2 Samuẹl 14:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² Absalọm da kpahe kẹ Joab, Nighere, mi ji ohwo re se we, re mi ji we bru ovie, re wọ nọ, Die sorọ mi vwo nẹ Gesho rhe? Oyoma kẹ vwẹ me vwọ daji oboyi, Asakiephana gbe ju vwe mrẹ opharo rẹ ovie; ọ da dianẹ orukuruku hẹ oma mẹ, gbe jo hwe vwe.

2 Samuẹl 14:32 ပူးပေါင်းရင်းမြစ်များ

Jẹnẹsis 3:12

Ọshare na da ta, Aye ru wọ vwọ kẹ vwẹ nẹ o nene uvwe dia, ọye vwẹ emamọ rẹ urhe na kẹ vwẹ, Me da re.

2 Samuẹl 13:37

Ẹkẹvuọvo Absalọm da djẹ o de bru Talmai ọmọ rẹ Amihud, ovie ri Gẹsho. Devid de muoma rẹ emọ rọye phihọ nẹ ẹdẹ ra ro ẹdẹ.

2 Samuẹl 14:31

Etiyin Joab vrẹnri o de bru Absalọm rhe uwevwi rhe da ta kẹ, Die sorọ rẹ idibo wẹn vwo phi erhanre phihọ udju mẹ?

2 Samuẹl 3:3

Ọrivẹ, Chileab, ri Abigail ayeuku rẹ Nabal ohwo ri Kamẹl vwiẹ kẹ; Ọrerha, Absalọm ọmọ ri Maakah ọmọtẹ ri Talmail rẹ ovie ri Gẹshur;

Une rẹ Ejiro 36:2

Kidie ọ ra vwẹ unu brugu phihọ oma rọye nẹ a cha sa mrẹ otọ rẹ orukuruku rọye re de tuoma rọye-e.

Ẹyano 14:12

Ọnana dia obo rẹ avwanre ta kẹ wẹ vwẹ Ijipt na, Yan jẹ avwanrẹ vwo rere avwanre ga ihwo rẹ Ijipt na? Kidie ofori re avwanre ga ihwo rẹ Ijipt nọ ọ rẹ avwanre de ghwu phihọ aton na.

Ẹyano 16:3

ayen da ta kẹ ayen, Manẹ kẹ avwanre ghwuru vwẹ obọ rẹ Ọrovwohwo vwẹ otọ rẹ Ijipt vwonẹ, ọke rẹ avwanre vwo tidia kerẹ evwẹrẹ rẹ eranvwe rẹ avwanre da re ikara vọn evun; etinẹ na wọ rọye avwanre rhe aton nana rere wọ rhe vwẹ owẹvwe hwe ukoko nana ejobi ghwu.

Ẹyano 17:3

Ẹkẹvuọvo urhuru rẹ ame de hwe ihwo na vwẹ etiyin, ihwo na de gun Mosis, ayen da ta, Die wọ vwọ reyọ avwanre nẹ otọ rẹ Ijipt rhe, rhe vwọ vwẹ urhuru rẹ ame hwe avwanre vẹ emọ rẹ avwanre kugbe uchuru rẹ avwanre?

Isẹ 28:13

Ohwo ro si ogbeku rọye nu che se yovwẹ-ẹ, ẹkẹvuọvo ohwo rọ rhọvwerọ ro de siobọ nẹ ayen cha mrẹ arodọvwẹ.

Jerimaya 8:12

Oma tobọ vo ayen siẹ rẹ ayen de gbe ẹgua na? Ẹjo, oma vo ayen phiephe-e, ayen riẹ obo re muẹ oma phihọ-ọ. Ọtiọye na ayen ki che she phihọ ohri rẹ otu ri sheri, Ọke mi de hwe ayen kẹ ayen rhurie she, eriyin Ọrovwohwo tare.

Matiu 25:44

Ayen ke kpahe ta nẹ, Ọrovwohwo, ọkevọ me vwọ mrẹ wẹ rẹ owevwe hwe, eyẹ rẹ urhuru rẹ ame hwe, eyẹ ọrhorha, eyẹ rẹ ọ banphihọ, eyẹ rẹ ọ mua ọga eyẹ rọ hẹ uwodi ri mi ru emu ọvuọvo kẹ wẹ-ẹ?

Ọbe ri Pọl si rhe Ihwo ri Rom 3:19

Asakiephana avwanre riẹnre nẹ kemu kemu rẹ urhi tare ọ tarọ kẹ ayen otu re hẹ otọ rẹ urhi, rere unu ri kohwo kohwo rọ phraphro vwo rhurhu, rere ihwo rẹ akpọ ejobi vwọ hẹrhẹ orhiebro ro nẹ obọ rẹ Ọghẹnẹ rhe.

1 Samuẹl 15:13

Samuẹl da rhe vwa Sọl, Sọl da ta kẹ, Ebruphihọ kẹ wẹ vwẹ oma rẹ Ọrovwohwo; mi ruru kirobo rẹ Ọrovwohwo ji urhi rọye kẹ vwẹ nure.

1 Samuẹl 20:8

Vwẹ ọtiọye na gba rẹ ehrọre rẹ odibo wẹn, kidie wọ riẹnre nẹ me vẹ owẹ re ọphọ. Ẹkẹvuọvo wọ da mrẹ abe vwẹ obọ mẹ, wẹ ọvo hwe vwe; kidie wọ rha vwẹ ovwẹ rhe ọsẹ wẹn ru?