2 Samuẹl 18:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ Ahimaaz de kperi ta kẹ ovie, Emu ejobi yoma. O de diguẹ bọvwọn opharo rhuotọ kẹ ovie, ọ da ta, Ebruba kẹ Ọrovwohwo rẹ Ọghẹnẹ wẹn, ro phi ihwo ri gbe kpahọ ọrovwovwe ovie phihọ obọ rẹ avwanre.

2 Samuẹl 18:28 ပူးပေါင်းရင်းမြစ်များ

Jẹnẹsis 14:20

Ebruba kẹ Ọghẹnẹ ro Me Kpenu, rọ reyọ ivwighrẹ wẹn phihọ owẹ obọ. Ebram da vwẹ ẹkẹn ihwe rẹ ekuakua na ejobi kẹ.

Jẹnẹsis 24:27

ọ da ta, Ebruphihọ kẹ Ọrovwohwo Ọghẹnẹ rẹ onini mẹ Ebraham, ro se siobọ nẹ ẹguọnọ ro jẹrhẹriẹ kugbe evuesiri ro vwo kpahe onini mẹ. Vwọ kẹ vwẹ, Ọrovwohwo ri sun vwe vwẹ idjerhe rhi te uwevwi rẹ omoni rẹ onini mẹ.

2 Samuẹl 1:2

Vwẹ ẹdẹ rerha, nighe, ọshare ọvo de nẹ erhọn ri Sọl rhe, vẹ emwa rọye re bẹre vẹ ekpẹn vwẹ uyovwi rọye. Ọke ro vwo bru Devid rhe, o de she gberi otọ ọ da vwarọ.

2 Samuẹl 14:4

Ọke rẹ aye ri Tekoa na vwo bru ovie rhe, o de she bọvwọn opharo rhuotọ o de yere ovie, ọ da ta, chuko, E ovie, ovie da ta kẹ,

2 Samuẹl 22:27

vwọ kẹ ohwo rọ fonro, ọye wo ji ru oma fuanfon kẹ, vwọ kẹ ihwo rẹ egbẹnẹkẹ ka je vwẹ egbẹnẹkẹ nẹ ayen.

2 Ikun rẹ Ivie 20:26

Vwẹ ẹdẹ rẹne ayen da rhe ghwẹ koko vwẹ Iyara ri Beraka, kidie etiyin ayen de bruba kẹ Ọrovwohwo na; fiki rẹ ọtiọye na odẹ rẹ asan na e de se Iyara ri Beraka rhi te nonẹ na.

Une rẹ Ejiro 115:1

Ọ dia avwanre-e, E Ọrovwohwo ọ dia avwanre-e, ẹkẹvuọvo odẹ wẹn a vwẹ urinrin kẹ, fiki re ẹguọnọ wẹn ro jẹ rhẹriẹ na vẹ esegbuyota wẹn na!

Une rẹ Ejiro 124:6

Ebruphihọ kẹ Ọrovwohwo na, ro se siobọ nẹ avwanre kẹ ako rayen nẹ ọchẹghẹ-ẹ!

Une rẹ Ejiro 31:8

Wo se phi vwe phihọ obọ rẹ ivwighrẹ mẹ-ẹ, wọ de phi awọ mẹ phihọ asan ọhẹhẹre.

Ẹyano 18:10

Jẹtro da ta, Ebruphihọ kẹ Ọrovwohwo, ro si ovwan nẹ obọ rẹ ihwo rẹ Ijipt vẹ obọ ri Fero.

1 Samuẹl 17:46

Nonẹ na Ọrovwohwo ko phi we phihọ obọ mẹ, ke me ghwiẹ wẹ she, ke me fian uyovwi nẹ uwe; ke me vwẹ irivwi rẹ urogho rẹ ihwo ri Filistia na vwọ kẹ emephran rẹ obenu na kugbe eranvwe rẹ aghwa na nonẹ; re akpọ na ejobi riẹn nẹ Ọghẹnẹ ghine hẹ Izrẹl na,

1 Samuẹl 24:18

Wọ ta kẹ vwẹ nonẹ obo wọ vẹ ovwẹ yenri te, ru wo vwo ju vwe ehwe yẹ Ọrovwohwo phi vwe phihọ ovwẹ obọ.

1 Samuẹl 25:23

Ọke rẹ Abigail vwọ mrẹ Devid, ọ da fiavwoma, wotọ nẹ ekẹtẹkẹtẹ na rhe, o de she bọvwọ opharo rhuotọ vwẹ obaro ri Devid, o de gbe opharo phihọ otọ.

1 Samuẹl 26:8

Etiyin Abishai da ta kẹ Devid, Ọghẹnẹ phi ọvweghrẹ wẹn phihọ owẹ obọ nonẹ na; gbe ju vwẹ vwe ubiri mẹ na sa muorọ; me gbe rha vwariẹ ọfa-a.