2 Samuẹl 18:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Devid de ji utuofovwi yanran, ẹkẹ erha rọye nene Joab ẹkẹ erha nene Abishai ọmọ ri Zeruiah, oniọvo ri Joab, ẹkẹ erha nene Ittai ohwo ri Git. Ovie da ta kẹ ihwo na, Ekpuyovwi mẹ ji nene ovwan ra.

2 Samuẹl 18:2 ပူးပေါင်းရင်းမြစ်များ

2 Samuẹl 17:11

Ẹkẹvuọvo iroro re me jẹre kọ na, jẹn Izrẹl ejobi wo koko kẹ wẹ nẹ Dan re te Bẹẹrsheba, kerẹ ehavwo rọ hẹ oma rẹ urhie vwẹ ebuo; ekpuyovwi wẹn ji kpo ofovwi na rhe.

2 Samuẹl 21:17

Ẹkẹvuọvo Abishai ọmọ ri Zeruiah da chuko, ọ da họnre ohwo ri Filistia na hwe. Ihwo ri Devid da rẹ Devid, Wo gbi nene avwanre kpo ofovwi ọfa-a, wo de rhe furhie urhukpẹ rẹ Izrẹl;

2 Samuẹl 23:18

Vwẹ ọke nana, Abishai, oniọvo ri Joab, ọmọ ri Zeruiah ọye olori rẹ ihwo ọgban na. Ọ da vwẹ Oshuẹ rọye vwọ họnre ihwo ujori erha, ọ da re odẹ kẹ oma rọye vwẹ ohri rẹ ihwo erha na.

2 Samuẹl 8:16

Joab ọmọ ri Zeruiah kọye onotu rẹ ofovwi; Jehoshaphat ọmọ rẹ Ahilud kẹ osiẹbe;

1 Ivie 2:28

Ọke ri Joab rhi vwo nyo ikun na, kidie Joab vẹ Adonija obọ yẹ ọ vẹ Absalọm dia obọ-ọ–-Joab da djẹ kpo uwevwi rẹ Ọrovwohwo ọ da yọnrọn ighoro rẹ abgada na.

Une rẹ Ejiro 3:6

Me sa djẹ oshọ rẹ ihwo uriori ihwe-e, re gba ogba riariẹ ovwẹ phihọ.

Iguẹdjọ 7:16

Ọ da ghare eshare ujori erha na phihọ ẹko ofovwi erha, o de phi ewanre kugbe ọtoto ifefe phihọ abọ rayen, irhukpẹ da evun rẹ ọtoto na.

Iguẹdjọ 7:19

Eriyin Gidiọn kugbe eshare ujori re vẹ ọye herọ na da rhe orhoma rẹ erhọn na, vwẹ ẹtuọhọ rẹ erhẹrẹ rẹ uherevie, rẹ ayen ghwe vwo mu ẹrhẹrẹ na phihọ nu; ayen de hworo ewanre na ayen da teye etoto re abọ rayen na hwe,

Iguẹdjọ 9:43

Ọ da reyọ ihwo rọye ọ da ghare ayen phihọ unu ofovwi erha, ra vwọ hẹrhẹ vwẹ evun rẹ aghwa na, rọ vwọ kpare opharo ọ da mrẹ eshare na re yan ne evun rẹ orere na cha, ọ da họnre ayen ọ de hwe ayen.

1 Samuẹl 11:11

Vwẹ irhiọke rivẹ Sọl da ghare ihwo na phihọ unuofovwi erha; ayen da rhe ro evun rẹ ẹrhọn na vwẹ ọke ohẹrhẹ rẹ irhiọke, ayen da rhe nyavwe ihwo rẹ Ammọn kuotọ bẹsiẹ rẹ ọnre vwọ vi; ihwo rẹ obọ te hwe-e da hrabọ ro aghwa, ọtiọye na ihwo ivẹ gbe djẹ fi ohwohwo-o.