2 Samuẹl 18:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ayen de mu Absalọm phihọ ọgọdọ rode vwẹ evun rẹ egbo, ayen da vwẹ eragha ma osusu rhurhu, Ihwo rẹ Izrẹl ejobi dohwo duwevwi rọye da djẹ ra.

2 Samuẹl 18:17 ပူးပေါင်းရင်းမြစ်များ

2 Samuẹl 19:5

Etiyin Joab da ro uwevwi bru ovie ra ọ da ta, Wọ vwẹ omẹvuọ rhurhu epharo rẹ idibo wẹn vwẹ ẹdẹ ri nonẹ, re sivwi we, vẹ emọ wẹn rẹ eshare kugbe ere emetẹ, vẹ eya wẹn kugbe esen wẹn

2 Samuẹl 19:8

Etiyin ovie de vrẹn o de tidia anurhoro. A da ta kẹ ihwo ejobi nẹ, Nighere, ovie tidia anurhoro ihwo na ejobi da rhe obaro rẹ ovie. Kidie Izrẹl ejobi dohwo duwevwi rọye djẹ ra.

2 Samuẹl 19:9

Ihwo na ejobi rẹ orua rẹ Izrẹl na de rhi vwo oseghe kẹ ayen ra, Ovie sivwi avwanre nẹ obọ rẹ ivwighrẹ rẹ avwanre, o de si avwanre nẹ obọ rẹ ihwo ri Filistia; Asakiephana ọ djẹ nẹ otọ na vwọ kẹ Absalọm.

2 Samuẹl 20:1

Asakiephana orharhe rẹ ohwo ọvo da herọ, re se Sheba, ọmọ Bichri ohwo ri Bẹnjamin; o de hworo owanre ọ da ta, Avwanre vwo ẹkẹ vwi Devidi-i, avwanre vwo uku vwẹ ọmọ ri Jesse-e; dohwo dutughẹ rọye ra, E Izrẹl.

2 Samuẹl 20:22

Etiyin aye na da vwẹ ẹghwanre bru ihwo rọye ejobi. Ayen de bru yovwi ri Sheba, rẹ ọmọ ri Bichri e de phio wan igbẹhẹ vrẹn kẹ Joab. Etiyin Joab de hworo owanre ayen da hrabọ nẹ orere na, dohwo duwevwi rọye da ra. Joab de rhivwi kpo Jerusalẹm bru ovie.

Ivie rẹ Ivẹ 14:12

Izrẹl de phi Juda kparobọ, eshare na dohwo durhuẹn rọye da djẹ ra.

Ivie rẹ Ivẹ 8:21

Etiyin Joram da wanvrẹn kpo Zair ọ vẹ ekpẹrẹ rọye ejobi o de vrẹn vwẹ ason, ọ vẹ ihwo ri suẹn ekpẹrẹ rọye na de hwe ihwo Idọm re riariẹ phihọ; ẹkẹvuọvo isodje rọye da djẹ kpo.

Isẹ 10:7

Ekarohọ rẹ ọvwata vọnre vẹ ebruphihọ, ẹkẹvuọvo odẹ rẹ ohwo umwemwu che gbo kufia.

Urhi Rivẹ 21:20

ayen Me ta kẹ ekpako rẹ orere rọye na, Ọmọshare rẹ avwanre nana ọ gan udu je vwẹ ọgburhi ọ nyo urhuru rẹ avwanre-e; ovwurhuru kugbe ogbaidi oruẹ.

Urhi Rivẹ 21:21

Etiyin eshare rẹ orere na Me vwẹ elalọ phio ghwu ke etiọye vwọ hworhẹ umwemwu nẹ uherevie wẹn; Izrẹl ejobi de nyo, oshọ ko mu ayen.

Joshua 10:27

ẹkẹvuọvo rẹ ọnre vwo she kpotọ re, Joshua da ta kẹ ayen, ayen de si ayen nẹ irhe na te otọ, a da kpare ayen phihọ evun rẹ ẹmwa rẹ ayen de sioma nu vẹrhẹ na, ayen da vwẹ eragha ride gbe unu rẹ ẹmwa na, rọ je herọ rhi te nonẹ na.

Joshua 7:26

Ayen da kua etu rẹ eragha nyẹ rọ je herọ rhi te nonẹ na, etiyin Ọrovwohwo da kpare ophu ro muo na kufia. Kọye ji rhi te ẹdẹ ri nonẹ na e ji se odẹ rẹ asan na, Iyara rẹ Akọr.

Joshua 8:29

O de churu ovie rẹ Ai si urhe re te ovwọnvwọn; rẹ ọnre vwọ she re Jọshua da ta ke ayen nẹ, a rhan orivwi rọye nẹ urhe na, rere e muo teye anurhoro rẹ ughere rẹ orere na, a da kua ekru rẹ ibieragha nyẹ, ro ji mudia vwẹ etiyin rhi te nonẹ na.

1 Samuẹl 4:10

Ọtiọye ihwo ri Filistia na da họnre, ayen da kparobọ, Izrẹl da djẹ, dohwo duwevwi rọye da ra; e de hwe ihwo buebu, ihwo ri ghwuru vwẹ Izrẹl ẹdẹ yena da dia uriori ọgban rẹ ihwo re vwẹ owọ yan.