2 Samuẹl 16:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ẹkẹvuọvo ovie da ta, Die me vẹ owẹ gbe ru ovwan emọ ri Zeruiah? Ọ da dianẹ o duvwu iyori jo duvwu kidie Ọrovwohwo re ta kẹ nẹ, Harhe Devid, kono re ta kẹ nẹ, Die wo vwo ru ọtiọye?

2 Samuẹl 16:10 ပူးပေါင်းရင်းမြစ်များ

Jẹnẹsis 50:20

Vwọ kẹ ovwan, umwemwu we ru kpahe ovwẹ, ẹkẹvuọvo Ọghẹnẹ da rhẹriẹ umwemwu na vwọ erhuvwu kẹ vwẹ, o ruro rhe rere ihwo buebu vwọ rhọ, kirobo rọ epha nonẹ na.

2 Samuẹl 19:22

Ẹkẹvuọvo Devid da ta, Die Me vẹ ovwan gbi ru ovwan emọ ri Zeruiah rẹ ovwan vwọ dia ukọn kẹ vwẹ vwẹ ẹdẹ ri nonẹ? A sa teyọ ohwo hwe vwẹ Izrẹl nonẹ? Kidie me jẹn riẹn nẹ mẹvwẹ ovie rẹ Izrẹl nonẹ-ẹ?

2 Samuẹl 19:23

Ovie da ta kẹ Shimẹi, Wo ghwu-u. Ovie da kpa okpa kẹ.

2 Samuẹl 3:39

Owenẹ a vwẹ ovwẹ mu ovie dede, oma ghwọrọ ovwẹ nonẹ na. Ihwo nana rẹ emọ ri Zeruyah na ganọ kẹ vwẹ. Ọrovwohwo hwosa kẹ ohwo ro ru obo re brare kerẹ ọtiobo rẹ umwemwu rọye epha.

1 Ivie 17:18

ọ da ta kẹ Ilaija, Die wọ mrẹ kpahe ovwẹ, E ohwo rẹ ọfuanfon na? Wọ rhere re a vwọ karophihọ umwemwu mẹ, re e si ughwu hwe ọmọ mẹ.

1 Ivie 2:5

Ọ rọmarho wọ je riẹn obo ri Joab ọmọ ri Zẹruya ru vwe, obo ro ru kẹ inotu rẹ ofovwi rẹ Izrẹl ivẹ, Abna rẹ ọmọ ri Nar, kugbe Amasa rẹ ọmọ ri Jẹtẹr, ro hweri, obo rọ reihri vwẹ ọke rẹ ufuoma ọbara rẹ ihwo re hweri vwẹ ofovwi, ọ da vwe ọbara rẹ eku te umuehu mẹ, kugbe lsabato ri mi ku phihọ awọ.

Ivie rẹ Ivẹ 18:25

Ọ rọ marho, ku wo rori nẹ obuko rẹ Ọrovwohwo me wan rhe etinẹ na rhe vwọ ghwọrọ na? Ọrovwohwo re ta kẹ vwẹ, Yanran ra vwọ so otọ na rere wọ ghwọrọ.

ỌBE RẸ JOB 9:12

Nighe, o frẹ reyọ, kono re sa daji? Kono re cha ta kẹ nẹ, Die wo ruẹ?

Une rẹ Ejiro 39:9

Mi diunu, mi gbi se rhie unu mẹ-ẹ; kidie wọwẹ ri ruro.

Aghwoghwo 8:4

Kidie ota rẹ ovie vọre vẹ ẹgba, kono ta kẹ nẹ, Die wo ruẹ?

Uvwerhe 3:37

Ono ri ji urhi o de ghine ruo gba, jokpa nẹ Ọrovwohwo vwi ro mu.

Daniẹl 4:35

Ihwo re dia akpọ na ejobi e kere ayen kerẹ emu diodi; obo ri jere ọye o ruẹ vwẹ ohri rẹ otu rẹ obo odjuvwu vẹ ohri rẹ ihwo re dia akpọ na; o vwo ohwo ọvuọvo rọ sa da obọ rọye jẹ-ẹ yẹrẹ ta kẹ nẹ, die wọ ruẹ?

Matiu 16:23

Ẹkẹvuọvo o de kuoma rhẹriẹ, ọ da ta kẹ Pita nẹ, Wan nẹ obuko mẹ wẹ Ẹdjọ na; Wẹ oshegberi kẹ vwẹ, kidie wọ guọnọ emu rẹ Ọghẹnẹ-ẹ, ẹkẹvuọvo ọ rẹ ihwo rẹ akpọ.

Matiu 8:29

Rẹ ayen vwọ mrẹ, ayen de kperi ta nẹ, Die avwanre vẹ owẹ gbi ru, wẹ Ọmọ rẹ Ọghẹnẹ? Wọ rhe vwẹ oja re avwanre bẹsiẹ rẹ ọke rẹ avwanre vwo te?

Iyẹnrẹ Esiri ri Jọn 18:11

Jesu da ta kẹ Pita, Dje ọlọkọ wẹn vwọ hẹ ako rọye; Me rha da uko rẹ Ọsẹ mẹ vwọ kẹ vwẹ na?

Ọbe ri Pọl si rhe Ihwo ri Rom 9:20

Ẹkẹvuọvo, kono hẹ owẹ, e ohwo, ru wọ vwọ kpaha kẹ Ọghẹnẹ? Obo ra mare vwo unu rọ vwọ ta kẹ ọ rọ marọ nẹ, Die wọ vwọ ma vwẹ ọtiọna?

1 Pita 2:23

Ọke ra vwọ harhọ, ọ rhoma harhe ohwo-o; ẹkẹvuọvo ọ vwẹ ẹro so ohwo ro brorhiẹ ọsosọ.

1 Samuẹl 26:19

Asakiephana gbe jẹn ọrovwovwe ovie nyo eta rẹ odibo rọye. ọ da dianẹ Ọrovwohwo kọye kpare owẹ vwọ so vwẹ na, e jọ reyọ okẹ; ẹkẹvuọvo ọ da rha dia ihwo rẹ akpọ, e jẹn ekan dia kẹ ayen vwẹ obaro rẹ Ọrovwohwo, kidie nonẹ na ayen djẹ vwẹ ni mi rhe vwo ẹkẹ vwẹ ughwẹ rẹ Ọrovwohwo-o, tanẹ, Yanran ra gọ edjọ efa.