2 Samuẹl 15:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Absalọm vrẹn vwẹ irhiọke o mi mudia vwẹ akakọ rẹ unurhoro rẹ orere na ọke ri kohwo kohwo ro vwo aphro de bru ovie cha che guẹdjọ, Absalọm mi ghwe se, ọ me ta, Didi orho wo nurhe? Ọke ro da ta, Odibo wẹn asan tiọna o nurhe vwẹ Izrẹl na.

2 Samuẹl 15:2 ပူးပေါင်းရင်းမြစ်များ

Jẹnẹsis 34:20

Kọye Hamọr vẹ ọmọ rọye Shikẹm de rhi te ughere rẹ orere na ayen da ta kẹ ihwo rẹ orere na nẹ,

2 Samuẹl 19:8

Etiyin ovie de vrẹn o de tidia anurhoro. A da ta kẹ ihwo ejobi nẹ, Nighere, ovie tidia anurhoro ihwo na ejobi da rhe obaro rẹ ovie. Kidie Izrẹl ejobi dohwo duwevwi rọye djẹ ra.

2 Ikun rẹ Ivie 10:7

Ayen da ta kẹ, Ọ da dianẹ wo ni arodọvwẹ kẹ ihwo nana wo de phoraro kẹ ayen, wọ da kpahe ota esiri kẹ ayen, ayen ke dia idibo wẹn bẹdẹ.

ỌBE RẸ JOB 24:14

Ozighẹ vrẹn vwẹ evun rẹ ebri, rere o vwo hwe ovwiogbere vẹ ọrakpọbẹ; vwẹ evun rẹ ason ọ me họhọ oji.

Ẹyano 18:14

Ọke rẹ ọgọ ri Mosis vwọ mrẹ obo ro ruẹ vwọ kẹ ihwo na, ọ da ta, ọnana die wo ruẹ kẹ ihwo na? Die wẹ ọvo vwo tidia, rẹ ihwo na ejobi vwo mudia yariẹ owẹ phihọ nẹ irhiọke re te ovwọnvwọn?

Ẹyano 18:16

ayen de rhe vwo ẹghwọ, ayen mi bru vwe rhe ki mi guẹdjọ rẹ ohwo vẹ ọrivẹ rọye, mi mi rhe dje iji rẹ Ọghẹnẹ vẹ erhiẹn rọye kẹ ayen.

Ẹyano 18:26

Ayen de guẹdjọ rẹ ihwo na vwẹ ọke ejobi, ẹdjọ rẹ ganre kọye ayen vwo rhe Mosis, ẹkẹvuọvo omota otete ayen mi rhe brorhiẹn rọye.

Isẹ 4:16

Kidie ayen rhe ru umwemwu-u ovwerhẹ sun aye-en; jokpa nẹ ayen sun ohwo ọvo ghwru kẹsiẹye ovwerhẹ ki sun ayen.

Daniẹl 11:21

Vwẹ ẹdia rọye orharhe rẹ ohwo che mu ohwo re ji mu ọghọ rẹ ovie kẹ-ẹ; ọ cha rhe ọ cha vuẹ ohwo ọvuọvo-o kọ cha vwẹ unuẹrarọ vwọ reyọ uvie na.

Matiu 27:1

Rẹ ọke rhi vwo rhie, ilori rẹ irherẹn na ejobi kugbe ekpako ri Ju na ejobi, da ra ro ẹguare kpahe Jesu obo rẹ ayen ru hwe.

Urhi Rivẹ 17:8

Ẹdjọ rẹ ozighẹ de she vwẹ uherevie rẹ ihwo ivẹ re guọnọ orhiebro, oka rẹ urhi ọvo eyẹ urhi ọfa eyẹ ẹdjọ rẹ ohọre rọ so ihwo ivẹ, eyẹ kẹdjọ kẹdjọ rọ phiare vwẹ evun rẹ orere rọ bẹn ovwan ebro, ovwan ki vrẹn vwo kpo asan rẹ Ọrovwohwo rẹ Ọghẹnẹ jẹreyọ.

Rutu 4:1

Boaz de kpo anuihoro, o de tidia etiyin; nighere, omoni kpẹkpẹkpẹ, ri Boaz ta ota rọye na, da yanrhe. Etiyin Boaz da ta, rhoma akakọ, ugbeyan; wo tidia etinẹ; ọ da rhoma akakọ, o de, tidia.