2 Samuẹl 14:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ wo bru ovie ra, ru wọ ta enẹ kẹ. Joab de djẹ obo rọ ta kẹ.

2 Samuẹl 14:3 ပူးပေါင်းရင်းမြစ်များ

2 Samuẹl 14:19

Ovie na da ta, Obo ri Joab hẹ enana ru wọ ta na? Aye na da kpahe ọ da ta, kerẹ ọtiobo wọ herọ na, ovie rovwovwe, ohwo se kpo obọrhe yẹrẹ obọhwẹre-e no obo rẹ ovie tare na-a; fiki rẹ odibo wẹn Joab, ri ji vwe, o de phi efa nana phihọ unu rẹ ọmọtẹ wẹn.

2 Samuẹl 14:4

Ọke rẹ aye ri Tekoa na vwo bru ovie rhe, o de she bọvwọn opharo rhuotọ o de yere ovie, ọ da ta, chuko, E ovie, ovie da ta kẹ,

Ezra 8:17

mi de ji ayen uwevwi bru Iddo, olori vwẹ asan re se Kasifaya, ra ta ke ayen obo rẹ ayen vuẹ Iddo kugbe imoni rayen, idibo rẹ uwevwi vwẹ asan re se Kasifaya nẹ ayen jẹ ihwo ri gbẹ odibo vwẹ uwevwi rẹ Ọghẹnẹ rẹ avwanre na rhe.

Ẹyano 4:15

Ku wọ cha ta ota kẹ, ki wo phi eta na phiyọ unu rọyen; ki mi nene unu wẹn dia kugbe unu rọyen, ki mi yono uwe obo rẹ wo ru.

Aizaya 51:16

Mi de phi ota mẹ phihọ unu wẹn, mi de si we nu vwẹ uhoho rẹ obọ mẹ, Me da riẹn idjuvwu na phihọ ma da ton uchivwo rẹ akpọ na phihọ, ta ke Zayọn nẹ, Ovwan ihwo Mẹ.

Aizaya 59:21

Vwọ kẹ vwẹ, Ọnana ọphọ re Me, vẹ ayen rere, eriyin Ọrovwohwo tare: erhi Mẹ rọ hẹ enu wẹ, kugbe eta Mẹ ri mi phi họ unu wẹn, che se nẹ unu wẹ-ẹn, eyẹ unu rẹ emọ wẹ-ẹn, eyẹ vwo nẹ unu rẹ ivwrọmọ wẹ-ẹn, eriyin Ọrovwohwo tare, nẹ ọke nana yanran rhiri bẹdẹ.

Jerimaya 1:9

Kẹsiẹye Ọrovwohwo ke riẹn obọ rọye rhe vwo te ugbunu mẹ; Ọrovwohwo ke ta kẹ vwẹ nẹ, nighe, mi phi ota mẹ phihọ ugbunu wẹn nure.

Ukeri 23:5

Ọrovwohwo de phi ota phihọ unu ri Balaam, ọ da ta, Rhivwi bru Balak ra, enẹ kọye wọ ta.

Urhi Rivẹ 18:18

Me cha vwẹ ọmraro rọ họhọ owẹ kẹ ayen nẹ uherevie rẹ imoni rayen rhe; ki mi che phi ota mẹ phihọ unu rọye, obo re Me ta kẹ ejobi kọye ọ cha ta.