2 Samuẹl 16:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọrovwohwo rhe re ihri rẹ ọbara rẹ uwevwi ri Sọl vwẹ obọ wẹn, ohwo re wọ re uvie vwẹ adia rọye na; Ọrovwohwo vwẹ uvie wẹn vwọ hẹ obọ rẹ ọmọ wẹn Absalọm. Nighere, oghwọrọ wọ epha na, wẹ ohwo rẹ ọbara na.

2 Samuẹl 16:8 ပူးပေါင်းရင်းမြစ်များ

2 Samuẹl 1:16

Devid da ta kẹ, Ọbara wẹn dia enu rẹ uyovwi wẹn; kidie unu wẹn ọvo se oseri hwe we, wọ vwọ tanẹ mi hwe ohwo rẹ Ọrovwohwo vwo ru ovie.

2 Samuẹl 19:19

Etiyin ọ da ta kẹ ovie, Ẹjo ọrovwovwe brorhiẹ hwe vwe-e, yẹrẹ karophihọ obo re chọre rẹ odibo wẹn ruru vwẹ ẹdẹ rẹ ọrovwovwe vwo nẹ Jerusalẹm rhe-e; e jẹn ọrovwovwe ovie karophihọ-ọ.

2 Samuẹl 19:21

Abishai rẹ ọmọ ri Zeruiah da kpahe, E gbi hwe Shimẹi vwi fiki rẹ ọnana, kidie ọ harhe ohwo rẹ Ọrovwohwo vwo mu?

2 Samuẹl 21:1

Etiyin owẹvwe de rhi fi vwẹ ọke ri Devid vwẹ ẹgbukpe erha, nẹ ukpe ra ro ukpe; Devid da guọnọ Ọrovwohwo mrẹ. Ọrovwohwo da ta, Abe rẹ ọbara ọ hẹ enu rẹ Sọl vẹ evwruwevwi rọye, kidie o hwe ihwo ri Gibiọn.

2 Samuẹl 21:9

O de phi ayen phihọ obọ rẹ ihwo ri Gibiọn ayen de churu ayen si vwẹ enu rẹ ugbenu vwẹ obaro rẹ Ọrovwohwo, ayen ighwrẹ na de ghwu siẹvo. Edẹ rẹ ẹsosuọ re vwo vuẹ orhọ ọye e vwo hwe ayen vwẹ ẹtuọhọ rẹ orhọ ri bali.

1 Ivie 2:8

Shemei ọmọ ri Gera, ohwo ri Bẹnjamin ro nẹ Bahurim rhe, vẹ owẹ je hẹ etiyin rhe, ọ harhe ovwẹ brabra ri mi vwo kpo Mahanaim; ẹkẹvuọvo rọ rhe vwọ vwa vwẹ vwi Jọdan, me da vwẹ odẹ rẹ Ọrovwohwo duvwu iyori kẹ nẹ, Me cha vwẹ ọlọkọ nyavwe owẹ hwe-e.

Une rẹ Ejiro 3:2

buebu ra ta kpahe ovwẹ nẹ, ọchuko ọvuọvo herọ kẹ vwe obọ rẹ Ọghẹnẹ-ẹ.

Une rẹ Ejiro 4:2

E ihwo, mavọ ọ krite rẹ ọghọ mẹ vwọ re oja rẹ omaẹvuọ? Mavọ wọ guọnọ eta ifefe krite ru wo de nenesi rẹ efian?

Une rẹ Ejiro 55:3

Edo rẹ ọvweghrẹ kpare ovwẹ nẹ ẹdia, fiki rẹ oshenyẹ rẹ ihwo umwemwu. Kidie ayen vwẹ okpetu so vwẹ, vwe evun rẹ ophu rayen kẹ ayen de vwẹ eghrẹ vi vwe.

Une rẹ Ejiro 7:4

ọ da dianẹ me hwa osa rẹ umwemwu kẹ ọrivẹ mẹ mi de gborho ọvweghrẹ mẹ ekueku,

Isẹ 26:2

Kirobo rẹ ọmọphran Ọghẹnẹ rue vwẹ ọke rọ da kua kpo asan ọfa ye, kugbe obo rẹ ọkan ruẹ vwẹ ọke rọ da rha ye eriyin ekan ẹharhọ ro vwo otọ-ọ se she amu-u.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!

Iguẹdjọ 9:24

rere umwemwu ro ru kpahe emeshare ujorha gbe ihwe ri Jerubbaal kugbe rere a reihri rẹ ọbara rọye vwẹ uyovwi rẹ Abimẹlẹk rẹ ọmọsẹ rayen, ro hwe ayen, kugbe uyovwi rẹ ihwo ri Shikẹm, ri phi ogangan phihọ abọ rọye ro vwo hwe emesẹ rọye.