2 Samuẹl 19:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Ovie da ta kẹ, Die wo rhe vwo gbe ikun rẹ oma wẹn kẹ vwẹ? Me tare nẹ wọ vẹ Ziba ghare otọ na.

2 Samuẹl 19:29 ပူးပေါင်းရင်းမြစ်များ

2 Samuẹl 19:28

Fiki rẹ evwruwevwi rẹ ọsẹ mẹ ejobi pha kerẹ ihwo re brorhiẹ rẹ ughwu hwe vwẹ obaro rẹ ọrovwovwe ovie, ẹkẹvuọvo wo ru odibo wẹn nẹ o nene uwe re emu vwẹ imẹjẹ wẹn. Didi ogangan ọfa mi rhe vwo, mi vwo kperi se ovie;

2 Samuẹl 19:30

Mefiboshẹt da ta kẹ ovie, E, e jọ reyọ ayen ejobi kidie ọrovwovwe ovie guakẹ rhivwi rhe uwevwi rọye, vẹ egbẹrhẹnẹdẹ nure.

2 Samuẹl 9:2

Asakiephana odibo ọvo ọ hẹ uwevwi ri Sọl re se Ziba. Ọke re vwo se rhe Devid, ovie da nọ, Wẹ Ziba? Etiyin ọ da ta, Etiọye ese odibo wẹn.

2 Samuẹl 9:7

Devid da ta kẹ, Wọ djẹ oshọ-ọ; kidie mi dje aruẹdọn kẹ wẹ fiki ri Jonatan rẹ ọsẹ wẹn, ke me vwẹ etọ ri Sọl ọsẹ wẹn ejobi kẹ wẹ, ku wọ re emu vwẹ imẹjẹ mẹ kọke kọke.

2 Samuẹl 9:9

Etiyin ovie de se Ziba odibo ri Sọl, ọ da ta kẹ, Obo ri rhe Sọl ejobi kugbe uwevwi rọye ejobi Me vwẹ ayen kẹ ọmọ rẹ onini wẹn.

Une rẹ Ejiro 101:5

Ohwo rọ bẹbẹ gbe odẹ rẹ ọrivẹ rọye ku Ke me guọghọ. Ohwo rọ vẹ ẹro umwemwu vẹ udu re evwan Mi se chirako rọye-e.

Une rẹ Ejiro 82:2

Mavọ okrite wo vwo kpirhi orhiẹn phihọ ru wọ da ghwoma phihọ abọ rẹ ihwo imwemwu?

Isẹ 18:13

Wọ da kpahe ota tavwe wo ki nyo, ọyeẹkpa vẹ omẹvuọ.

Iruo rẹ Iyinkọn na 18:15

ẹkẹvuọvo ọ da dia oma rẹ enanọ kpahe eta kugbe edẹ kugbe urhi rẹ ovwan, ovwan ọvo nenesi rọye; me senre me sa dia oguẹdjọ rẹ imu nana-a.