2 Samuẹl 16:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ariẹnre-e Ọrovwohwo me mrẹ ọdjarhe re me epha, Ọrovwohwo da vwẹ ẹroesiri rọye kẹ vwẹ vwẹ oma rẹ iyori ro duvwu vwẹ nonẹ na,

2 Samuẹl 16:12 ပူးပေါင်းရင်းမြစ်များ

2 Samuẹl 16:13

Etiyin Devid vẹ ihwo rọye da ro idjerhe, ji Shimei ra yan hẹ obaro vwẹ oma rẹ ugbenu ro hirhe aro kuo, o duvwu iyori jọ yanran, ọ vwẹ ibieragha phio jọ ghwẹ ekpẹn kuo.

Ivie rẹ Ivẹ 19:4

Siẹvo yẹn Ọrovwohwo Ọghẹnẹ wẹn nyo eta ejobi ri Rabshake, rẹ onini rọye ovie rẹ Asiria ji rhe rhe ta vwọ reyọ Ọghẹnẹ ro vwo arhọ vwọ jehwẹ, kẹ Ọrovwọhwo Ọghẹnẹ wẹn na ọvo cha oja rẹ ota rẹ o nyori na; fiki rẹ ọtiọye na gba nẹ ẹrhovwo kẹ umuku ra yan jovwo na.

Une rẹ Ejiro 10:14

Wọ ghene mrẹ, uyota, wọ ka oka phihọ ukpokpogho kugbe ivuemiovwo rere wọ vwọ mrasan reyọ phihọ obọ wẹn; omiovwuyovwi phi oma rọye phihọ obọ wẹn; wọwẹ ọchuko rẹ ọmọphrorivwi.

Une rẹ Ejiro 109:28

Jẹn ayen harhe ekan, ẹkẹvuọvo wọwẹ ri brephihọ Jẹn ihwo re ghwiẹ vwe hwe mrẹ omaẹvuọ; jẹn odibo wẹn ghọghọ!

Une rẹ Ejiro 132:1

Karohọ, E Ọrovwohwo, evun esiri ri Devid, emu ogangan rọ mrẹre;

Une rẹ Ejiro 25:18

Roro ọdjarhe mẹ vẹ ukpokpogho mẹ, rere wọ vwẹ imwemwu mẹ vwo ghovwo uvwe.

Isẹ 25:22

kidie yi wo koko ẹko erhanre phihọ uyovwi rọye, Ọrovwohwo kọ cha hwa osa kẹ wẹ.

Isẹ 26:2

Kirobo rẹ ọmọphran Ọghẹnẹ rue vwẹ ọke rọ da kua kpo asan ọfa ye, kugbe obo rẹ ọkan ruẹ vwẹ ọke rọ da rha ye eriyin ekan ẹharhọ ro vwo otọ-ọ se she amu-u.

Aizaya 27:7

Kọ ghwiẹ ayen kirobo ro ghwiẹ otu re ghwiẹ ayen na? Eyeẹ ke hwe ayen kirobo re hwe ayen otu ri hwe ayen?

Joẹl 2:14

Kono sa riẹn so se rhivwi rhi kuoma rhẹriẹ rọ da yan jẹn ebruphihọ vwo, izobo rẹ ọka vẹ izobo rẹ udi vwọ kẹ Ọrovwohwo, Ọghẹnẹ wẹn?

Ọbe ri Pọl si rhe Ihwo ri Rom 8:28

Avwanre riẹnre nẹ emu kemu ejobi rẹ ohwo rọ guọnọ Ọghẹnẹ ruru ọ phiọn kẹ, ihwo re seri kirobo rẹ ẹguọnọ rọye epha.

2 Kọrẹnt 4:17

Kidie oma nana rẹ avwanre lagha vwẹ ọmọke na ọ rhuẹrẹ avwanre kpaha hẹrhẹ urinrin ro jeghwo ra sa mrẹ emu vwo dje-e.

Urhi Rivẹ 23:5

Dede na Ọrovwohwo rẹ Ọghẹnẹ wẹn na kerhọ ri Balam na-a; ẹkẹvuọvo Ọrovwohwo rẹ Ọghẹnẹ wẹn na da rhẹriẹ iyori na phihọ ebruphihọ kẹ wẹ, fikiridie Ọrovwohwo rẹ Ọghẹnẹ wẹn na guọnọ owẹ.

Urhi Rivẹ 23:6

Wọ guọnọ ufuoma eyẹ oyovwe rayen bẹdẹ wo vwo ghwu-u.

2 Tẹsalonaika 1:7

rere ọ rha vwẹ omaerovwo kẹ avwanre vẹ ovwan re hẹ ukpokpogho na, vwẹ ọke ra da cha vwẹ Ọrovwohwo Jesu vẹ emakashe rọye ride na re la kerẹ ẹkuerhanre phia nẹ odjuvwu rhe,

Hibru 12:10

Kidie ọmọke krẹ ọye ọsẹ rẹ aruakpọ na ghwọ kuẹ avwanre kirobo ro jere, ẹkẹvuọvo fiki rẹ erhuvwu rẹ avwanre ọye o vwọ ghwọ, rere avwanre vwọ fon kerẹ okpuyovwi rọye.

1 Samuẹl 1:11

Etiyin o de ve ive ọ da ta, E Ọrovwohwo rẹ otuofovwi, wo de ghine ni oma ẹlaghọ rẹ odibo wẹn rẹ wọ da karohọ ovwẹ odibo wẹn rẹ ọmọtẹ rha chọrọ owẹ ẹro-o, ẹkẹvuọvo wọ da kẹ odibo wẹn rẹ ọmọtẹ ọmọ, ke me vwọ kẹ Ọrovwohwo vwẹ ẹdẹ rẹ akpọ rọye ejobi, anre rhe te uyovwi rọye-e.