2 Samuẹl 15:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Absalọm me ta kẹ, Mrẹ nẹ eta wẹn yovwiri o mi ji shephihọ; ẹkẹvuọvo o vwo ohwo ro mudia phihọ ẹdia rẹ ovie ro nyo we-e.

2 Samuẹl 15:3 ပူးပေါင်းရင်းမြစ်များ

2 Samuẹl 15:4

Absalọm da ta, ọ rọ marho, E, ọ dianẹ ko mẹvwẹ e vwo ru oguẹdjọ vwẹ otọ na, kohwo kohwo de vwo ẹdjọ yẹrẹ ota vwo rhe vwe, Ki mi vwẹ evuesiri guẹdjọ rọye.

2 Samuẹl 8:15

Devid da re uvie vwẹ enu rẹ Izrẹl ejobi, Devid de guẹdjọ rẹ ọsoso vẹ abavo rẹ ihwo rọye.

Une rẹ Ejiro 12:2

Kohwo kohwo vwọrọn efian kẹ ọrivẹ rọye; avwavwe ebro kugbe ẹrenvwe ivivẹ udu rayen vwọ ta ota.

Ẹyano 20:12

Mu ọghọ kẹ ọsẹ wẹn vẹ oni wẹn, rere ẹdẹ wẹn vwo gro vwẹ otọ rẹ Ọrovwohwo Ọghẹnẹ wẹn vwọ kẹ wẹ na.

Ẹyano 21:17

Ohwo rọ harhe ọsẹ eyẹ oni rọye ka teyọ hwe.

Isẹ 12:2

Ohwo esiri ọye sa mrẹ aroesiri vwẹ obọ rẹ Ọrovwohwo na, ẹkẹvuọvo o brẹhwe ohwo rọ vwẹ evun roro iruimwemwu.

Isẹ 30:11

Ihwo evo herọ re harha esẹ rayen ri jẹ ẹrhovwo ẹnẹ kẹ oni rayen.

Isẹ 30:17

Ẹro rọ vwẹ ọsọmọ jehwẹ rẹ ọjẹfia jo mu ọghọ kẹ oni rọye-e, okpemu rọ dia evun rẹ iyara cha sọhrọ, ekala ke cha riọ.

Izikiẹl 22:7

Ọsẹ vẹ oni a vwẹ ayen jehwe vwẹ evun wẹ, ọrhorha rọ hẹ uherevie wẹn, wa karhiẹn emu rọye mie, te ọmọphrorivwi te ayeuku e ru ayen chọ vwẹ evun wẹn.

Daniẹl 11:21

Vwẹ ẹdia rọye orharhe rẹ ohwo che mu ohwo re ji mu ọghọ rẹ ovie kẹ-ẹ; ọ cha rhe ọ cha vuẹ ohwo ọvuọvo-o kọ cha vwẹ unuẹrarọ vwọ reyọ uvie na.

Ukeri 16:3

ayen da ghwẹ oma koko vwọ so Mosis vẹ Erọn ayen da ta kẹ ayen, Wa yan sheri nọ! Fikiridie ukoko na ejobi funre, kohwo kohwo vwẹ usun rayen, yẹ Ọrovwohwo uherevie rẹ ayen; die sorọ wa vwọ kpare oma kpenu vrẹn ukoko rẹ Ọrovwohwo?

Matiu 15:4

Kidie Ọghẹnẹ tare nẹ, Vwẹ ọghọ kẹ ọsẹ wẹn vẹ oni wẹn. Ohwo ro ta ota omiomiovwi kpahe ọsẹ eyẹ oni rọye e jo ghwu.

Iruo rẹ Iyinkọn na 23:5

Pọl da ta, Me riẹnre rẹ, imoni, nẹ orherẹn rode rẹ; kidie e siro nẹ, Wo yivwaro kpahe osun rẹ ihwo wẹ-ẹn.

1 Pita 2:17

Mu ọghọ kẹ ihwo ejobi, Guọnọ imoni. Djẹ oshọ rẹ Ọghẹnẹ. Vwẹ ọghọ kẹ ovie.

2 Pita 2:10

Marho kẹ ayen otu ri keke oma phihọ urhuru si vwe rẹ ugboma ri gbe ẹgua vẹ ọmeme kugbe otu re jẹ ogangan rẹ isuesun fia. Ihwo vẹ udu re vwẹ ẹro koko ruẹ imwemwu, oshọ muẹ aye-en ri di muẹ ihwo yoyovwi harha.