2 Samuẹl 18:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Etiyin Ahimaaz rẹ ọmọ ri Zadọk da ta, ju vwe djẹ, Me ra ghwẹ ikun nana rhe ovie, nẹ Ọrovwohwo sivwi ro nẹ obọ rẹ ivwighrẹ rọye.

2 Samuẹl 18:19 ပူးပေါင်းရင်းမြစ်များ

2 Samuẹl 15:27

Ovie da ta kẹ Zadọk rẹ orherẹn, Nighere, hirhe kpo obo orere vwẹ ufuoma, wẹ kugbe Abiata, vẹ emọ wẹn ivẹ na Ahimaaz rẹ ọmọ wẹn, kugbe Jonatan rẹ ọmọ rẹ Abiata.

2 Samuẹl 15:36

Nighere, emọ rayen ivẹ hẹ oboyi, Ahimaaz rẹ ọmọ ri Zadọk kugbe Jọnatan rẹ ọmọ rẹ Abiata; ayen wọ cha vuẹ ovuẹ rhe vwe.

2 Samuẹl 17:17

Asakiephana Jonatan kugbe Ahimaaz ra hẹrhẹ vwẹ Ẹnrogẹl, odibo rẹ ọmọtẹ ọvo ọye ra vuẹ ayen, ayen me rha yanran ra ta kẹ ovie Devid, fikiridie a guọnọ ayen mrẹ vwẹ orere na kaka-a.

2 Samuẹl 18:20

Joab da ta kẹ, Wọ ghwẹ ikun nonẹ na-a, wo se ru etiọye vwẹ ẹdẹ ọfa; ẹkẹvuọvo nonẹ na wọ sa ghwẹ ikun-n. Kidie ọmọ rẹ ovie ghwuru.

2 Samuẹl 18:23

Obo re phiare ejobi me je djẹ. Etiyin ọ da ta kẹ, Gba djẹ. Ahimaaz da djẹ wan idjerhe rẹ aghwa na, ọ da djẹ vrẹn ohwo ri Kush.

2 Samuẹl 18:31

Nighere ohwo ri Kush na da rhe, ọ da ta, iyẹnrẹn esiri vwọ kẹ ọrovwọvwe ovie fikiridie Ọrovwohwo sivwi we vwẹ ẹdẹ ri nonẹ nẹ ogangan rẹ ihwo ri gbe kpahọ owẹ.

Une rẹ Ejiro 10:14

Wọ ghene mrẹ, uyota, wọ ka oka phihọ ukpokpogho kugbe ivuemiovwo rere wọ vwọ mrasan reyọ phihọ obọ wẹn; omiovwuyovwi phi oma rọye phihọ obọ wẹn; wọwẹ ọchuko rẹ ọmọphrorivwi.

Une rẹ Ejiro 10:18

wọ ru ọsoso ke ọmọphrorivwi kugbe ọ re shenyẹ, rere ohwo rọ dia ọ re akpọ na vwo je oshọ. ẹdjẹ mu ihwo wẹn ọfa.

Une rẹ Ejiro 7:6

Vrẹn, E Ọrovwohwo, vwẹ evun rẹ ophu wẹn, kpare oma vwọ so ọrhorhorho rẹ ophu rẹ ivwighrẹ mẹ, rhọvwọ, E Ọghẹnẹ mẹ, wo bru ẹdẹ re ẹdjọeguo nure.

Une rẹ Ejiro 9:16

Ọrovwohwo na ru oma rọye ne a riẹn ọye, ọye ri brorhiẹ; orumiwemwu mu ufi re iruo re obọ rayen.

Une rẹ Ejiro 9:4

Kidie wẹ re riẹn oyan rẹ ọvwata mẹ; wo tidia vwẹ enu rẹ ekete de brorhiẹ rẹ ọvwata.

Jerimaya 51:31

Ọdjonẹ ọvo djẹre ra vwa ọfa, ikọn ọvo ra vwa ọfa, ra vuẹ ovie ri Babilọn nẹ e mu orere rọye vwẹ abọ kabọ,

Ọbe ri Pọl si rhe Ihwo ri Rom 12:19

Imoni mẹ, wa reihri-i, ẹkẹvuọvo jovwo kẹ ophu rẹ Ọghẹnẹ; kidie e siro nẹ, Ihriẹriọ ọ mẹ, mẹvwẹ re hwa osa, eriyin Ọrovwohwo tare.