2 Samuẹl 18:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Joab da ta, Mi rhe se nene uwe ku ọke kufia ọtiọna-a. Ọ da reyọ ubiri erha vwẹ obọ rọye, o de vwo duvwu ubiudu rẹ Absalọm, ọke rọ je vwọ ọkpokpo vwẹ enu rẹ ohahe na.

2 Samuẹl 18:14 ပူးပေါင်းရင်းမြစ်များ

2 Samuẹl 12:10

Fiki rẹ ọtiọye na, ọlọkọ gbi se nẹ anurhoro wẹn bẹdẹ-ẹ, kidie wọ jẹn vwẹ fia, wọ da reyọ aye rẹ Uraya rẹ ohwo ri Hẹt vwo ru aye wẹn.

2 Samuẹl 14:30

Etiyin ọ da ta kẹ idibo rọye, Nighere, udju ri Joab kerẹ ọmẹ ọ je kọn bali phihọ, wa yanran re phi erhanre phihọ. Etiyin idibo rẹ Absalọm de phi erhanre phihọ.

2 Samuẹl 18:15

Imighene ihwe re ghwa ekuakua rẹ ofovwi ri Joab, da gba riariẹ Absalọm ayen de hwe, o de ghwu.

2 Samuẹl 18:5

Ovie da ta kẹ Joab kugbe Abishai kugbe Ittai nẹ, Ovwan me jomatọ kẹ Absalọm fiki mẹ. Ihwo ejobi de nyo obo rẹ ovie tare kẹ inotu rẹ ofovwi na kpahe Absalọm.

2 Samuẹl 19:1

A da ta kẹ Joab, Nighere, ovie ra viẹ ode rhe muomahọ kẹ Absalọm.

2 Samuẹl 19:11

Ovie Devid de ji ohwo re se Zadọk vẹ Abiata rẹ irherẹn nẹ, Ta ota kẹ ekpako ri Juda, Mavọ okrite rẹ ovwan ke reyọ ovie rhivwi kpo uwevwi rọye, jẹn ovuẹ rẹ Izrẹl ejobi re ovie obọ nure?

ỌBE RẸ JOB 20:5

nẹ aghọghọ rẹ ohwo umwemwu pha krẹkrẹ, nẹ aghọghọ rẹ ohwo rọ riẹn Ọghẹnẹ-ẹ tọ-ọn?

Une rẹ Ejiro 37:35

Me mrẹ oruimwemwu vwẹ evun re ogangan rode re, ọ da rho kpenu kerẹ uloho ri Lẹbanọn.

Une rẹ Ejiro 45:5

Edada wẹn e pha dandan vwẹ evun rẹ udu rẹ ivwighrẹ rẹ ovie, ihwo na ki she vwẹ obotọ wẹn.

Matiu 12:40

Kirobo ri Jona dia evun rẹ eri ẹdẹ erha na, ọtiọye Ọmọ rẹ ohwo cha dia ẹdẹ erha vwẹ evun rẹ otọ.

1 Tẹsalonaika 5:3

Ọke rẹ ihwo vwọ ta nẹ, Ufuoma kugbe ofuvwegbe he rọ, siẹvuọvo na ughwu mi rhi she teye ayen kpregede kerẹ aye rọ chuẹ uvwiẹ, o gbi rhe vwo ohwo rọ cha djẹ vabọ-ọ.

Iguẹdjọ 4:21

Ẹkẹvuọvo Jael aye ri Heber da reyọ ubibẹ rẹ utughẹ na, kugbe ubrogba vwẹ obọ, ọ da bẹbẹ yanran bro o de hwe ubibẹ na phihọ afọnrhe rọye, ọ da ruọ fiotọ, vwọ ọke rẹ oma vwọ ghwọrọ rẹ ovwerhe vwo muo kokodo. Etiyin o de ghwu.

Iguẹdjọ 5:26

O de gbe obọ phihọ ubibẹ rẹ utughẹ ọ da vwẹ obọrhe yọnre umomo, ọ da vwọ teyọ Sisira, ọ da guọghọ uyovwi, ọ da guọghọ re fi afọnrhe.

Iguẹdjọ 5:31

Ọtiọye ivwighrẹn wẹn ejobi guọghọ kufia, E Ọrovwohwo! Ẹkẹvuọvo igbeyan wẹn ejobi dia kerẹ ọnre rọ vacha vwẹ evun rẹ ogangan rọye. Otọ na de vwo omaerovwo ikpe ujuvẹ.