2 Samuẹl 19:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Etiyin ọ da ta kẹ ovie, Ẹjo ọrovwovwe brorhiẹ hwe vwe-e, yẹrẹ karophihọ obo re chọre rẹ odibo wẹn ruru vwẹ ẹdẹ rẹ ọrovwovwe vwo nẹ Jerusalẹm rhe-e; e jẹn ọrovwovwe ovie karophihọ-ọ.

2 Samuẹl 19:19 ပူးပေါင်းရင်းမြစ်များ

2 Samuẹl 13:20

Oniọvo rọye Absalọm da ta kẹ, wọ vẹ omoni wẹn rẹ ọshare gba mroma? Ẹkẹvuọvo gbe rhurhu unu wẹn omoni mẹ; omoni wẹn ọye oruẹ; wo ghwe roro gangan. Tama ọvo sogoio kọye dia uwevwi rẹ oniọvo rọye Absalọm.

2 Samuẹl 13:33

Fiki rẹ ọtiọye na e gbe jẹn ọrovwovwe, roro nẹ emọ rẹ ovie ejobi ri ghwuru-u; kidie Amnọn ọvo ri ghwuru.

2 Samuẹl 19:18

Ayen da wan ushuame na vrẹn ra reyọ ovie vẹ evwruwevwi rọye rhe, ayen de ru obo ri fori vwọ kẹ; Shimẹi ọmọ ri Gera de she diguẹ vwẹ obaro rẹ ovie ọke rọ cha vwọ shariẹ Jọdan vrẹn

Une rẹ Ejiro 32:2

Ebruba kẹ ohwo rẹ Ọrovwohwo keri orukuruku ba obọ-ọ, rẹ ophiẹnvwe ọvuọvo he udu rọye-e.

Une rẹ Ejiro 79:8

Wọ karohọ imwemwu rẹ ese rẹ avwanre ride kẹ avwanre-e, jẹn ehrọre wẹn bru okpakpa rhe vwa avwanre, kidie a vwẹ avwanre gbe otọ gangan.

Aghwoghwo 10:4

Ophu rẹ osun da tua kpahe owẹ, wo vrẹn nẹ asan wọ epha-a, kidie oma wo hwemu kpare ophu rode kuẹfia.

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Ukeri 12:11

Erọn da ta kẹ Mosis, E ọrovwovwe, wo hwe avwanre fikirobo rẹ avwanre vwo gbe ugheghẹ rẹ avwanre vwo ru imwemwu-u.

Matiu 27:4

nẹ, Mi ru chọ, re me vwọ shẹ ọvwata na ekueku. Ẹkẹvuọvo ayen da ta nẹ, ọye dia ota rẹ avwanre-e, ọye ota wẹn.

2 Kọrẹnt 5:19

Kọye hẹ, Ọghẹnẹ rọ hẹ evun ri Kristi rọ rhuẹrẹ akpọ na kẹ oma rọye, o roro urhiẹchọ rayen kẹ aye-en, o de phi ovuẹ rẹ erhuarhuẹrẹ na phihọ avwanre obọ.

1 Samuẹl 22:15

Ki nonẹ mi ru duotọ rẹ emu vwẹ obọ rẹ Ọghẹnẹ kẹ? Ẹjo! Ẹ jẹn ovie roro iroro kpahe odibo rọye-e eyẹ uwevwi rẹ ọsẹ mẹ ejobi-i; kidie odibo wẹn riẹn emuọvo vwẹ ọnana ejobi-i, kaka kọ kọnro.

1 Samuẹl 25:25

Wo jẹn ọrovwovwe davwerhọ rẹ orharhe rẹ ohwo nana, Nabal-l; kidie kirobo rẹ odẹ rọye epha, eriyin ọ epha; Nabal odẹ rọye. eriyin ugheghẹ je vọn evun; ẹkẹvuọvo mẹvwẹ rẹ ọmọtẹ wẹn na mrẹ imighele rẹ ọrovwovwe ji rhe-e.

1 Samuẹl 26:21

Etiyin Sọl da ta, mi ru chọ ; rhivwi, ọmọ mẹ Devid, kidie me gbe wan wẹ oma ọfa-a, kidie arhọ mẹ ghare vwẹ obọ wẹn nonẹ na; nighe, mẹvwẹ ri ru ẹkpa, mi ghwruru gangan.