2 Samuẹl 14:33 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³³ Etiyin Joab de bru ovie, ọ da ta kẹ; o de se Absalọm, Etiyin o de bru ovie rhe, o de sherhẹ bọvwọn opharo rhuotọ kẹ ovie, ovie da fiọnfiọn unu.

2 Samuẹl 14:33 ပူးပေါင်းရင်းမြစ်များ

Jẹnẹsis 27:26

Etiyin ọsẹ rọye Aizik da ta kẹ, Gbe si kẹrẹ ovwẹ re wọ fiọnfiọn ovwẹ, ọmọ mẹ.

Jẹnẹsis 33:4

Ẹkẹvuọvo Isọ da djẹ ra vwa, ọ da gbanọ, ọ da vwẹ uyovwi kpahọ ohọre ọ da fiọnfiọn unu, ayen da viẹ.

Jẹnẹsis 45:15

Ọ da fiọnfiọn emesẹ rọye ejobi unu ọ da viẹ ku ayen; rẹ ena ejobi vwọ wan nu emesẹ rọye ejobi de nene gbe ikun.

2 Samuẹl 15:5

Ọke rẹ ohwo de si kẹrẹ rhe vwẹ ọghọ kẹ, ọ me yọnrọn ọ fiọnfiọn.

2 Samuẹl 19:39

Kẹsiẹye ihwo na ejobi ke shariẹ urhie na, ovie da shariẹ; ovie da fiọnfiọn Barzillai unu ọ da vwẹ ẹrhovwo kẹ o de rhivwi kpo uwevwi rọye.

1 Ivie 1:53

Ọtiọye Ovie Solomọn de ji ikọn, ayen da ra reyọ nẹ enu rẹ agbada na rhe. ọ rhere ọ da rhe vware Ovie Solomọn; Solomọn da ta kẹ, yanran kpo uwevwi wẹn.

Iyẹnrẹ Esiri ri Luk 15:20

O de ghine vrẹn o de bru ọsẹ rọye ra. Ẹkẹvuọvo rọ vwọ cha vwe ogboko re; ọsẹ rọye da mrẹ ehrọre rọye da riọ, ọ da djẹ ra gbanọ ọ da fiọnfiọn unu.