2 Samuẹl 15:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Etiyin ovie da ro otafe, evwruwevwi rọye ejobi vwọ kpahọ ovie da yan jẹn eya ẹsen rọye ihwe vwo nẹ e sẹro rẹ uwevwi.

2 Samuẹl 15:16 ပူးပေါင်းရင်းမြစ်များ

2 Samuẹl 12:11

Enẹ Ọrovwohwo tare, Nighere, Ke Me kpare umwemwu vwọ so wẹ vwẹ uwevwi rẹ obọ wẹn na; ke Me reyọ eya wẹn vwẹ irharo wẹn na, ke Me vwẹ ayen vwọ kẹ ọrivẹ wẹn, kọ vayen sherhẹ vwẹ oghẹruvo koko na.

2 Samuẹl 12:2

Ọdafe na vwo igodẹ buebu kugbe ichuru; ẹkẹvuọvo ovwiogbere na vwo emu ọvuọvo-o jokpa rẹ ọmọ rẹ ogodẹ rẹ aye, otete ọvo rọ dẹre.

2 Samuẹl 15:15

Idibo rẹ ovie da ta kẹ ovie, Nighere idibo wẹn choma rẹ ayen vwo ru obo wọ tare ejobi.

2 Samuẹl 15:17

Ovie da yan hẹ obaro, ihwo rọye ejobi de nene, aye de mudia vwẹ asan uwevwi rọ ka oba.

2 Samuẹl 19:10

Ẹkẹvuọvo Absalọm re ma vwọ re oviẹ vwẹ enu rẹ avwanre, o ghwuru vwẹ ofovwi asakiephana fiki rẹ ọtiọye na, kidie ma rha jẹn iroro rẹ obo ra vwọ reyọ hirhe-e?

2 Samuẹl 20:3

Devid de rhi te uwevwi rọye vwi Jerusalẹm; ọye ovie da reyọ ẹsen ihwe na rọ yan jovwo ne vwẹ ẹro te uwevwi rọye; o de phi ayen phihọ uwevwi ọ da vwẹ ohwo rhẹrẹ ayen, jọ kẹ ayen emu ria, ẹkẹvuọvo o gbi bru ayen kpo ovwerhẹ-ẹ. Ọtiọye ọ kare ẹchẹ gbe ayen rhiri kerẹ eyauku re te ẹdẹ ughwu rayen.

Une rẹ Ejiro 3:1

E Ọrovwohwo, mavọ ivwighrẹ mẹ bute! Buebu vrẹn vwọ so vwẹ,

Ọbe ri Pọl si rhe Ihwo ri Rom 12:2

We hirhe oma phihọ ohwo rẹ akpọ nana ọvo-o ẹkẹvuọvo gbe wene iroro rẹ udu rẹ ovwan phihọ ọkpokpọ, re we se vughe ọhọre rẹ Ọghẹnẹ, obo ri yoma ro fo ẹreyọ kugbe obo re gbare.

Iguẹdjọ 4:10

Barak de se Zẹbulọn kugbe Naftali kpọ Kedẹsh, eshare uriori ihwe de nene ichichiyi, Dẹbora vẹ ọye da yanran.

1 Samuẹl 25:27

Biko gbe je a vwẹ ọmọko nana rẹ odibo wẹn phare rhe ọrovwovwe na kẹ imighele ri nene ọrovwovwe na.

1 Samuẹl 25:42

Kpata kpata Abigail vrẹnri ọ da ro ekẹtẹkẹtẹ rọye, ọ vẹ emetẹ iyori ri gbe odibo kẹ; ọda vwọ kpahe idibo ri Devid, o de rhi hirhe phihọ aye rọye.