2 Samuẹl 18:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ovie da ta kẹ Joab kugbe Abishai kugbe Ittai nẹ, Ovwan me jomatọ kẹ Absalọm fiki mẹ. Ihwo ejobi de nyo obo rẹ ovie tare kẹ inotu rẹ ofovwi na kpahe Absalọm.

2 Samuẹl 18:5 ပူးပေါင်းရင်းမြစ်များ

2 Samuẹl 16:11

Devid da ta kẹ Abishai kugbe idibo rọye ejobi, Ọmọ mẹ ro nẹ oma mẹ rhe, guọnọ erhi mẹ hwe, kemavọ ọmọ ri Bẹnjamin rhe ru te? Jovwo rọ harhe; kidie Ọrovwohwo re ta kẹ.

2 Samuẹl 17:14

Absalọm vẹ ihwo rẹ Izrẹl ejobi da ta, Iroro ri Hushai rẹ Archit ri me yovwi nọ rẹ Ahitofẹl. Kidie Ọrovwohwo ruro rere a vwọ sen iroro esiri rẹ Ahitofẹl jẹre rere Ọrovwohwo mrasan hwa osa rẹ umwemwu rẹ Absalọm kẹ.

2 Samuẹl 18:12

Ọshare na da ta kẹ Joab, Ọ da dianẹ a ghwẹ ovwanvwọn uriori rẹ idọnọ phihọ obọ mẹ, me sa vwẹ obọ mẹ hwe ọmọ rẹ ovie-e, mi nyori rẹ ovie vwọ ta kẹ wẹ, Abishai kugbe Ittai nẹ wan sẹro rẹ emeghene na Absalọm fiki mẹ.

2 Samuẹl 19:1

A da ta kẹ Joab, Nighere, ovie ra viẹ ode rhe muomahọ kẹ Absalọm.

Une rẹ Ejiro 103:13

Kirobo re ọsẹ pẹpẹ emọ rọye, ọtiọye Ọrovwohwo je vwẹ obọ pẹpẹ otu re djẹ oshọ rọye.

Iyẹnrẹ Esiri ri Luk 23:34

Jesu da ta, Ọsẹ, vwo ghovwo ayen; kidie ayen riẹn obo rẹ ayen ruẹ-ẹ. Ayen da vwẹ ewun rọye vwo duvwu itẹ.