2 Samuẹl 16:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Etiyin ayen da tan utughe phihọ obenu rẹ uwevwi kẹ Absalọm; Absalọm de bru ẹsen rẹ ọsẹ rọye kpo ovwerhẹ vwẹ irharo rẹ Izrẹl ejobi.

2 Samuẹl 16:22 ပူးပေါင်းရင်းမြစ်များ

Jẹnẹsis 35:22

Rẹ ayen vwọ otọ na re Rubẹn de nene Bilhah rẹ aye rẹ ọsẹ rọye mroma; Izrẹl de nyo. Emeshare rẹ Jekọp da dia ihwivẹ.

2 Samuẹl 11:2

Emu ọvo da rhe phia vwẹ oghẹruvo ọvo, ri Devid vwo vrẹn nẹ ehwa rọye kọ vwẹ enu rẹ uwevwi rọye, ọ da dia obenu rẹ uwevwi na kparo mrẹ aye ọvo rọ họ; aye na yovwiri gangan.

2 Samuẹl 15:16

Etiyin ovie da ro otafe, evwruwevwi rọye ejobi vwọ kpahọ ovie da yan jẹn eya ẹsen rọye ihwe vwo nẹ e sẹro rẹ uwevwi.

2 Samuẹl 20:3

Devid de rhi te uwevwi rọye vwi Jerusalẹm; ọye ovie da reyọ ẹsen ihwe na rọ yan jovwo ne vwẹ ẹro te uwevwi rọye; o de phi ayen phihọ uwevwi ọ da vwẹ ohwo rhẹrẹ ayen, jọ kẹ ayen emu ria, ẹkẹvuọvo o gbi bru ayen kpo ovwerhẹ-ẹ. Ọtiọye ọ kare ẹchẹ gbe ayen rhiri kerẹ eyauku re te ẹdẹ ughwu rayen.

Aizaya 3:9

Ẹbẹbẹrọvo rẹ ayen nẹ na ko se oseri hwe ayen; ayen ghwoghwo umwemwu rayen kerẹ Sodọm, ayen sionẹ-ẹ. Ekan kẹ ayen! Fikiridie ayen ọvo so okpetu nana kẹ oma rayen.

Jerimaya 3:3

Ọtiọye na a vwo da eghwẹghwẹ rẹ osio na ji yẹ osio rẹ owanre je rhọ-ọ, yu wo vwo oka rẹ ọfarhiẹ vwẹ arhare oma sa vo ovwa-an.

Jerimaya 8:12

Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.

Izikiẹl 24:7

Kidie ọbara ro sun te otọ na ọ je hẹ uherevie rọye; o phiro phihọ enu rẹ oragha rọ pha phrẹphrẹphrẹ na, o kuro phihọ otọ rọ da vwẹ iwurhie rhurho.

Ukeri 25:6

Nighere, ohwo rẹ Izrẹl ọvo da rhe ọ da reyọ aye rẹ ohwo ri Midian rhe ekru rọye, vwẹ irharo ri Mosis kugbe irharo rẹ ukoko rẹ ihwo rẹ Izrẹl na ejobi, vwẹ ọke rẹ ayen vwo viẹ vwẹ asan anurhoro rẹ utughẹ ra da vwa oma na.

Filipae 3:19

Oba rayen kẹ ẹghwọrọ, ẹdjọ rẹ ayen gọ kẹ evun, omaẹvuọ rayen kọye ayen vwọ yan eyan, vẹ iroro rẹ ayen vwọ kpahe emu rẹ akpọ na.