2 Samuẹl 17:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Hushai da je kpahọ, Wọ riẹnre nẹ ọsẹ wẹn vẹ ihwo rọye na egba, gangan, yẹ ivun dja ayen kerẹ okpohrokpo re mie ọmọ; ọ rọ vwọ kpahọ, ọsẹ wẹn ọwena rẹ ofovwi gangan; ọ vẹ ihwo na che wo phihọ asan ọvo vwẹ ason na-a.

2 Samuẹl 17:8 ပူးပေါင်းရင်းမြစ်များ

2 Samuẹl 15:18

Idibo rọye ejobi da wan vrẹn; ihwo Chẹrẹt ejobi, kugbe ihwo ri Pẹlẹt, kugbe ihwo ri Git uri erha ri nene Devid nẹ Git rhe, ayen da ka obaro kẹ ovie.

2 Samuẹl 17:9

Ọke ọvo yo si oma na vwẹ ọgọdọ ọvo yẹrẹ asan ọfa. Ọ da dianẹ ihwo na ẹvo sheri vwẹ imu rẹ ẹsosuọ, kohwo kohwo ro nyoro kọ tanẹ, E hwe ihwo ri nene Absalọm buebu.

2 Samuẹl 23:16

Ọye Egba erha na da ra vẹn otuofovwi ri Filistia wan ayen de re vo ame vwẹ orhare ri Bẹtlẹhẹm rọ hẹ oma rẹ anurhoro na, e de vwo rhe Devid. Ẹkẹvuọvo ọ darọ-ọ, o de kuo vwo kẹ Ọrovwohwo;

2 Samuẹl 23:18

Vwẹ ọke nana, Abishai, oniọvo ri Joab, ọmọ ri Zeruiah ọye olori rẹ ihwo ọgban na. Ọ da vwẹ Oshuẹ rọye vwọ họnre ihwo ujori erha, ọ da re odẹ kẹ oma rọye vwẹ ohri rẹ ihwo erha na.

Ivie rẹ Ivẹ 2:24

Ọ de ku oma rhẹriẹ ọke rọ vwọ mrẹ ayen, ọ da vwẹ odẹ rẹ Ọrovwohwo duvwu ayen iyori. Udibo ivẹ de nẹ evun rẹ aghwa rhe ri hwe emeshare ujuvẹ gbẹ ivẹ na.

Isẹ 17:12

Oyoma rẹ ohwo ra vwa edjanakpo re mu ọmọ mie, nọ ọ ra vwa ẹkpa vwẹ evun rẹ ughenghẹn rọye.

Isẹ 28:15

Kirobo rẹ okpohrokpo ro denu eyẹ edjẹnẹkpo rọ djọma epha, eriyin ohwo umwemwu ro suẹn ivwioghere epha.

Izikiẹl 19:2

re wọ ta: Didie okpohrokpo oni wẹn epha vwẹ ohri rẹ ikpohrokpo na! O de fiọnko vwẹ uherevie rẹ emọboba rọye, rọ ghẹrẹ emọ rọye.

Daniẹl 7:5

Gbe nighe, eranvwe ọfa, ọrivẹ rọ pha kerẹ okorhi. A da kpare ẹbẹre ọvo kpenu; ọ vwẹ ibiedada erha vwọ hwa akọ; a da ta kẹ, Vrẹn, re wọ re uvwo buebu.

Hosia 13:8

Mi che pho mu ayen kerẹ edjanakpo re mie emọ, ke me chẹghẹ udu rayen rhie phihọ, kẹ etiyin me da re ayen nu kerẹ okpohrokpo, kirobo rẹ eranvwe rọ djọma chẹghẹ ayen.

Iguẹdjọ 18:25

Ihwo ri Dan na da ta kẹ nẹ, Wo rhe bunu kpahe avwanre-e, ọ da nẹrhẹ otu ri mu ophu rhe họnre owẹ, wo de rhe ku arhọ wẹn kugbe arhọ rẹ uwevwi wẹn kufia.

1 Samuẹl 16:18

Emeghele na ọvo da kpahe, Nighere, me mrẹ ọmọ ri Jesse ohwo ri Bẹtlẹhẹm, rọ riẹn hworo gangan, ọ gba, ohwo rẹ ofovwi, ọ vẹ ọhọ rẹ ota, ohwo vẹ erhuvwu; Ọrovwohwo vẹ ọye herọ.

1 Samuẹl 17:50

Etiyin Devid da vwẹ udọrọkun vẹ ubioragha hwe ohwo ri Filistia na o de phi ohwo ri Filistia na kua, o de hwe ghwu; Ọlọkọ rhe Devid vwẹ obọ-ọ.

1 Samuẹl 23:23

Gba nabọ fuẹrẹ wa vwẹ ẹro te asan rọ vwẹ oma hwa ejobi ro de sioma nẹ ejobi, we rhivwi rhe vẹ omamọ rẹ iyẹnrẹ. Etiyin ki mi nene ovwan ra; ọda hẹ otọ na, ke me guọnọ phia vwẹ asan rẹ ihwo uriori ri Juda epha.