2 Samuẹl 19:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ovie Devid de ji ohwo re se Zadọk vẹ Abiata rẹ irherẹn nẹ, Ta ota kẹ ekpako ri Juda, Mavọ okrite rẹ ovwan ke reyọ ovie rhivwi kpo uwevwi rọye, jẹn ovuẹ rẹ Izrẹl ejobi re ovie obọ nure?

2 Samuẹl 19:11 ပူးပေါင်းရင်းမြစ်များ

2 Samuẹl 15:29

Etiyin Zadọk vẹ Abiata de mu ekpeti rẹ Ọghẹnẹ hirhe kpo Jerusalẹm; ayen da daji oboyi.

2 Samuẹl 18:14

Joab da ta, Mi rhe se nene uwe ku ọke kufia ọtiọna-a. Ọ da reyọ ubiri erha vwẹ obọ rọye, o de vwo duvwu ubiudu rẹ Absalọm, ọke rọ je vwọ ọkpokpo vwẹ enu rẹ ohahe na.

2 Samuẹl 18:15

Imighene ihwe re ghwa ekuakua rẹ ofovwi ri Joab, da gba riariẹ Absalọm ayen de hwe, o de ghwu.

2 Samuẹl 19:10

Ẹkẹvuọvo Absalọm re ma vwọ re oviẹ vwẹ enu rẹ avwanre, o ghwuru vwẹ ofovwi asakiephana fiki rẹ ọtiọye na, kidie ma rha jẹn iroro rẹ obo ra vwọ reyọ hirhe-e?

2 Samuẹl 19:41

Etiyin ihwo rẹ Izrẹl ejobi de bru ovie rhe, ayen da ta kẹ ovie, Die sorọ imoni rẹ avwanre ri Juda vwo cho we yanran; ayen da rha vwẹ ovie vẹ evwruwevwi rọye shariẹ Jọdan vẹ ihwo ri Devid ọvo?

1 Ivie 2:35

Ovie de phi Bẹnaya ọmọ rẹ Jehohada phihọ otuofovwi na vwẹ asan ri Joab nuru, ovie de rhe phi Zadọk rẹ orherẹn na phihọ asan rẹ Abiata nuru.

Matiu 5:16

Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

2 Kọrẹnt 5:20

Ọtiọye na avwanre kẹ ihwo ri Kristi ji uwevwi, oma rẹ avwanre ọye Ọghẹnẹ wan vuẹ uwevwi na. Avwanre vwẹ odẹ ri Kristi rẹ ovwan, rere wa vẹ Ọghẹnẹ rhuẹrẹ kugbe.

2 Tẹsalonaika 3:9

Ọ dianẹ kẹ avwanre jẹ ogangan evwo rẹ avwanre vwọ nọ ekpẹn rẹ emuọre-e, ẹkẹvuọvo avwanre vwẹ oma ru oniru rere wa vwẹ ẹro kere avwanre.