2 Samuẹl 19:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ayen da wan ushuame na vrẹn ra reyọ ovie vẹ evwruwevwi rọye rhe, ayen de ru obo ri fori vwọ kẹ; Shimẹi ọmọ ri Gera de she diguẹ vwẹ obaro rẹ ovie ọke rọ cha vwọ shariẹ Jọdan vrẹn

2 Samuẹl 19:18 ပူးပေါင်းရင်းမြစ်များ

2 Samuẹl 19:17

Ihwo uriori de nene nẹ uvwiẹ ri Bẹnjamin rhe. Kugbe Ziba rẹ odibo ri Sọl vẹ emọ rọye ihwiori kugbe idibo rọye uje de broma kpo Jọdan ra vwa ovie Devid;

2 Samuẹl 19:19

Etiyin ọ da ta kẹ ovie, Ẹjo ọrovwovwe brorhiẹ hwe vwe-e, yẹrẹ karophihọ obo re chọre rẹ odibo wẹn ruru vwẹ ẹdẹ rẹ ọrovwovwe vwo nẹ Jerusalẹm rhe-e; e jẹn ọrovwovwe ovie karophihọ-ọ.

2 Samuẹl 19:30

Mefiboshẹt da ta kẹ ovie, E, e jọ reyọ ayen ejobi kidie ọrovwovwe ovie guakẹ rhivwi rhe uwevwi rọye, vẹ egbẹrhẹnẹdẹ nure.

2 Samuẹl 9:10

Wẹ vẹ emọ wẹn kugbe idibo wẹn ki voro otọ na vwọ kẹ, ku wọ ghwẹ emu rẹ otọ na vwọ rhe, rere ọmọ rẹ onini wẹn vwọ mrẹ emu re; ẹkẹvuọvo Mefiboshet rẹ ọmọ rẹ onini wẹn kọ re emu kọke kọke vwẹ imẹjẹ mẹ. Asakiephana Ziba vwo emọ ihwiori kugbe idibo uje.

2 Samuẹl 9:2

Asakiephana odibo ọvo ọ hẹ uwevwi ri Sọl re se Ziba. Ọke re vwo se rhe Devid, ovie da nọ, Wẹ Ziba? Etiyin ọ da ta, Etiọye ese odibo wẹn.

1 Ivie 2:8

Shemei ọmọ ri Gera, ohwo ri Bẹnjamin ro nẹ Bahurim rhe, vẹ owẹ je hẹ etiyin rhe, ọ harhe ovwẹ brabra ri mi vwo kpo Mahanaim; ẹkẹvuọvo rọ rhe vwọ vwa vwẹ vwi Jọdan, me da vwẹ odẹ rẹ Ọrovwohwo duvwu iyori kẹ nẹ, Me cha vwẹ ọlọkọ nyavwe owẹ hwe-e.

Une rẹ Ejiro 66:3

Ta kẹ Ọghẹnẹ, Mavọ iruemu wẹn mu udidi te! ọtiọye ogangan wẹn rho te rọ nẹrhẹ ivwighrẹ wẹn siẹ wunrhẹ vwẹ obaro wẹn

Une rẹ Ejiro 81:15

Otu ri tuoma rẹ Ọrovwohwo ke cha shọrọ bro rhe, urhiẹnvwe rayen kọ tọn rhiri bẹdẹ.

Ẹvwọphia 3:9

Nighe, mi che ru ayen otu re hẹ ẹho rẹ Idẹbono na re tanẹ ayen ihwo ri Ju da yẹ ayen dia ihwo ri Ju-u, ẹkẹvuọvo efian ayen vwọrọn—-nighe, ke cha rhe rhi diguẹ vwẹ agada mẹ, ke riẹn nẹ me guọnọ ayen.

1 Samuẹl 22:15

Ki nonẹ mi ru duotọ rẹ emu vwẹ obọ rẹ Ọghẹnẹ kẹ? Ẹjo! Ẹ jẹn ovie roro iroro kpahe odibo rọye-e eyẹ uwevwi rẹ ọsẹ mẹ ejobi-i; kidie odibo wẹn riẹn emuọvo vwẹ ọnana ejobi-i, kaka kọ kọnro.