2 Samuẹl 15:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Etiyin ovie da ta kẹ Zadọk, Mu ekpeti rẹ Ọghẹnẹ na hirhe kpo obo orere. Ọ da dianẹ me mrẹ ẹroesiri vwẹ obaro rẹ Ọrovwohwo, kọ vwo vwẹ hirhe rhe, me je mrẹ kugbe asan rọ dia;

2 Samuẹl 15:25 ပူးပေါင်းရင်းမြစ်များ

2 Samuẹl 6:17

Ayen de mu ekpeti rẹ Ọrovwohwo na a da nabọ rhuẹrẹ phihọ ẹdia rọye, vwẹ evun rẹ utughẹ ri Devid rhuẹrẹ kẹ. Devid de ze izobo rẹ ẹtorhẹ o de ze izobo rẹ ufuoma kẹ Ọrovwohwo.

2 Samuẹl 7:2

ovie na da ta kẹ Natan rẹ ọmraro rẹ Ọghẹnẹ, Nighere asakiephana me dia uwevwi rẹ igẹun ẹkẹvuọvo ekpeti rẹ Ọghẹnẹ dia utughẹ.

Une rẹ Ejiro 122:1

Oma vwerhe ovwẹ ra vwọ ta kẹ vwẹ, E jẹn kpo uwevwi rẹ Ọrovwohwo na!

Une rẹ Ejiro 122:9

Fiki rẹ uwevwi rẹ Ọrovwohwo rẹ Ọghẹnẹ rẹ avwanre, me guọnọ erhuvwu wẹn.

Une rẹ Ejiro 26:8

E Ọrovwohwo, me guọnọ asan re uwevwi wẹn epha kugbe asan rẹ urinrin wẹn dia.

Une rẹ Ejiro 84:10

Kidie ẹdẹ ọvo vwẹ eguan wẹn o yovwi nọ uriori vwẹ asan ọfa O fori re me dia ọrhẹrẹ ẹchẹ vwẹ uwevwi rẹ Ọghẹnẹ mẹ nọ re me da dia itughẹ rẹ ihwo imwemwu.

Ẹyano 15:13

Wẹ vwẹ ẹguọnọ ro jẹrhẹriẹ wẹn vwo sun ihwo na re wọ tan hirhe, wẹ vwẹ ogangan wẹn vwo sun ayen kpo ẹdia ọfuanfon wẹn na.

Ẹyano 33:12

Mosis da ta kẹ Ọrovwohwo, Nighe wọ ta kẹ vwẹ nẹ, Reyọ ihwo nana rhe obenu, ẹkẹvuọvo wo ji rhi ju vwe riẹn ohwo ru wo ji nene uvwe-e. Yẹ wọ tare nẹ, Me riẹn odẹ wẹn, nẹ wọ je mrẹ aroesiri mẹ nure.

Ẹyano 33:13

Asakiephana, me rẹ wẹ, ọ da dianẹ me mrẹ aroesiri wẹn, gbe dje idjerhe wẹn kẹ vwẹ rere me vwọ riẹn wẹ re me vwọ mrẹ aroesiri wẹn. Roro mrẹ tanẹ, ẹgborho nana ihwo wẹn.

Aizaya 38:22

Hẹzikaya je ta vẹrhe ne, Didi oka me vwọ riẹn nẹ mi se kpo uwevwi rẹ Ọrovwohwo?

Jerimaya 25:30

Vwẹ ọtiọye na, wọ me mraro rẹ eta nana kpahe ayen, wọ ta kẹ ayen nẹ: Ọrovwohwo cha van nẹ enu cha, O che do urhuru nẹ ẹdia ọfuanfon rọye rhe; Ọ cha van gangan kpahe igegede rọye kperi, kere ihwo ri chiyi edi, kpahe ihwo re dia akpọ na ejobi.

Jerimaya 7:4

Wo se eta rẹ ephiẹvwẹ nana gbuyota-a: Ọnana uwevwi rẹ Ọrovwohwo, uwevwi rẹ Ọrovwohwo na, uwevwi rẹ Ọrovwohwo na.