2 Samuẹl 15:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Ẹkẹvuọvo ọ da dianẹ ọ tare, Mi vwo omavwerhe kpahe owẹ-ẹ, nighere, mẹvwẹ na, jo ru vwe obo ri jere.

2 Samuẹl 15:26 ပူးပေါင်းရင်းမြစ်များ

2 Samuẹl 10:12

Yivwaro, je ru oma kerẹ eshare vwọ kẹ ihwo rẹ avwanre; kugbe irere rẹ Ọghẹnẹ rẹ avwanre; e gbe jẹn Ọrovwohwo ru obo ri jere.

2 Samuẹl 11:27

Rẹ uvweri na vwọ ghwiẹ nu, Devid da reyọ vwo kpo uwevwi rọye, o de rhi hirhe phihọ aye rọye, o de vwiẹ ọmọshare vwọ kẹ. Ẹkẹvuọvo obo ri Devid ruru de miovwo Ọrovwohwo ivun.

2 Samuẹl 19:28

Fiki rẹ evwruwevwi rẹ ọsẹ mẹ ejobi pha kerẹ ihwo re brorhiẹ rẹ ughwu hwe vwẹ obaro rẹ ọrovwovwe ovie, ẹkẹvuọvo wo ru odibo wẹn nẹ o nene uwe re emu vwẹ imẹjẹ wẹn. Didi ogangan ọfa mi rhe vwo, mi vwo kperi se ovie;

2 Samuẹl 22:20

Ọ vwo vwẹ kpo asan ro phẹre; o si vwe, fikiridie mi je.

1 Ivie 10:9

Ebruba kẹ Ọrovwohwo Ọghẹnẹ wẹn, rẹ ivun wẹ vwerhere rọ da vwẹ owẹ tidia ekete rẹ Izrẹl. Fikiridie Ọrovwohwo guọnọ Izrẹl bẹdẹ, kọye ọ vwọ vwẹ owẹ mu ovie, rere wo vwo brorhiẹ rẹ ọsoso vẹ ọvwata.

1 Ikun rẹ Ivie 21:7

Ẹkẹvuọvo emu nana de miovwo Ọghẹnẹ ivun, ọ da ghwiẹ Izrẹl.

2 Ikun rẹ Ivie 9:8

Ebruba kẹ Ọrovwohwo Ọghẹnẹ wẹn, rẹ ivun wẹ vwerhere rọ da vwẹ owẹ tidia ekete rọye nu wọ re ovie vwẹ obaro rẹ Ọrovwohwo Ọghẹnẹ wẹn. Fikiridie Ọghẹnẹ wẹn guọnọ Izrẹl ọ ke guọnọ nẹ ọ vwẹ owọ rọye muotọ bẹdẹ, ọ da vwẹ owe mu ovie vwẹ enu rẹ ayen, rere wo brorhiẹ rẹ ọsoso vẹ ọvwata.

Une rẹ Ejiro 39:9

Mi diunu, mi gbi se rhie unu mẹ-ẹ; kidie wọwẹ ri ruro.

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Aizaya 62:4

E gbi se we ọfa nẹ Ọ rasere-e, otọ wẹn e gbi se ọfa nẹ Ọ ra kuanu-u, ẹkẹvuọvo ke se we nẹ Ojevwe Me hẹ evun rọye, otọ wẹn kẹ Orọvwe, kidie ivun wẹn vwerhe Ọrovwohwo, otọ wẹn ka rọvwọ.

Jerimaya 22:28

Ohwo nana Konaya na, ochẹ ro fi emuọvo-o ro ghwuru, ochẹ ra vwẹ ẹro te-e? Die sorọ evwo do vẹ emọ rọye kufia kpo otọ re ayen riẹnre-e?

Jerimaya 32:41

Me cha ghọghọ vwẹ emu esiri ri mi ru kẹ ayen, ke me kọn ayen phihọ evun rẹ otọ nana vwẹ esegbuyota, kugbe udu vẹ ẹnwẹn mẹ ejobi.

Ukeri 14:8

Ọ da dianẹ oma rẹ avwanre vwerhe Ọrovwohwo, ọ sa reyọ avwanre rhe otọ na rọ da vwọ kẹ avwanre, otọ rọ djẹ ọkẹre rẹ ameivie kugbe ọnyọn.

Matiu 1:10

Hẹzikaya kọye ọsẹ ri Manase, Manase kọye ọsẹ rẹ Emọs, Emọs kọye ọsẹ ri Josaya,

Joshua 9:25

Asakiephana, nighere, avwanre obọ wẹn, ru obo ri yovwiri vẹ ọ ro fori vwẹ evun wẹn kẹ avwanre.

Iguẹdjọ 10:15

Ihwo rẹ Izrẹl da ta kẹ Ọrovwohwo na nẹ Avwanre ru umwemwu nure; ru avwanre obo ri je we, gbe di sivwi avwanre, avwanre rẹ wẹ, vwẹ ẹdẹ ri nonẹ.

1 Samuẹl 3:18

Etiyin Samuẹl da ta emu ejobi kẹ o si emuọvo nu kẹ-ẹ. ọ da ta, ọye Ọrovwohwo, e jo ru obo ri jere.