2 Samuẹl 14:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Ovie na da ta, Obo ri Joab hẹ enana ru wọ ta na? Aye na da kpahe ọ da ta, kerẹ ọtiobo wọ herọ na, ovie rovwovwe, ohwo se kpo obọrhe yẹrẹ obọhwẹre-e no obo rẹ ovie tare na-a; fiki rẹ odibo wẹn Joab, ri ji vwe, o de phi efa nana phihọ unu rẹ ọmọtẹ wẹn.

2 Samuẹl 14:19 ပူးပေါင်းရင်းမြစ်များ

2 Samuẹl 11:11

Uraya da ta kẹ Devid, Ekpeti na kugbe Izrẹl vẹ Juda dia itughẹ; ọrovwovwe Joab kugbe idibo rẹ ọrovwovwe wo phihọ ophephe, ki mi kpo uwevwi, re me re, re me da mi rhe nene aye mẹ sherhẹ? Ọtiobọ wọ herọ kugbe obo rẹ ẹnwẹ wẹn herọ na, mi se ru emu nana-a.

2 Samuẹl 14:18

Etiyin ovie da kpahe kẹ aye na, Wo siẹ obo me cha nọ wẹ na nẹ kẹ vwẹ-ẹ. Aye na da ta, Jẹn ọrovwovwe ovie ta.

2 Samuẹl 14:3

wo bru ovie ra, ru wọ ta enẹ kẹ. Joab de djẹ obo rọ ta kẹ.

2 Samuẹl 18:13

Ọrivẹ mi de ru obo re brare vwọ kpahọ erhi rọye je vwo emu ọvuọvo rọ djahere kẹ ovie-e; okpuyovwi wẹn ko tephe kẹ vwẹ.

2 Samuẹl 3:27

Abner ri vwo hirhe te Hebrọn, Joab de se phihọ akakọ kpo ughere rere ọbẹbẹ nene ta omota, etiyin o de duvwo evun o de ghwu, fiki rẹ ọbara rẹ Asahẹl rẹ oniọvo rọye.

2 Samuẹl 3:29

Jọ dia uyovwi ri Joab vẹ evwruwevwi rẹ ọsẹ rọye, e jẹn ozighẹ karo uwevwi ri Joabu-u, eyẹ ọhonvwoti, ohwo rọ ghworo rọ vwẹ ọkpọ yan, yẹrẹ ohwo ra vwẹ ọlọkọ hwe, eyẹ ogbere kare uwevwi ri Joabu-u.

2 Samuẹl 3:34

A gba obọ wẹ-ẹ, yẹrẹ a vwẹ ọjọrọn karọ owọ wẹ-ẹ, kirobo rẹ ohwo she phihọ obọ rẹ ihwo umwemwu wo sheri. Ihwo na ejobi da viẹ kẹ.

Ivie rẹ Ivẹ 2:2

Ilaija da ta kẹ Ilaesha nẹ, Hẹrhẹ vwẹ etinẹ, Me rẹ wẹ, fikiridie Ọrovwohwo ji uvwe kpo Bẹtẹl. Ẹkẹvuọvo Ilaesha da kpahe kẹ nẹ, Kirobo rẹ Ọrovwohwo herọ na, arhọ wẹ ke je herọ na, Me cha yan jẹ uwe vwo-o. Kọye ayen da yan kpo Bẹtẹl.

Ẹyano 4:15

Ku wọ cha ta ota kẹ, ki wo phi eta na phiyọ unu rọyen; ki mi nene unu wẹn dia kugbe unu rọyen, ki mi yono uwe obo rẹ wo ru.

Isẹ 25:2

Urinrin rẹ Ọghẹnẹ rere o vwo si eravwọ nu, ẹkẹvuọvo kẹ rha urinrin rẹ ivie rere ayen vwọ guọnọ otọ rayen phia.

Isẹ 4:27

Wo gbe ọghwia vwẹriẹ obọrhe eyẹ obọhwẹre-e, si awọ wẹn nẹ emu omiomiovwi.

Ukeri 20:17

Asakiephana gbe jẹ avwanre wan otọ rẹ ovwan na vrẹn. Avwanre cha wan udju eyẹ ogba ri vain vrẹ-ẹn, avwanre je cha da ame rẹ erhanre rẹ ovwa-an; ogbogbo rẹ idjerhe rẹ Ovie na avwanre cha wan, avwanre cha rhẹriẹ oma kpo obọrhe eyẹ obọhwẹre-e, bẹsiẹ rẹ avwanre cha vwọ wan vrẹn ughwru rẹ ovwan.

Iyẹnrẹ Esiri ri Luk 21:15

kidie me cha kẹ ovwan unu kugbe aghwanre, rẹ udu rẹ ukọn rẹ ovwan cha sa gba eyẹ phro-o.

Urhi Rivẹ 28:14

re ovwan rhe kuoma rhẹriẹ nẹ eta ri mi ji urhi kẹ ovwan nonẹ na-a, vwọ yan kpo obọrhẹ eyẹ obohwerẹ, vwo nene edjọ efa vwọ gan aye-en.

Urhi Rivẹ 5:32

Vwẹ ọtiọye na wa karohọ obo rẹ Ọrovwohwo rẹ ovwan na ji iji kẹ ovwan; ovwan rhẹriẹ oma kpo obọrhe eyẹ obọhwẹre-e.

Joshua 1:7

Wọ me goma rere wo yivwaro gangan, vwẹ ẹro te otọ dẹndẹn vwọ yọnrọn irhi na ejobi ri mi ji kẹ Mosis odibo mẹ nẹ ọ vwọ kẹ ovwan, wo kuoma rhẹriẹ kpo obọrhe eyẹ obọhwere-e, rere o vwo yovwi kẹ wẹ vwi kasan kasan re wọ cha ra.

1 Samuẹl 1:26

Ọ da ta, E, ọrovwovwe: Kirobo wọ herọ na, ọrovwovwe, mẹvwẹ aye ro mudia vwẹ obaro wẹ vwẹ etinẹ ye, rọ nẹ ẹrhovwo kẹ Ọrovwohwo ye.

1 Samuẹl 17:55

Ọke ri Sọl vwọ mrẹ Devid ro bru ohwo ri Filistia na ra, ọ da ra kẹ Abner, onotu rẹ unuofovwi rọye, Abner, ono vwo emeghele nana? Abner da ta, Obo rẹ ẹnwẹn wẹn herọ na, E ovie, Me sa ta-a.

1 Samuẹl 20:3

Ẹkẹvuọvo Devid da kpahe, ọsẹ wẹn riẹnre nẹ ivun mẹ vwerhe owẹ; o de roro nẹ, e jẹn Jonatan riẹn ọnana-a, ivun de rhe miovwo. Ẹkẹvuọvo uyota, kirobo rẹ Ọrovwohwo herọ na ji kugbe obo rẹ erhi wẹn herọ na, me da je owọ ọko vwẹ ẹtinẹ na ye me ro ughwu.

1 Samuẹl 25:26

Asakiephana, ọrovwovwe, kirobo rẹ Ọrovwohwo herọ na, kirobo rẹ erhi wẹn herọ na, wọ mrẹre nẹ Ọrovwohwo si we nẹ abe rẹ ọbara, ru wọ rha vwẹ obọ wẹn reihri na, gbe je ivwighrẹ wẹn kugbe otu re guọnọ ọrovwovwe umwemwu ruẹ dia kerẹ Nabal.