2 Samuẹl 17:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Absalọm vẹ ihwo rẹ Izrẹl ejobi da ta, Iroro ri Hushai rẹ Archit ri me yovwi nọ rẹ Ahitofẹl. Kidie Ọrovwohwo ruro rere a vwọ sen iroro esiri rẹ Ahitofẹl jẹre rere Ọrovwohwo mrasan hwa osa rẹ umwemwu rẹ Absalọm kẹ.

2 Samuẹl 17:14 ပူးပေါင်းရင်းမြစ်များ

Jẹnẹsis 32:28

Etiyin ọ da ta, E gbi se odẹ wẹn Jekọp ọfaa, ẹkẹvuọvo kẹ Izrẹl, fikiridie wọ vẹ Ọghẹnẹ kugbe ihwo rẹ akpọ muabọ, yi wo sheri-i.

2 Samuẹl 15:31

Ohwo ọvo da ta kẹ Devid nẹ, Ahitofẹl ji hẹ usun rẹ ihwo re vẹ Absalọm gba ro ẹro riariẹ owẹ na. Devid da ta, E Ọrovwohwo me rẹ wẹ, rhẹriẹ iroro rẹ Ahitofẹl kpo ugheghẹn.

2 Samuẹl 15:34

Ẹkẹvuọvo wo de hirhe kpo obo orere, ra ta kẹ Absalọm nẹ, me dia odibo wẹn, E ovie; kirobo me dia odibo rẹ ọsẹ wẹn jovwo na, etinẹ na ke me je dia odibo wẹn, kọ wọ nẹrhẹ ovwẹ phi iroro rẹ Ahitofẹl kparobọ.

2 Samuẹl 16:23

Ọke yena iroro rẹ Ahitofẹl jẹre, da họhọ obo rẹ ọboepha rẹ Ọghẹnẹ tare; ọtiọye iroro rẹ Ahitofel jẹ kẹ Devid kugbe Absalọm epha.

2 Ikun rẹ Ivie 10:15

Ọtiọye na ovie na gbe kerhọn rẹ ihwo na-a; fikiridie ọye obo rẹ Ọghẹnẹ ruru nẹ Ọrovwohwo ru ota rọye gba, ro wan unu rẹ Ahijah ri Shilo ta kpahe Jeroboam ọmọ ri Nebat.

2 Ikun rẹ Ivie 10:8

Ẹkẹvuọvo ọ da sen uchebro rẹ ekpako na vwọ kẹ, o de re nene imighene na jẹ iroro ihwo re vẹ ọye gba hẹ otu re yan nene na.

2 Ikun rẹ Ivie 25:16

Ẹkẹvuọvo rọ ghwa vwọ ta ota na ovie na da ta kẹ, Avwanre vwẹ owẹ ru oboiroro rẹ ovie? Fotovwi! Die nẹrhẹ a teye owẹ hwe? Etiyin ọmraro na de fotovwi, ẹkẹvuọvo ọ da ta, Me riẹnre nẹ Ọghẹnẹ jẹ iroro rọ vwọ ghwọrọ owẹ, fikiridie wo ru ọnana wọ rha kerhọn rẹ uchebro mẹ-ẹ.

2 Ikun rẹ Ivie 25:20

Ẹkẹvuọvo Amazaya da vwerhọ-ọn; kidie obọ rẹ Ọghẹnẹ o nurhe, rere o vwo phi ayen phihọ obọ rẹ ivwighrẹ rayen, kidie ẹdjọ rẹ Idọm kọye ayen bru ra re duotọ rẹ oma.

Nehemaya 4:15

Ọke rẹ ivwighre rẹ avwanre vwọ riẹn nẹ avwanre riẹnre nẹ Ọghẹnẹ gbẹ ozighi phihọ iroro rayen, avwanre ejobi de rhivwi kpo obo igbẹhẹ na, dohwo dako rẹ iruo rọye.

ỌBE RẸ JOB 12:17

O suẹn ọbuiroro yanran ẹbẹba, Ibrorhiẹ na o mi rhe ru ayen phihọ ẹkpa.

Une rẹ Ejiro 9:15

Ẹgborho na she phihọ ukpotọ rẹ ayen ọvo tọnre na; vwẹ ariri rẹ ayen ọvo sinu awọ rẹ obọ rayen da rhoma muo

Une rẹ Ejiro 9:16

Ọrovwohwo na ru oma rọye ne a riẹn ọye, ọye ri brorhiẹ; orumiwemwu mu ufi re iruo re obọ rayen.

Ẹyano 9:16

Ẹkẹvuọvo fiki rẹ ọnana me vwọ yan ju we vwo vwẹ akpọ, rere e vwo dje ogangan mẹ kẹ wẹ, rere a vwẹ odẹ mẹ phia vwẹ akpọ na ejobi.

Isẹ 19:21

Iroro buebu re dia udu rẹ ohwo, ẹkẹvuọvo ọ rẹ Ọrovwohwo guọnọre ri se muẹdia.

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Aizaya 8:10

Wa jẹ iroro kugbe, ẹkẹvuọvo o che vwo otọ-ọ ta ota ọvo ẹkẹvuọvo o che mudia-a, kidie Ọghẹnẹ vẹ avwanre herọ.

Uvwerhe 3:37

Ono ri ji urhi o de ghine ruo gba, jokpa nẹ Ọrovwohwo vwi ro mu.

Emọs 9:3

Owenẹ ayen sioma nu vwẹ enu rẹ ugbenu ri Kaniẹh Me je guọnọ ayen phia, owenẹ ayen sioma nu vwẹ obọtọ rẹ abadi, ki mi ji jẹ ọrọdekọ ra rhovwo ayen.

Iyẹnrẹ Esiri ri Luk 16:8

Onini na de jiri odibo umwemwu na fiki rẹ aghwanre rọye; kidie emọ rẹ akpọ nana vwẹ evun rẹ uvwiẹ rayen ghwanre nọ emọ rẹ urhukpẹ na.

1 Kọrẹnt 3:19

Kidie aghwanre rẹ akpọ nana hẹ ẹkpa vwẹ obọ rẹ Ọghẹnẹ. Kidie e siro, O muẹ ọvwaghwanre vwẹ evun rẹ aghwanre rọye,

Urhi Rivẹ 2:30

Ẹkẹvuọvo Sihọn ovie ri Hẹshbọn rhọvwere nẹ avwanre wan vrẹ-ẹn kidie Ọrovwohwo Ọghẹnẹ wẹn na ru udu rọye gangan, o de ji ru erhi rọye gan, rere Ọ vwọ mrasan phio phihọ obọ wẹn ọtiobo rọ epha nonẹ na.

Joshua 11:20

Kidie ọnana irueru rẹ Ọrovwohwo rere o ru udu rayen gan re ayen kpare ofovwi bru ihwo rẹ Izrẹl, rere a vwọ mrẹ asan vwọ ghwọrọ ayen kakare, aro rẹ ayen gbe dọ ohwo-o ẹkẹvuọvo ke hwerhe ayen nẹ otọ na kakare, kirobo rẹ Ọrovwohwo ji urhi kẹ Mosis.