2 Samuẹl 18:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Absalọm ọke rọ vwọ hẹ akpọ ọ da ma osusu rẹ oragha kẹ oma rọye vwẹ ushokpotọ rẹ ovie, fikiridie ọ tare, nẹ, Mi vwo ọmọ ra vwọ karophihọ odẹ mẹ-ẹ, e de se nẹ ẹkarophihọ rẹ Absalọm rhi te nonẹ na.

2 Samuẹl 18:18 ပူးပေါင်းရင်းမြစ်များ

Jẹnẹsis 11:4

Ayen da rha ta, Yanrhe, e jẹn avwanre bọn orere kẹ oma rẹ avwanre, ra bọn uwevwi rẹ enu phihọ ro kpenu odjuvwu, re avwanre re odẹ kẹ oma rẹ avwanre, ọ rha dia eriyin avwanre ke cha hra vwẹ enu rẹ akpọ na ejobi.

Jẹnẹsis 11:9

Fiki rẹ ọtiọye na e de se odẹ rọye Babẹl, fikiridie Etiyin Ọrovwohwo de zighi ephẹrẹ rẹ akpọ na ejobi, kẹ Etiyin rhe Ọrovwohwo da hra ayen nene enu rẹ akpọ na ejobi.

Jẹnẹsis 14:17

Ro vwo rhivwi rhe nu ro vwo phi Chedor-laomer, kugbe ivie re vẹ ọye gba obọ kparobọ nu, ovie ri Sodọm da yanran ra vwa vwẹ ushekpotọ ri Shaveh (kọye ese ushekpotọ rẹ Ovie).

2 Samuẹl 14:27

Ọ de vwiẹ emeshare erha vẹ ọmọtẹ ọvo re se Tamar; aye na vwo erhuvwu gangan.

Une rẹ Ejiro 109:13

E ja nyavwe uvwiẹ rọye rọ cha kufia; je phoro odẹ rọye kufia nẹ uvwiẹ rivẹ!

Une rẹ Ejiro 49:11

Ushi rayen ọye uwevwi rayen bẹdẹ, asan edia rayen ne edje re te edje, dede na ayen mu odẹ ke etọ na nẹ erayen.

Aizaya 22:16

Die wo rhi ru vwẹ etinẹ kugbe ono wo vwo vwẹ etinẹ, ru wọ vwọ tọn ushi vwẹ etinẹ kẹ oma wẹn, wẹ rọ tọn ushi phihọ enu rẹ ugbenu na, wọ da kare ẹdia kẹ oma wẹn vwẹ evun rẹ oragha na?

Jerimaya 22:30

Enẹ Ọrovwohwo tare: Si ohwo nana phihọ otọ kere ẹgan, ohwo ro che yovwẹ kẹ vwẹ ẹdẹ rọye ejobi-i, kidie ọmọ rọye ọvuọvo cha dia ẹdia rọye-e vwo tidia ekete ri Devid, vwọ rhoma re uvie vwi Juda.

Daniẹl 4:30

etiyin ovie na da ta, Onana dia Babilọn rọde na, re me vwẹ ẹgba vẹ ogangan mẹ bọn rọ dia ighẹn rẹ ovie vwọ kẹ urinrin vẹ ọrho mẹ?

Ukeri 32:42

Nobah da yanran ra reyọ Kenat vẹ ẹko rọye ejobi, o de se Nobah, kirobo rẹ odẹ rọye epha.

1 Samuẹl 15:12

Samuẹl de vrẹn vwẹ irhiọke ride ra vwa Sọl; a da vuẹ Samuẹl nẹ Sọl kpo Kamẹl, nighere, ọ ra vwẹ osusu vi kẹ oma rọye o de rhivwi, ọ da wan yanran, re te Gilgal.