2 Samuẹl 16:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọke ri Hushai rẹ ohwo rẹ Archit ugbeyan ri Devid vwo bru Absalọm rhe, Hushai da ta kẹ Absalọm, Ovie, wọ tọn, ovie, wọ tọn;

2 Samuẹl 16:16 ပူးပေါင်းရင်းမြစ်များ

2 Samuẹl 15:32

Ọke ri Devid rhi vwo te enu rẹ ugbenu na, asan ra da ga Ọghẹnẹ na, nighere, Hushai rẹ ohwo rẹ Archit da rhe vwa Devid vẹ ẹwun rọye rọ bẹre vẹ ekpẹn vwẹ uyovwi rọye.

2 Samuẹl 15:34

Ẹkẹvuọvo wo de hirhe kpo obo orere, ra ta kẹ Absalọm nẹ, me dia odibo wẹn, E ovie; kirobo me dia odibo rẹ ọsẹ wẹn jovwo na, etinẹ na ke me je dia odibo wẹn, kọ wọ nẹrhẹ ovwẹ phi iroro rẹ Ahitofẹl kparobọ.

2 Samuẹl 15:37

Etiọye Hushai rẹ ugbeyan ri Devid da yanran kpo obo orere rẹ Absalọm ghwa vwo ro Jerusalẹm na.

1 Ivie 1:25

Kidie nonẹ na ọ yanran, ọ da vwẹ erhuẹn ọshare, eranvwe vẹ ivwri, igodẹ buebu vwo ze izobo, ode se emọ rẹ ovie ejobi, Joab rẹ onotu rẹ ofovwi, kugbe Abiata rẹ orherẹn na; nighe ayen ra ria ayen ra da vwẹ obaro rọye, tanẹ, E jẹn Adonija Ovie tọn.

1 Ivie 1:34

re we jẹn Zadọk orherẹn na kugbe Netan rẹ ọmraro na vwẹ evwri gbworo rọ dia ovie vwẹ Izrẹl; re we hworo owanre, tanẹ, Ẹ jẹn Ovie Solomọn tọn bẹdẹ.

1 Ivie 4:5

Azaraya ọmọ ri Natan kọye hẹ enu rẹ iruiruo; Zabud ọmọ ri Natan kẹ orherẹn kugbe ugbeyan rẹ ovie;

Ivie rẹ Ivẹ 11:12

Ọ da vwẹ ọmọ rẹ ovie na phia, ọ da vwẹ erhu rẹ ovie tughẹ, ọ da vwẹ ọbe rẹ irhi na kẹ; ayen de ghwoghwo nẹ ọye ovie, a da vwẹ evwri ghworo uyovwi, ayen da teye abọ rayen, ayen da ta, E jẹn ovie tọn.

Daniẹl 2:4

Etiyin ihwo ri Kaldia na da ta kẹ ovie na, E Ovie wọ dia bẹdẹ! Ta evwerhẹ na kẹ idibo wẹn, kẹ avwanre djẹ otọ rọye vwọ kẹ wẹ.

Daniẹl 5:10

Aye rẹ ovie na, da je rhe asan ra da da, da ria vwẹ ọguan rẹ ovie na, fiki rẹ ota rẹ ovie na vẹ ehọnvwọre rọye; etiyin aye rẹ ovie na da ta, E ovie, wọ re bẹdẹ! Wo jẹ iroro wẹn djẹ oshọ mu we-e, yẹrẹ ophioma wẹn kuẹrhẹriẹ-ẹ.

Daniẹl 6:21

Etiyin Daniẹl da ta kẹ ovie na, E ovie, wọ re bẹdẹ.

Daniẹl 6:6

Etiyin itidiaga na vẹ isun na de rhi kuoma gbe bru ovie na ra, ayen da ta kẹ, E Ovie Dariọs, wọ re bẹdẹ.

Matiu 21:9

Usun rẹ ihwo ri nenire vwẹ obaro vẹ obuko, de kuvwie, Hozana kẹ Ọmọ ri Devid; Ebruphihọ kẹ ohwo rọ rhere vwẹ odẹ rẹ Ọrovwohwo; Hozana vwẹ asan ro kpenu.

1 Samuẹl 10:24

Samuẹl da ta kẹ ihwo na ejobi, Ovwan mrẹ ohwo rẹ Ọrovwohwo jẹre? O vwo ọvuọvo rọ họhere vwẹ ohri rẹ ihwo na ejobi-i. Ihwo na ejobi de kperi, E jẹn ovie tọn.