2 Samuẹl 17:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ọke rẹ Ahitofẹl rhe vwọ mrẹ nẹ iroro rọ jẹre e vwi ro ru emu-u, ọ da rhuẹrẹ ekẹtẹkẹtẹ rọye, o de vrẹn o de kpo uwevwi rọye, vwẹ obo orere rọye, ọ da rhuẹrẹ uwevwi rọye phihọ o de churu ghwu, e de sho phihọ ushi rẹ ọsẹ rọye.

2 Samuẹl 17:23 ပူးပေါင်းရင်းမြစ်များ

2 Samuẹl 15:12

Ọke Absalọm vwo ze izobo na, o de ji ohwo re Ahitofẹl ohwo ri Gilọn, obruche ri Devid, phihọ, ihwo ri nene Absalọm ki buẹ phihọ.

2 Samuẹl 15:31

Ohwo ọvo da ta kẹ Devid nẹ, Ahitofẹl ji hẹ usun rẹ ihwo re vẹ Absalọm gba ro ẹro riariẹ owẹ na. Devid da ta, E Ọrovwohwo me rẹ wẹ, rhẹriẹ iroro rẹ Ahitofẹl kpo ugheghẹn.

2 Samuẹl 16:23

Ọke yena iroro rẹ Ahitofẹl jẹre, da họhọ obo rẹ ọboepha rẹ Ọghẹnẹ tare; ọtiọye iroro rẹ Ahitofel jẹ kẹ Devid kugbe Absalọm epha.

2 Samuẹl 17:22

Etiyin Devid de vrẹn, kugbe ihwo ejobi re vọye gba herọ, ayen da wan Jọdan vrẹn; bẹsiẹ rẹ ọke vwo rhie o gbi vwo ohwo ọvuọvo ro chekọ ro ji Jọdan ẹ wanvrẹ-ẹn.

1 Ivie 16:18

Ri Zimri vwọ mrẹ nẹ a reyọ orere na nure, o de kpo uwevwi ohẹrhẹ rẹ ovie, ọ da torhẹ uwevwi rẹ ovie ghene, o de ghwu,

Ivie rẹ Ivẹ 20:1

Vwẹ ọke yena Hẹzikaya kọ họnvwan, ko muegbe rẹ ughwu. Aizaya rẹ ọmraro na ọmọ rẹ Emoz de bro rhe, ọ da ta kẹ, Enẹ Ọrovwohwo tare, Rhuẹrẹ uwevwi wẹn phihọ; kidie wo che ghwu, wo che se vrẹn nẹ ọga na-a.

ỌBE RẸ JOB 31:3

Ọ dianẹ uyovwemiovwo she vwa oruimwemwu, umiovwo ke rhe vwa otu ri ruẹ orukuruku?

Une rẹ Ejiro 109:20

Jẹn Ọnana dia osa rẹ Ọrovwohwo hwa ke otu re vwẹ ovwẹ guẹdjọ, ke otu re ta ota omiomiovwi kpahe arhọ mẹ!

Une rẹ Ejiro 5:10

Gbe jẹ ayen ghwa oghwa rẹ abe rayen, E Ọghẹnẹ, jẹn ayen wan oma rẹ iroro rayen ọvo she, fiki re ogbeku rayen ro buebu na gba djẹ ayen kufia, kidie ayen mu kpahe owẹ.

Une rẹ Ejiro 55:23

Ẹkẹvuọvo wẹ, E Ọghẹnẹ, che phi ayen teye otọ vwo kpo evun re ọgọdọ ro kpotọ ejobi; ihwo re ọbara kugbe e re shẹ ihwo cha sa dia ubro re ẹdẹ raye-en. Ẹkẹvuọvo me vwe ẹro so we.

Isẹ 16:18

Eheri re karo kẹ ẹghwọrọ, oma ephuo me rha karo kẹ eshe.

Isẹ 19:3

Oke rẹ ohwo da vwẹ ughenghẹn rẹ obọ rọye yan chọ nu, kọ mu ophu kpahe Ọrovwohwo.

Aizaya 38:1

Vwẹ ọke yena Hẹzikaya kọ mwọga ko muegbe re ughwu. Aizaya rẹ ọmraro na ọmọ ri Amọz de bro rhe, ọ da ta kẹ, Enẹ Ọrovwohwo tare: Rhuẹrẹ uwevwi wẹn phihọ, kidie wo che ghwu, wọ cha sa rhọ-ọ?

Matiu 27:5

Ọ da kpare igho na phihọ otọ, ọ da yanran re churu ghwu.