2 Samuẹl 19:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Fiki rẹ evwruwevwi rẹ ọsẹ mẹ ejobi pha kerẹ ihwo re brorhiẹ rẹ ughwu hwe vwẹ obaro rẹ ọrovwovwe ovie, ẹkẹvuọvo wo ru odibo wẹn nẹ o nene uwe re emu vwẹ imẹjẹ wẹn. Didi ogangan ọfa mi rhe vwo, mi vwo kperi se ovie;

2 Samuẹl 19:28 ပူးပေါင်းရင်းမြစ်များ

Jẹnẹsis 32:10

mi fo ohwo rọ sa mrẹ ivuavwerhe wẹ-ẹn kugbe ọvwata wẹ-ẹn ru wo dje phia kẹ odibo wẹn na, fikiridie ku ovwẹ ku ugbọphogho nana Me vwọ wan Jọdan vrẹn, vwẹ ọke nana mẹvwẹ kẹ usun ivẹ.

2 Samuẹl 14:17

Ọmọtẹ wẹn de roro nẹ, Ota rẹ ọrovwovwe ovie kọ nẹrhẹ oma fuvwe; kidie ọrovwovwe ovie họhọ amakashe rẹ Ọghẹnẹ ro vughe emuesiri vẹ obrabra; Ọrovwohwo rẹ Ọghẹnẹ nene uwe dia.

2 Samuẹl 14:20

Rere ọ vwọ rhẹriẹ obo re emu na cha dia ọye odibo wẹn Joab vwo ru emu nana; ọrovwovwe de rhe vwo ọhọ kerẹ ọhọ rẹ amakashe rẹ Ọghẹnẹ rọ vwọ riẹn emu rẹ akpọ na ejobi.

2 Samuẹl 15:26

Ẹkẹvuọvo ọ da dianẹ ọ tare, Mi vwo omavwerhe kpahe owẹ-ẹ, nighere, mẹvwẹ na, jo ru vwe obo ri jere.

2 Samuẹl 16:3

Ovie da nọ, Ọmọ rẹ onini wẹn rhọ? Ziba da ta kẹ ovie, Nighere ọ daji obi Jerusalẹm; kidie ọ tare nẹ, Nonẹ na uwevwi rẹ Izrẹl cha vwẹ uvie rẹ ọsẹ me hirhe rhe vwe.

2 Samuẹl 19:29

Ovie da ta kẹ, Die wo rhe vwo gbe ikun rẹ oma wẹn kẹ vwẹ? Me tare nẹ wọ vẹ Ziba ghare otọ na.

2 Samuẹl 9:10

Wẹ vẹ emọ wẹn kugbe idibo wẹn ki voro otọ na vwọ kẹ, ku wọ ghwẹ emu rẹ otọ na vwọ rhe, rere ọmọ rẹ onini wẹn vwọ mrẹ emu re; ẹkẹvuọvo Mefiboshet rẹ ọmọ rẹ onini wẹn kọ re emu kọke kọke vwẹ imẹjẹ mẹ. Asakiephana Ziba vwo emọ ihwiori kugbe idibo uje.

2 Samuẹl 9:13

Etiyin Mefiboshẹt da dia Jerusalẹm; kidie ọ re emu kọke kọke vwẹ imẹjẹ rẹ ovie. Fikiridie ukpono o ruẹ.

Ivie rẹ Ivẹ 8:3

Vwẹ oba rẹ ikpe ighwrẹ na vwo te, aye na vẹ evwruwevwi rọye vwo rhivwi nẹ ubrotọ ri Filistia rhe, aye na da yanran ra nẹ iyẹnrẹn kẹ ovie kpahe uwevwi vẹ otọ rọye.

1 Samuẹl 26:16

Emu nana ri wo ruru na yovwiri-i. Kirobo rẹ Ọrovwohwo herọ na, wo fo ohwo ro ghwu, fikiridie wọ rhẹrẹ ọrovwowe-e, ohwo rẹ Ọrovwohwo vwe evwri ghworo. Asakiephana gbe ni asan rẹ ubiri rẹ ovie epha, kugbe ọtoto rẹ ame rọ hẹ asan uyovwi rọye na.