dianẹ Absalọm herọ, avwanre de ghwu nonẹ, manẹ oma ka vwerhe owẹ.

2 Samuẹl 3:39

Owenẹ a vwẹ ovwẹ mu ovie dede, oma ghwọrọ ovwẹ nonẹ na. Ihwo nana rẹ emọ ri Zeruyah na ganọ kẹ vwẹ. Ọrovwohwo hwosa kẹ ohwo ro ru obo re brare kerẹ ọtiobo rẹ umwemwu rọye epha.

Nehemaya 9:27

Fiki rẹ ọtiọye na wo de phi ayen phihọ obọ rẹ ivwighrẹ rayen, i de ru ayen ọja, vwe evun re oja rayen ayen de kperi se we wo de nyo ayen ne obo odjuvwu rhe, kirobo re arodọvwẹ wẹn rode epha wọ da vwẹ isivwi kẹ ayen ri sivwi ayen nẹ obọ rẹ ivwighrẹ rayen.

Une rẹ Ejiro 3:8

Esivwo ọ rẹ Ọrovwohwo; ebruba wẹn dia enu rẹ ihwo wẹn!