2 Samuẹl 19:43 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴³ Ihwo rẹ Izrẹl da kpahe kẹ ihwo ri Juda, Avwanre vwo ẹbẹre ihwe, vwẹ oma rẹ ovie, Me ji vwo oma ri Devid nọ ovwan. Ọ rhọ wa rha vwọ jẹn avwanre fia? Ọ dia avwanre re ka ta nẹ vwẹ ovie rhivwi rhe? Ẹkẹvuọvo ota rẹ ihwo ri Juda da gan nọ ota rẹ ihwo rẹ Izrẹl.

2 Samuẹl 19:43 ပူးပေါင်းရင်းမြစ်များ

2 Samuẹl 19:14

O de phieghe ẹwẹn rẹ ihwo rẹ Juda ejobi kerẹ ẹwẹn rẹ ohwo ọvo; e de ji ohwo bru ovie Rhivwi te owẹ te idibo wẹn ejobi.

2 Samuẹl 19:9

Ihwo na ejobi rẹ orua rẹ Izrẹl na de rhi vwo oseghe kẹ ayen ra, Ovie sivwi avwanre nẹ obọ rẹ ivwighrẹ rẹ avwanre, o de si avwanre nẹ obọ rẹ ihwo ri Filistia; Asakiephana ọ djẹ nẹ otọ na vwọ kẹ Absalọm.

2 Samuẹl 20:1

Asakiephana orharhe rẹ ohwo ọvo da herọ, re se Sheba, ọmọ Bichri ohwo ri Bẹnjamin; o de hworo owanre ọ da ta, Avwanre vwo ẹkẹ vwi Devidi-i, avwanre vwo uku vwẹ ọmọ ri Jesse-e; dohwo dutughẹ rọye ra, E Izrẹl.

2 Samuẹl 20:6

Devid da ta kẹ Abishai, Asakiephana Sheba rẹ ọmọ ri Bichri cha wan avwanre oma nọ obo rẹ Absalọm ruru. Reyọ idibo rẹ ọrovwovwe wa vwọ tua, ọ de rhi vwo irere ra gba ogba riariẹ, ọ da rhe kẹ avwanre ukpokpoma. Ihwo erha de nene.

2 Samuẹl 5:1

Etiyin orua rẹ Izrẹl ejobi de bru Devid rhe vwi Hebrọn, ayen da ta, Nighe, avwanre ubeku wẹn vẹ uvwo wẹn.

1 Ivie 12:16

Ọke rẹ Izrẹl ejobi vwọ mrẹ nẹ ovie na rha davwerhọ raye-en, ihwo na da kpahe kẹ ovie na, Didi ẹkẹn ri te avwanre vwẹ oma ri Devid? Avwanre vwo uku vwẹ oma rẹ ọmọ ri Jesse-e. ọ vuẹ uwevwi rọye ra, E Izrẹl, Gbe sun uwevwi wẹn ri Devid, na ọvo Ọtiọye na Izrẹl de kpo uwevwi rayen.

Isẹ 13:10

Eheri ọye ohwo ro jẹ ẹme enyo vwọ sua ofovwi, ẹkẹvuọvo aghwanre vẹ ihwo re reyọ uchebro gba dia.

Isẹ 15:1

Ota vwiọrọ vwiọrọ fuẹ ophu, ẹkẹvuọvo ota gbaegbae kpara ophu.

Isẹ 17:14

Ẹtuọhọ rẹ ofovwi ọ họhọ ẹsiẹ re bru udio rẹ ame, vwẹ ọtiọye na gba kẹnẹ oma bẹsiẹ rẹ ẹghwọ vwọ phia.

Isẹ 18:19

Ukoecha ra vwọ kẹ oniọvọ ọ họhọ orere ọgangan, ẹkẹvuọvo ẹghwọ họhọ ogbẹn ra vwọ kanrẹ ighẹn.

Ọbe ri Pọl si rhe Ihwo ri Rom 12:21

Wo jẹ umwemwu phi we kparobọ-ọ, ẹkẹvuọvo vwẹ uyoyovwi phi umwemwu kparobọ.

Galesha 5:15

Ẹkẹvuọvo ọ da dianẹ ovwan ke rhọvwa, ke ria omoma rẹ ovwan ovwan gba riẹn nẹ ovwan cha ghwọrọ omoma rẹ ovwan.

Galesha 5:20

ẹdjọ ẹgọ, orhan, ohọnre vẹ ẹghwọ, ohẹriẹ, evun ephuo, ophuemuo, mẹvwẹ marho, emuo kpahe ihwo ride, uyono rẹ efian,

Galesha 5:26

E jẹn avwanre ta nẹ oma mẹ te ke vwẹ-ẹ ohwohwo kpare ohwohwo-o ophu-u a reoma kpahe ohwohwo-o.

Filipae 2:3

Wa vwẹ urhuru vẹ ophiẹvwe ruẹ emu ọvuọvo-o, ẹkẹvuọvo vwẹ oma evwokpotọ kere phihọ nẹ ihwo efa yovwi nọ ovwan.

Jems 1:20

Kidie ophu vẹ ota ọbrabra rẹ ohwo rẹ akpọ cha fobọ shephihọ uruemu esiri rẹ Ọghẹnẹ guọnọre-e.

Iguẹdjọ 8:1

Eshare rẹ Ifrem da ta kẹ nẹ, Ọnana didi emu wo ru avwanre na, wọ ra vwọ họnre ihwo ri Midian wo vwo jẹn avwanre ese? Ayen da ghwọ kuo ganga

Iguẹdjọ 9:23

Ọghẹnẹ de ji erhi rẹ idẹbono phihọ uherevie rẹ Abimẹlẹk;