2 Samuẹl 16:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Etiyin Shimei da ta jo duvwu iyori nẹ, Yanran, Yanran, wẹ ohwo rọ vọnre vẹ ọbara na, wẹ orharhe rẹ ohwo na.

2 Samuẹl 16:7 ပူးပေါင်းရင်းမြစ်များ

2 Samuẹl 12:9

Die wọ vwọ jẹ ota rẹ Ọrovwohwo fia, ri wo ru emu ọbrabra nana vwẹ obaro rọye? Wọ vwẹ oda hwe Uraya rẹ ohwo ri Hẹt, wọ da reyọ aye rọye vwọ rọvwọ, wọ da vwẹ ọlọkọ rẹ ihwo ri Ammọn vwo hwe.

2 Samuẹl 16:6

Ọ da vwẹ ikpokpo vwo phi Devid, ọ da je kua ikpokpo vwo phi idibo rẹ ovie Devid; te ihwo na ejobi kugbe ihwo na ejobi ri vwo ẹgba na da hẹ obọrhe vẹ obọhwẹre rọye.

2 Samuẹl 19:21

Abishai rẹ ọmọ ri Zeruiah da kpahe, E gbi hwe Shimẹi vwi fiki rẹ ọnana, kidie ọ harhe ohwo rẹ Ọrovwohwo vwo mu?

2 Samuẹl 20:1

Asakiephana orharhe rẹ ohwo ọvo da herọ, re se Sheba, ọmọ Bichri ohwo ri Bẹnjamin; o de hworo owanre ọ da ta, Avwanre vwo ẹkẹ vwi Devidi-i, avwanre vwo uku vwẹ ọmọ ri Jesse-e; dohwo dutughẹ rọye ra, E Izrẹl.

2 Samuẹl 3:37

Fiki rẹ ihwo na ejobi kugbe Izrẹl ejobi da riẹn vwẹ ẹdẹ yena, nẹ ọ dia ovie ri hwe Abner rẹ ọmọ ri Nẹr.

1 Ivie 21:10

wa vwẹ erharhe rẹ ihwo ivẹ hirhe aro kuo, re ayen vwẹ urhi muo, tanẹ, Wọ harhe Ọghẹnẹ kugbe ovie. Etiyin ku we sio rhe otafe, re phio hwe.

1 Ivie 21:13

Erharhe rẹ ihwo ivẹ na da rhe rhi hirhe aro kuo; erharhe rẹ ihwo ivẹ na da vwẹ urhi mu Nabọt, vwẹ irharo rẹ ihwo na, tanẹ, Nabọt harhe Ọghẹnẹ kugbe ovie. Ọtiọye na ayen de sionẹ orere na, ayen da vwẹ ibieragba phio hwe.

Une rẹ Ejiro 3:2

buebu ra ta kpahe ovwẹ nẹ, ọchuko ọvuọvo herọ kẹ vwe obọ rẹ Ọghẹnẹ-ẹ.

Une rẹ Ejiro 5:6

Wọ guọghọ otu re vwọrọn efian ejobi; Ọrovwohwo tuoma rẹ otu re vọnre vẹ ọbara kugbe ephiẹn ihwo.

Une rẹ Ejiro 51:14

Sivwi vwe nẹ abe re ọbara, E Ọghẹnẹ, wẹ Ọghẹnẹ re esivwo mẹ, ẹrenvwe mẹ ko so ine re esivwo wẹn phia.

Une rẹ Ejiro 55:3

Edo rẹ ọvweghrẹ kpare ovwẹ nẹ ẹdia, fiki rẹ oshenyẹ rẹ ihwo umwemwu. Kidie ayen vwẹ okpetu so vwẹ, vwe evun rẹ ophu rayen kẹ ayen de vwẹ eghrẹ vi vwe.

Une rẹ Ejiro 55:4

Udu mẹ kọ de dja vwẹ heri heri vwẹ evun mẹ, oshọ rẹ ughwu rhi she kpahe ovwẹ.

Urhi Rivẹ 13:13

Erharhe rẹ ihwo evo yan nẹ uherevie wẹn, rẹ ayen de si ihwo evo yan nẹ uherevie wẹn re ayen de si ihwo rẹ orere na nene oma, re da ta kẹ ayen, nẹ, Jẹn avwanre yanran ra ga ẹdjọ, e rẹ ovwan riẹnre-e;

1 Samuẹl 2:12

Asakiephana emọ rẹ Eli kẹ erharhe rẹ ihwo; ayen se Ọrovwohwo gbe emu-u.

1 Samuẹl 25:17

Asakiephana gbe riẹn ọnana re wo roro obo wo ru; kidie a rọ jẹ iroro umwemwu kpahe onini rẹ avwanre vẹ uwevwi rọye, yẹ oka rẹ ohwo ọvo ọtiọye rọ guọnọ nẹ ohwo ta ota kẹ ọye-e.