2 Samuẹl 18:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ofovwi na da hẹre nene aghwa ejobi. ihwo ri ghwu phihọ aghwa de bunọ ihwo rẹ ọlọkọ hweri.

2 Samuẹl 18:8 ပူးပေါင်းရင်းမြစ်များ

2 Samuẹl 18:7

Idibo ri Devid de hwe ihwo rẹ Izrẹl, ihwo re hweri da dia uriori uje.

2 Samuẹl 18:9

Absalọm da rhe yan ro idibo ri Devid. Absalọm gua ekẹtẹkẹtẹ, ekẹtẹkẹtẹ na da djẹ rọ otọ rẹ aghọ rẹ ọhahe rode ọvo, ẹto rọye da jẹn phihọ aghọ rẹ urhe na, ekẹtẹkẹtẹ na de fiotọ rọye wan, ko phieghe vwẹ irharheghe.

1 Ivie 20:30

I ri chekọ da djẹ kpo orere rẹ Afẹk; igbẹhẹ de rhe she teye ihwo uriori uje gbe ighwrẹ ri chekọ. Bẹnhadad da je djẹ rhe, o de re sioma nu vwẹ uvun ọvo vwẹ orere na.

Une rẹ Ejiro 3:7

Vrẹn, E Ọrovwohwo! Sivwi vwe, E Ọghẹnẹ mẹ! Kidie wẹ re ghwiẹ ivwighrẹ mẹ ọhwa, we re sa kpare ako rẹ oruimwemwu.

Une rẹ Ejiro 43:1

Brorhiẹ mẹ, E Ọghẹnẹ, rere wọ chochọ mẹ kpahe ihwo umwemwu; biko sivwi uvwe nẹ obọ re ihwo re phiẹn vwe kugbe ihwo ebrabra.

Ẹyano 15:10

Wo de dju odju wẹn rhe, abadi na de rhurhu ayen; ayen de divwi kerẹ odje vwẹ evun rẹ ame rode na.

Isẹ 24:21

Ọmọ mẹ, djẹ oshọ rẹ Ọrovwohwo na kugbe ovie, wọ phra ota raye-en;

Isẹ 24:22

kidie okpetu che nẹ obọ rayen cha kpregede, kono cha riẹn ẹghwọrọ ro che nẹ obọ rayen ivẹ na cha.

Joshua 10:11

Rẹ ayen vwọ djẹ nẹ obọ rẹ Izrẹl na, rẹ ayen vwọ djẹ nene ọghwrọrọ ri Bẹthọrọn, Ọrovwohwo de si eragha ride nẹ enu rhe ri she teye ayen rhiri rhi te Azekah, ayen de ghwu; e rẹ osio rẹ ibieragha na hweri bu vrẹn e rẹ ihwo rẹ Izrẹl na vwẹ ọlọkọ hwe.