2 Samuẹl 16:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ahitofẹl da ta kẹ Absalọm, Bru ẹsen rẹ ọsẹ wẹn kpo ovwerhe rọ yan jovwo nẹ e sẹro rẹ uwevwi, rere Izrẹl ejobi vwọ riẹn nẹ wọ ru ọsẹ wẹn oma; rere obọ rẹ ihwo ejobi re vo wẹ gba herọ na vwọ gan.

2 Samuẹl 16:21 ပူးပေါင်းရင်းမြစ်များ

Jẹnẹsis 34:30

Etiyin Jekọp da ta kẹ Simiọn vẹ Livae nẹ, Ovwan so okpetu kẹ vwẹ nure, odẹ mẹ ko che gbo hwe ihwo rẹ otọ na, ihwo ri Kenan kugbe Pẹriz, mi buru rẹ, ayen de se otu rhe họnre ovwẹ, kẹ ayen ghwọrọ ovwẹ, te omẹvwẹ te uwevwi mẹ.

Jẹnẹsis 35:22

Rẹ ayen vwọ otọ na re Rubẹn de nene Bilhah rẹ aye rẹ ọsẹ rọye mroma; Izrẹl de nyo. Emeshare rẹ Jekọp da dia ihwivẹ.

Jẹnẹsis 38:16

Ọ da yanran bro kpo abọ rivẹ rẹ idjerhe na, ọ da ta kẹ, Yanrhe re Me vowẹ ruemu, kidie ọ rha riẹn nẹ aye rẹ ọmọ rọye-e. Ọ da ta, kidie wọ vwọ kẹ vwẹ, ri wo ki nene uvwe ruemu?

Jẹnẹsis 6:4

Yi Nẹfilim evun rẹ akpọ vwẹ ọke yena, kọye vwẹ ukuko rọye re, rẹ emọ rẹ Ọghẹnẹ vwo bru emetẹ rẹ ihwo rẹ akpọ rhire, i de vwiẹ emọ kẹ ayen. Enana kẹ eye egba rẹ awanre, ri kperi usi.

2 Samuẹl 10:6

Rẹ ihwo rẹ Ammọn rhe vwọ riẹn nẹ ayen gbo hwe Devid, ihwo rẹ Ammọn de re durhie ihwo ri Siria ri Bẹtrehọb, kugbe Siria ri Zobah, isodje uriori uje re vwẹ owọ yan, kugbe ovie ri Maakah vẹ ihwo uriori kugbe ihwo ri Tọb, uriori ihwivẹ.

2 Samuẹl 12:11

Enẹ Ọrovwohwo tare, Nighere, Ke Me kpare umwemwu vwọ so wẹ vwẹ uwevwi rẹ obọ wẹn na; ke Me reyọ eya wẹn vwẹ irharo wẹn na, ke Me vwẹ ayen vwọ kẹ ọrivẹ wẹn, kọ vayen sherhẹ vwẹ oghẹruvo koko na.

2 Samuẹl 13:5

Jonadab da ta kẹ, Sherhẹ ehwa wẹn, wo mi ru kerẹ ohwo rọ mwọga; ọke rẹ ọsẹ wẹn da rhe mrẹ wẹn, wọ me ta kẹ, biko jẹn ọmọsẹ mẹ rẹ ọmọtẹ Tama rhe, rọ kẹ vwẹ emu re, ro chere emu na vwẹ irharo mẹ, re me mrẹ, re me riọ vwẹ obọ rọye.

2 Samuẹl 15:16

Etiyin ovie da ro otafe, evwruwevwi rọye ejobi vwọ kpahọ ovie da yan jẹn eya ẹsen rọye ihwe vwo nẹ e sẹro rẹ uwevwi.

2 Samuẹl 16:20

Etiyin Absalọm da ta kẹ Ahitofẹl, Jẹn iroro wẹn rhe. Kẹ ọrhọ avwanre ru?

2 Samuẹl 17:7

Etiyin Hushai da ta kẹ Absalọm, Vwẹ ọke nana iroro rẹ Ahitofẹl jẹre ghwe yovwi te-e.

2 Samuẹl 2:7

Fiki rẹ ọtiọye gbe jẹn abọ rẹ ovwan gan, we yivwaro, kidie ọrovwovwan Sọl o ghwu nure, uwevwi ri Juda vwo vwẹ mu ovie kẹ ayen.

2 Samuẹl 20:3

Devid de rhi te uwevwi rọye vwi Jerusalẹm; ọye ovie da reyọ ẹsen ihwe na rọ yan jovwo ne vwẹ ẹro te uwevwi rọye; o de phi ayen phihọ uwevwi ọ da vwẹ ohwo rhẹrẹ ayen, jọ kẹ ayen emu ria, ẹkẹvuọvo o gbi bru ayen kpo ovwerhẹ-ẹ. Ọtiọye ọ kare ẹchẹ gbe ayen rhiri kerẹ eyauku re te ẹdẹ ughwu rayen.

1 Ivie 11:25

Ọ da dia ukọn rẹ Izrẹl vwẹ ẹdẹ ri Solomọn ejobi, ro ruẹ emu rẹ ogbarogba kirobo ri Hadad ruru; o de tuoma rẹ Izrẹl, ọ da re vwi Siria.

1 Ivie 2:17

ọ da ta, Me rẹ wẹ ta kẹ ovie Solomọn, ọ cha sen kẹ wẹ-ẹ–-rọ vwẹ Abishag rẹ ohwo ri Shunẹm na kẹ vwẹ vwọ rọvwọ.

1 Ivie 2:22

Ovie Solomọn da kpahe kẹ oni rọye, Die wọ vwọ nọ ekpẹn rẹ Abishag ohwo ri Shunẹm na vwọ kẹ Adonija? Gba je nọ ekpẹn rẹ uvie na vwọ kẹ; kidie ọye ọmọsẹ mẹ rẹ okpako Abiata rẹ orherẹn na vẹ ọye hẹ obọ kugbe Joab rẹ ọmọ ri Zẹruya.

Livitikọs 18:8

Wọ ra mrẹ ẹban rẹ aye rẹ Ọsẹ wẹ-ẹn; kidie ọye ẹban rẹ ọsẹ wẹn.

Livitikọs 20:11

Ọshare ro du aye rẹ Ọsẹ rọye, yọ mrẹ ẹban rẹ Ọsẹ rọye; ke hwe ọ ve aye na, ọbara rayen kọ dia uyovwi rayen.

Zekaraya 8:13

Kirobo wọ vwọ dia ehwẹjẹ vwe ohri rẹ ẹgborho na, E uwevwi ri Juda vẹ uwevwi rẹ Izrẹl, eriyin mi che sivwi uwe ku wọ dia ebruba. Wọ djẹ oshọ-ọ, ẹkẹvuọvo jẹn abọ wẹn gan.

1 Kọrẹnt 5:1

A rhe vuẹ vwẹ dẹn nẹ ọfanrhiẹ hẹ ohri rẹ ovwan, ọtiẹ oghẹre rẹ ọfanrhiẹ ra je mrẹ vwẹ ohri rẹ egedjọ dẹvo-o; rẹ ohwo vẹ aye rẹ ọsẹ rọye da vwerhẹ.

1 Samuẹl 13:4

Izrẹl ejobi de nyo nẹ Sọl djẹ unuofovwi rẹ ihwo ri Filistia. Izrẹl de rhi tu ihwo ri Filistia oma. E de se ihwo na rhe re vwọ ba Sọl vwi Gilgal.

1 Samuẹl 27:12

Akish da vwẹ ẹroso Devid, o de roro nẹ, ọ gbe oma rọye ku tughu tughu kẹ ihwo rọye Izrẹl; fiki rẹ ọtiọye na kọ cha dia odibo mẹ bẹdẹ.