2 Samuẹl 14:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Joab rẹ ọmọ ri Zeruiah vwọ mrẹ nẹ udu rẹ ovie kẹ obo rẹ Absalọm ọ ra.

2 Samuẹl 14:1 ပူးပေါင်းရင်းမြစ်များ

2 Samuẹl 13:39

Ẹwẹn rẹ ovie da guọnọ nẹ ọye mrẹ Absalọm; kidie e bruro uche fiki ri Amnọn, rọ vwọ mrẹ nẹ o ghwu nure.

2 Samuẹl 14:2

Joab de ji ohwo kpo Tekoa ra guọnọ aye ọvo ro vwo ẹghwanre nẹ oboyi rhe, ọ da ta kẹ, Ru kerẹ ohwo ro vwerẹ uvweri, wo ku ewun rẹ uvweri phihọ, wọ vwẹ evwri ghworo oma wẹ-ẹn, ru kerẹ aye ro vwerẹ ohwo ro ghwu krire;

2 Samuẹl 18:33

Ota na da kpare ovie Devid, o de yeri kpo uvun rọ obenu rẹ anurhoro na ọ da viẹ, jọ yanran, ọ da ta E ọmọ mẹ Absalọm, ọmọ mẹ, ọmọ mẹ Absalọm, Mane mẹvwẹ eghwu vwẹ ẹdia wẹn, E Absalọm, ọmọ mẹ, ọmọ mẹ.

2 Samuẹl 19:2

Kọye ephiokparobọ rẹ ẹdẹ yena o de hirhe omamuohọ vwọ kẹ ihwo na ejobi kidie ihwo na nyori vwẹ ẹdẹ na nẹ, Ovie muomahọ kẹ ọmọ rọye.

2 Samuẹl 19:4

Ovie de rhurhu opharo rọye, ovie da viẹ vẹ urhuru rọ ganre, E ọmọ mẹ Absalọm, E Absalọm, ọmọ mẹ ọmọ mẹ.

2 Samuẹl 2:18

Emọ erha ri Zeruyah hẹ etiyin, Joab, Abishai, kugbe Asahẹl. Asahẹl djonẹ kerẹ uzo;

1 Ikun rẹ Ivie 2:16

Imoni rayen rẹ emetẹ eye Zẹruya kugbe Abigẹl. Emọ ri Zẹruya: Abishai, Joab, kugbe Asahẹl, erha.

Isẹ 29:26

Ihwo buebu guọnọ ọghọ vwẹ obọ rẹ osun, ẹkẹvuọvo obọ rẹ Ọrovwohwo a da mrẹ ọsoso reyọ.