2 Samuẹl 18:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ ''Etiyin Devid da ghwẹ ihwo re vọye gba herọ koko, ọ da vwẹ onotu mu vwẹ enu rẹ uriori kugbe enu rẹ ujori.

2 Samuẹl 18:1 ပူးပေါင်းရင်းမြစ်များ

Ẹyano 17:9

Mosis da ta kẹ Joshua, Jẹ ihwo kẹ avwanre, wa yanran, ra họnre Amalẹk; odẹ rọ cha mi che mudia vwẹ obenu rẹ ugbenu na vẹ ọkpọ rẹ Ọghẹnẹ vwẹ obọ mẹ.

Ẹyano 18:21

Ọ rọmarho wọ me sanọ ihwo re goma vwẹ ohri rẹ ihwo na, ọtiẹ ihwo re djẹ oshọ rẹ Ọghẹnẹ, ihwo ra vwẹ ẹro so rẹ udiẹriọ tuoma, keye wo phihọ enu rẹ ihwo na re dia isun rẹ ihwo na i ri ujori ihwe, e rẹ ujori e rẹ ujuvẹ gbẹ ihwe, vẹ e rẹ ihwe.

Ẹyano 18:25

Mosis da sanọ ihwo re goma nẹ evun rẹ Izrẹl rhe, ọ da vwẹ ayen ru ilori rẹ ihwo na, ilori rẹ ujori ihwe, e rẹ ujori, e rẹ ujuvẹ gbẹ ihwe, e rẹ ihwe.

Ukeri 31:14

Ivun de miovwo Mosis kpahe iruiruo rẹ ofovwi na, isun rẹ uriori kugbe isun rẹ ujori ri nẹ iruo rẹ ofovwi na rhe.

Urhi Rivẹ 20:9

Ọke rẹ ilori na vwọ ta eta kẹ ihwo na ejobi nu, ka vwẹ inotu vwo mu vwẹ enu rẹ ihwo na ejobi.

Joshua 8:10

Joshua de vrẹn vwẹ irhiọke ride ọ da ghwẹ ihwo na koko, ọ da yanran, ọ vẹ ekpako rẹ Izrẹl vwẹ obaro rẹ ihwo rẹ Ai.

1 Samuẹl 22:7

Sọl da ta kẹ idibo rọye ri mudia riariẹ phihọ na nẹ, We nyo, ovwan ihwo ri Bẹnjamin; kẹ ọmọ ri Jesse na sa kẹ ovwan ọvuọvo idju kugbe egba ri vain, kọ je vwẹ ovwan mu inotu rẹ uriori kugbe inotu rẹ ujori,

1 Samuẹl 8:12

kọ vwẹ inotu rẹ uriori mu kugbe inotu rẹ ujuvẹ gbe ihwe, evọ ki voro udju rọye kẹ evo ki rhe vun orhọ rọye kẹ, evo ki duvwu ekuakua rẹ ofovwi rọye kugbe ekuakua rẹ rọye.