2 Samuẹl 17:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ẹkẹvuọvo iroro re me jẹre kọ na, jẹn Izrẹl ejobi wo koko kẹ wẹ nẹ Dan re te Bẹẹrsheba, kerẹ ehavwo rọ hẹ oma rẹ urhie vwẹ ebuo; ekpuyovwi wẹn ji kpo ofovwi na rhe.

2 Samuẹl 17:11 ပူးပေါင်းရင်းမြစ်များ

Jẹnẹsis 13:16

Mi ru uvwiẹ wẹn bu kiri ibiekpẹn rẹ otọ na, kọye ohwo de se kere ibiekpẹn rẹ otọ na, ko ji se kere uvwiẹ wẹn.

Jẹnẹsis 21:14

Kọye Ebraham de vrẹn vwẹ irhiọke ride, ọ da reyọ ikara vẹ ophiẹn rẹ ame, ọ da vwọ kẹ Hagar, ọ da vwọ ya igabọ, kugbe ọmọ na, o de ji ayen yanran. O de vrẹn yanran ko di muẹ yan vwẹ aghwa ri Bẹẹrsheba.

Jẹnẹsis 22:17

Ki mi bruphihọ kẹ wẹ, ki mi ru uvwiẹ wẹn buphihọ kiri isio rẹ obo odjuvwu kiri ibiekpẹn re orhoma rẹ urhie. Uvwiẹ wẹn ke cha vwẹ anurhoro rẹ ivwighrẹ rayen riuku,

2 Samuẹl 12:28

Asakiephana; gba ghwẹ ihwo ri chekọ koko wọ họnre orho na wọ reyọ: me da rhe họnre orho na a da vwẹ odẹ mẹ se.

2 Samuẹl 24:2

Etiyin Ovie da ta kẹ Joab vẹ inotu rẹ ofovwi rọye, re vọye gba herọ, yan nene orua rẹ Izrẹl ejobi, nẹ Dan re te Beersheba we kere ihwo na, rere me riẹn uche ihwo re herọ.

2 Samuẹl 3:10

ne wene uvie rẹ uwevwi ri Sọl, ra vwẹ uvie ri Devid mu vwẹ Izrẹl vi Juda, ni Dan re te Biẹshẹba.

1 Ivie 20:10

Bẹnhadad de jo bro ra ọ da ta, Ẹdjọ na ru ọtiọye kẹ vwẹ, ọ tobọ no ọtiọye rhe, ọ da dianẹ iwurhie ri Sameria sa vọn ẹkuobọ rẹ ihwo ri che nene uvwe rhe.

1 Ivie 4:20

Juda vẹ Izrẹl epha buebu kerẹ ibiekpẹn re hẹ oma rẹ urhie; ayen ria ayen, ayen je da, oma ghwa vwerhe ayen.

Une rẹ Ejiro 9:16

Ọrovwohwo na ru oma rọye ne a riẹn ọye, ọye ri brorhiẹ; orumiwemwu mu ufi re iruo re obọ rayen.

Joshua 11:4

Ayen da yan phia, vẹ unuofovwi rayen ejobi, urogho rode na, buebu kerẹ ehavwo rọ oma rẹ urhie, vẹ iyesi buebu kugbe idjighere rẹ ofovwi.

Iguẹdjọ 20:1

Etiyin ihwo rẹ Izrẹl ejobi de vrẹn nẹ obi Dan rhe Bẹẹrshẹba, kugbe otọ ri Giliad, ogbotu na de rhi koko kerẹ ohwo ọvo ayen de bru Ọrovwohwo rhe vwi Mizpa.

1 Samuẹl 13:5

Ihwo ri Filistia da rhe ghwẹ koko rhe họnre Izrẹl, akpẹrẹ uriori ọgban, ihwo re gua iyesi uriori esan, unuofovwi kerẹ ekpẹn rẹ oma rẹ urhie gbidiki; ayen da rhe rhi mu erhọn vwi Mikmash, vwẹ abọ rọ obaro ọnre vwi Bẹtavẹn.

1 Samuẹl 3:20

Izrẹl ejobi nẹ Dan re te Beer-sheba da riẹn Samuẹl nẹ orherẹn rẹ Ọrovwohwo vwo mu.